Nūhou
Kekeha Solis
Synopsis: News bits from the past week.
Hana māinoino. Ma kēlā Pö'aono aku nei, ua loa'a kekahi honu i pepehi 'ia e waiho ana ma kahaone o ka 'ao'ao 'ākau o O'ahu nei. E moe make ana ia honu ma kona kua, a ua uhi 'ia i ke one, ua muku kona po'o, a pēlā pū me kekahi mau 'ēheu. He keu ia a ka hana 'ino. He inoa ko ia honu, na kekahi mau kānaka mālama honu i kapa aku, a 'o kona inoa, 'o ia 'o Honey Girl. Ke 'imi 'ia akula ke kolohe.
Ke keiki o ka Punahou. E ho'i mai ana paha 'o Barack Obama i Honolulu nei. Aia 'o ia ke ho'oālā nei i kahi 'aha ho'oulu kālā no kona alualu 'ana i ke kūlana pelekikena. Aia ana ia 'aha ma ka lā 12 o 'Aukake, a e mālama 'ia ana ma ka Hökele 'o Halekulani. He $2,300 o ka noho.
Ka inoa moho heihei wa'a. 'O Lanikai ka 'oi o ka 'Ahahui Heihei Wa'a Hawai'i o O'ahu nei ma ka ho'okūkū inoa moho i mālama 'ia aku nei ma kēlā Lāpule aku nei. 'O ia nö ka 'oi o ka māhele AAA. 'O Outrigger ka helu 'elua, a 'o Kailua ka helu 'ekolu. A ma ka māhele AA, 'o Hui Lanakila ka 'oi. A ma ka māhele A, 'o Honolulu Pearl ka 'oi.
Ahu ka hoka i ke kahua kenika. Aloha nö 'o Michelle Wie. 'Akahi nö a maika'i hou kāna pā'ani kolepa 'ana, a 'o kona pilikia hou ihola nö ia. Aia 'o ia ma ke kūlana helu 'elua ma hope o ka lā 'elua o ka ho'okūkū kolepa o kēlā hopena pule aku nei. A 'o ka pilikia, ua kāpae 'ia 'o ia mai ka ho'okūkū ma muli o kona pūlima 'ole i ke kāleka helu 'ai. 'A'ole na'e 'o ia e hā'awi pio, e komo ana 'o ia i kekahi ho'okūkū i kēia pule ma Nevada. He ho'okūkū ia no nā kāne, akā ua 'ae 'ia kona komo 'ana.
He moho hou. Waiho iho nei 'o Ann Kobayashi i kona kūlana luna 'aha kūkā o Honolulu i mea e alualu aku ai i ke kūlana meia. A ma kekahi mau pule i hala, ua hö'ike ka meia Mufi Hannemann i kona mana'o e alualu hou i ke kūlana meia. Ua alualu 'o Kobayashi i ka makahiki 1994, akā 'o Jeremy Harris kai koho 'ia.
Ulia ka'a me paikikala. Ho'oku'i 'ia aku nei 'elua mau kānaka holo paikikala ma ka Pö'alua nei. 'O ka mua, 'o David Wayne Aldridge II kona inoa, a ma ka wana'ao, e holo paikikala ana 'o ia ma ke alaloa 'o Kamehameha ma kahi o ka Mahi 'o Dole. I ia manawa 'o ia i ho'oku'i 'ia ai, a 'a'ole i kökua ka mea kalaiwa, holo wale akula. A 'o Aldridge, ua make ihola. Ua piha iā ia nā makahiki he 18. A he 'ekolu mau hola ma hope mai o ia ulia, ho'oku'i 'ia kekahi kanaka ma ke alanui 'o Fort Weaver. Ua 'eha kūpiliki'i 'o ia.
Ka mana koho. Koho like aku nei ka 'aha kūkā o Honolulu, na nā kānaka e koho i ka pono a me ka pono 'ole o ke ka'a uila halihali lehulehu kau i ka lewa ma Nowemapa. E koho hou ana lākou 'elua manawa. 'O ka mea minamina na'e, he hiki iā Mufi Hannemann ke wiko i ka mea e holo iā lākou.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Nühou
Kekeha Solis
Synopsis: News bits from the past week.
Hana mäinoino. Ma këlä Pö'aono aku nei, ua loa'a kekahi honu i pepehi 'ia e waiho ana ma kahaone o ka 'ao'ao 'äkau o O'ahu nei. E moe make ana ia honu ma kona kua, a ua uhi 'ia i ke one, ua muku kona po'o, a pëlä pü me kekahi mau 'ëheu. He keu ia a ka hana 'ino. He inoa ko ia honu, na kekahi mau känaka mälama honu i kapa aku, a 'o kona inoa, 'o ia 'o Honey Girl. Ke 'imi 'ia akula ke kolohe.
Ke keiki o ka Punahou. E ho'i mai ana paha 'o Barack Obama i Honolulu nei. Aia 'o ia ke ho'oälä nei i kahi 'aha ho'oulu kälä no kona alualu 'ana i ke külana pelekikena. Aia ana ia 'aha ma ka lä 12 o 'Aukake, a e mälama 'ia ana ma ka Hökele 'o Halekulani. He $2,300 o ka noho.
Ka inoa moho heihei wa'a. 'O Lanikai ka 'oi o ka 'Ahahui Heihei Wa'a Hawai'i o O'ahu nei ma ka ho'okükü inoa moho i mälama 'ia aku nei ma këlä Läpule aku nei. 'O ia nö ka 'oi o ka mähele AAA. 'O Outrigger ka helu 'elua, a 'o Kailua ka helu 'ekolu. A ma ka mähele AA, 'o Hui Lanakila ka 'oi. A ma ka mähele A, 'o Honolulu Pearl ka 'oi.
Ahu ka hoka i ke kahua kenika. Aloha nö 'o Michelle Wie. 'Akahi nö a maika'i hou käna pä'ani kolepa 'ana, a 'o kona pilikia hou ihola nö ia. Aia 'o ia ma ke külana helu 'elua ma hope o ka lä 'elua o ka ho'okükü kolepa o këlä hopena pule aku nei. A 'o ka pilikia, ua käpae 'ia 'o ia mai ka ho'okükü ma muli o kona pülima 'ole i ke käleka helu 'ai. 'A'ole na'e 'o ia e hä'awi pio, e komo ana 'o ia i kekahi ho'okükü i këia pule ma Nevada. He ho'okükü ia no nä käne, akä ua 'ae 'ia kona komo 'ana.
He moho hou. Waiho iho nei 'o Ann Kobayashi i kona külana luna 'aha kükä o Honolulu i mea e alualu aku ai i ke külana meia. A ma kekahi mau pule i hala, ua hö'ike ka meia Mufi Hannemann i kona mana'o e alualu hou i ke külana meia. Ua alualu 'o Kobayashi i ka makahiki 1994, akä 'o Jeremy Harris kai koho 'ia.
Ulia ka'a me paikikala. Ho'oku'i 'ia aku nei 'elua mau känaka holo paikikala ma ka Pö'alua nei. 'O ka mua, 'o David Wayne Aldridge II kona inoa, a ma ka wana'ao, e holo paikikala ana 'o ia ma ke alaloa 'o Kamehameha ma kahi o ka Mahi 'o Dole. I ia manawa 'o ia i ho'oku'i 'ia ai, a 'a'ole i kökua ka mea kalaiwa, holo wale akula. A 'o Aldridge, ua make ihola. Ua piha iä ia nä makahiki he 18. A he 'ekolu mau hola ma hope mai o ia ulia, ho'oku'i 'ia kekahi kanaka ma ke alanui 'o Fort Weaver. Ua 'eha küpiliki'i 'o ia.
Ka mana koho. Koho like aku nei ka 'aha kükä o Honolulu, na nä känaka e koho i ka pono a me ka pono 'ole o ke ka'a uila halihali lehulehu kau i ka lewa ma Nowemapa. E koho hou ana läkou 'elua manawa. 'O ka mea minamina na'e, he hiki iä Mufi Hannemann ke wiko i ka mea e holo iä läkou.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|