Nuhou
Kekeha Solis
Synopsis: News bits from the past week.
Moe i ka moe kapu a Niolopua. Ua hala aku nei 'o Bryan J. Baptiste i ke ala ho'i 'ole mai i kēlā Pō'akahi aku nei. 'O Baptiste ka meia o Kaua'i. Ua nui nō nā kānaka aloha iā ia nei. Ma ka lā 13 o Iune, ua kaha 'ia 'o ia no ka hana 'ana ma kona pu'uwai ma ka haukapila 'o ka Mō'ïwahine, a ho'oku'u 'ia 'o ia mai ia haukapila i kēlā Pō'alima aku nei. Ua piha nā makahiki he 52 iā ia. E mālama 'ia ana kona ho'olewa ma ka lā 6 o Iulai ma ka hale Kaua'i War Memorial. E ho'omaka ke kipa 'ana i ka hola 9:00.
Pohā ka lae. Hō'ike a'e nei ka hui mokulele 'o go!, ke hiki aku i ka lā 15 o Iulai, he pono ke uku no ka lua o ka ukana ke lele pili'āina. Wahi a ia hui, ma muli ia o ka pi'i loa 'ana o ke kumukü'ai o ka 'aila. 'A'ole i hahai aku ka hui mokulele 'o Hawaiian, akā ma ka mahina 'o 'Apelila, ho'omaka 'o Hawaiian e kāki pēlā ma ka lele 'ana i 'Amelika.
I ho'okahi ka mana'o. Kāko'o kekahi mau lālā o nā hui Kanaka Maoli like 'ole i ka mālama 'ia 'ana o ka 'aha 'elele hana kumukānāwai no nā Kānaka Maoli i mea e lōkahi ai ka mana'o ma ka 'imi 'ana i ke aupuni kü'oko'a. Wahi a Bumpy Kanahele, ua pülima mai he 20,000 mau kānaka a 'oi i ka ho'opi'i no ke kāko'o 'ana i ia 'aha 'elele hana kumukānāwai. A wahi nō ho'i a Kanahele, e hiki ana i nā kupa a pau o Hawai'i nei ke komo ma ia 'aha, 'a'ole 'o nā Kānaka Maoli wale nō.
'A'ole i pau. Ua kau aku nei ka 'ōlelo ho'oholo a ka lunakānāwai Susan Oki Mollway, 'o ia ho'i, e kōkua ke Ke'ena Kuleana Hawai'i i nā Hawai'i a pau, 'a'ole 'o nā Hawai'i wale nō he 50 pākeneka koko Hawai'i a 'oi ke kōkua 'ia. Wahi a Walter Schoettle, ka loio o nā mea ho'opi'i, e ho'opi'i hou ana nō i mua o ka 'aha ho'okolokolo ka'apuni 'eiwa.
E 'ōpü ali'i. He keu 'o Barack Obama a ka lokomaika'i. Noi aku nei 'o ia i nā kānaka e kāko'o nei iā ia, e hā'awi manawale'a lākou i ke kālā iā Hillary Rodham Clinton i mea e ho'opau ai i kāna 'ai'ē. Ma ko Clinton alualu 'ana ma ke koho wae moho, ua nui loa a'ela kāna mau 'ai'ē, he $22.5 miliona. A i ka Pō'ahā nei, ua hā'awi aku 'o Obama a me kāna wahine i $4,600 na Clinton. Ke lana nei ka mana'o o Obama, e kāko'o iā ia ko Clinton po'e kānaka kāko'o.
He iki unu. Ke lana nei ka mana'o o Derrick Low, e pā'ani 'o ia i ke kiniōpō hïna'i ma ke 'ano he loea. A pēlā pü paha me ko Hawai'i nei. Ho'okahi wale nō kanaka i hānai 'ia ma Hawai'i nei i lilo i loea ma ka 'Ahahui Kinipōpō Aupuni o 'Amelika, 'o ia nō 'o Red Rocha. Ua koho 'ia 'o Rocha e nā Huskies o Toronto i wae mea pā'ani kinipōpō hïna'i o ka makahiki 1947. Inā e koho 'ia 'o Low, 'o ia ana ka lua. I nā pule 'ekolu i hala iho nei, ua ho'oma'ama'a aku nei 'o ia no nā hui 'elima, 'o New Jersey, 'o Golden State, 'o Phoenix, 'o Seattle a me Dallas. Wahi a Low, ua ulu nō ka hoi o nā hui hope 'ekolu.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Nuhou
Kekeha Solis
Synopsis: News bits from the past week.
Moe i ka moe kapu a Niolopua. Ua hala aku nei 'o Bryan J. Baptiste i ke ala ho'i 'ole mai i këlä Pö'akahi aku nei. 'O Baptiste ka meia o Kaua'i. Ua nui nö nä känaka aloha iä ia nei. Ma ka lä 13 o Iune, ua kaha 'ia 'o ia no ka hana 'ana ma kona pu'uwai ma ka haukapila 'o ka Mö'ïwahine, a ho'oku'u 'ia 'o ia mai ia haukapila i këlä Pö'alima aku nei. Ua piha nä makahiki he 52 iä ia. E mälama 'ia ana kona ho'olewa ma ka lä 6 o Iulai ma ka hale Kaua'i War Memorial. E ho'omaka ke kipa 'ana i ka hola 9:00.
Pohä ka lae. Hö'ike a'e nei ka hui mokulele 'o go!, ke hiki aku i ka lä 15 o Iulai, he pono ke uku no ka lua o ka ukana ke lele pili'äina. Wahi a ia hui, ma muli ia o ka pi'i loa 'ana o ke kumukü'ai o ka 'aila. 'A'ole i hahai aku ka hui mokulele 'o Hawaiian, akä ma ka mahina 'o 'Apelila, ho'omaka 'o Hawaiian e käki pëlä ma ka lele 'ana i 'Amelika.
I ho'okahi ka mana'o. Käko'o kekahi mau lälä o nä hui Kanaka Maoli like 'ole i ka mälama 'ia 'ana o ka 'aha 'elele hana kumukänäwai no nä Känaka Maoli i mea e lökahi ai ka mana'o ma ka 'imi 'ana i ke aupuni kü'oko'a. Wahi a Bumpy Kanahele, ua pülima mai he 20,000 mau känaka a 'oi i ka ho'opi'i no ke käko'o 'ana i ia 'aha 'elele hana kumukänäwai. A wahi nö ho'i a Kanahele, e hiki ana i nä kupa a pau o Hawai'i nei ke komo ma ia 'aha, 'a'ole 'o nä Känaka Maoli wale nö.
'A'ole i pau. Ua kau aku nei ka 'ölelo ho'oholo a ka lunakänäwai Susan Oki Mollway, 'o ia ho'i, e kökua ke Ke'ena Kuleana Hawai'i i nä Hawai'i a pau, 'a'ole 'o nä Hawai'i wale nö he 50 päkeneka koko Hawai'i a 'oi ke kökua 'ia. Wahi a Walter Schoettle, ka loio o nä mea ho'opi'i, e ho'opi'i hou ana nö i mua o ka 'aha ho'okolokolo ka'apuni 'eiwa.
E 'öpü ali'i. He keu 'o Barack Obama a ka lokomaika'i. Noi aku nei 'o ia i nä känaka e käko'o nei iä ia, e hä'awi manawale'a läkou i ke kälä iä Hillary Rodham Clinton i mea e ho'opau ai i käna 'ai'ë. Ma ko Clinton alualu 'ana ma ke koho wae moho, ua nui loa a'ela käna mau 'ai'ë, he $22.5 miliona. A i ka Pö'ahä nei, ua hä'awi aku 'o Obama a me käna wahine i $4,600 na Clinton. Ke lana nei ka mana'o o Obama, e käko'o iä ia ko Clinton po'e känaka käko'o.
He iki unu. Ke lana nei ka mana'o o Derrick Low, e pä'ani 'o ia i ke kiniöpö hïna'i ma ke 'ano he loea. A pëlä pü paha me ko Hawai'i nei. Ho'okahi wale nö kanaka i hänai 'ia ma Hawai'i nei i lilo i loea ma ka 'Ahahui Kinipöpö Aupuni o 'Amelika, 'o ia nö 'o Red Rocha. Ua koho 'ia 'o Rocha e nä Huskies o Toronto i wae mea pä'ani kinipöpö hïna'i o ka makahiki 1947. Inä e koho 'ia 'o Low, 'o ia ana ka lua. I nä pule 'ekolu i hala iho nei, ua ho'oma'ama'a aku nei 'o ia no nä hui 'elima, 'o New Jersey, 'o Golden State, 'o Phoenix, 'o Seattle a me Dallas. Wahi a Low, ua ulu nö ka hoi o nä hui hope 'ekolu.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|