Rap Reiplinger
Kūpupou
Synopsis: Rap Reiplinger's work and his work that has been recently added to YouTube.
Hau'oli nō ka na'au i ka 'ike 'ana i nā hana keaka hope loa a Rap Reiplinger i hana ai, e waiho nei ma ka YouTube. Ua lohe anei 'oukou no Rap? Inā he 'ōpiopio 'oe, 'a'ole paha i lohe mua e pili ana i ua kanaka nei. 'O ia ka'u mea i 'ike ai i ka nīnau 'ana aku i ka'u papa i kekahi lā. 'O ka nui o nā haumāna, 'akahi nō a puka mai ke kula ki'eki'e mai, a 'a'ole i maopopo, 'o wai lā ia. 'O ke kumu paha i kama'āina 'ole ai, 'o ia ka ho'i 'ē 'ana o Rap e moe i ka moe kapu a Niolopua i ka lā 19 o Ianuali o ka makahiki 1984. Akā, 'o nā kāne, nā wāhine a me nā keiki e noho ana ma Hawai'i nei i ka wā o Rap e noke ana i kāna hana, he hū a'e ka 'aka, ke aloha a me ka mahalo ke no'ono'o a'e i ka hana a ua kanaka nei.
'O Rap Reiplinger, 'o ia kekahi o nā mea ho'omāke'aka kaulana loa o Hawai'i nei. I ka makahiki 1974, ua hui pū 'o Reiplinger, James Grant Benton a me Ed Ka'ahea, a kapa iā lākou iho, 'o Booga Booga, he hui ho'omāke'aka ia. ['O kahi mea minamina, 'a'ole paha i pa'i wikiō 'ia kā lākou hana ho'omāke'aka. Inā ua pa'a ma ka wikiō, pono paha ke ho'olaha 'ia ma ke kū'ai 'ana paha, a ma ka YouTube paha, i mea e 'ike 'ia ai e nā hanauna hou, ke akamai o lākou 'ekolu ma ka hana ho'omāke'aka.] Ma hope mai, ha'alele ihola 'o Reiplinger iā Booga Booga, a i ka makahiki 1978, puka a'ela kāna pāleo mua, 'o ia ho'i, 'o Poi Dog. 'O nā 'ōlelo ho'omāke'aka a pau o ia pāleo, ke ho'olohe mākou 'o ko'u 'ohana a me ko'u mau hoa aloha, he 'aka'aka ha'alo'ulo'u wale iho nō a 'ane'ane e mimi i ka lole wāwae, a pēlā pū nō paha me nā kānaka a pau. A ma ka makahiki 1979, hana 'ia 'elua pāleo hou, 'o Crab Dreams a me Do I Dare Disturb The Universe. Ma ia mau pāleo 'ekolu, he mea maopopo wale ke akamai o Reiplinger ma kāna 'oihana. Inā he ho'okahi wale nō a'u mea e koho ai 'o ia ka 'oi mai ia mau pāleo 'ekolu, ka mea ho'i e noke ai ka 'aka a mae ka iwi 'ao'ao, 'o Room Service ia, kahi i hele ai kahi malihini a uluhua i kona kauoha 'ana i cheeseburger deluxe nāna.
'O ka mea hope a Reiplinger i hana ai, he polokalamu kīwī ia i kapa 'ia 'o Rap’s Hawai'i i ka makahiki 1982. Ua ho'olilo 'o Rap i kekahi mau 'ōlelo ho'omāke'aka o nā pāleo mua 'ekolu i mau hana keaka ho'omāke'aka. A he keu ia a ka maika'i, a lilo akula ka makana Emmy iā Reiplinger ma ka māhele polokalamu kīwī kūikawā o ia makahiki. 'O ka mea pōmaika'i, ua hana 'ia ia polokalamu i DVD e ho'onanea ai a e hehē ai ka 'aka o nā hanauna o kēia au a me nā hanauna e hiki mai ana.
A mahalo iā 'oe e Sanford Hill no ke kau 'ana a'e i ia mau mea ma ka YouTube. Akā maika'i paha ke hana 'ia ia mau hana keaka i DVD kekahi i mea e ho'onanea ai nā 'ohana ma ka nānā 'ana i luna o ke kīwī. A e 'oi loa aku paha ke hana pū 'ia nā hana a ka hui ho'omāke'aka 'o Booga Booga.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Rap Reiplinger
Küpupou
Synopsis: Rap Reiplinger's work and his work that has been recently added to YouTube.
Hau'oli nö ka na'au i ka 'ike 'ana i nä hana keaka hope loa a Rap Reiplinger i hana ai, e waiho nei ma ka YouTube. Ua lohe anei 'oukou no Rap? Inä he 'öpiopio 'oe, 'a'ole paha i lohe mua e pili ana i ua kanaka nei. 'O ia ka'u mea i 'ike ai i ka nïnau 'ana aku i ka'u papa i kekahi lä. 'O ka nui o nä haumäna, 'akahi nö a puka mai ke kula ki'eki'e mai, a 'a'ole i maopopo, 'o wai lä ia. 'O ke kumu paha i kama'äina 'ole ai, 'o ia ka ho'i 'ë 'ana o Rap e moe i ka moe kapu a Niolopua i ka lä 19 o Ianuali o ka makahiki 1984. Akä, 'o nä käne, nä wähine a me nä keiki e noho ana ma Hawai'i nei i ka wä o Rap e noke ana i käna hana, he hü a'e ka 'aka, ke aloha a me ka mahalo ke no'ono'o a'e i ka hana a ua kanaka nei.
'O Rap Reiplinger, 'o ia kekahi o nä mea ho'omäke'aka kaulana loa o Hawai'i nei. I ka makahiki 1974, ua hui pü 'o Reiplinger, James Grant Benton a me Ed Ka'ahea, a kapa iä läkou iho, 'o Booga Booga, he hui ho'omäke'aka ia. ['O kahi mea minamina, 'a'ole paha i pa'i wikiö 'ia kä läkou hana ho'omäke'aka. Inä ua pa'a ma ka wikiö, pono paha ke ho'olaha 'ia ma ke kü'ai 'ana paha, a ma ka YouTube paha, i mea e 'ike 'ia ai e nä hanauna hou, ke akamai o läkou 'ekolu ma ka hana ho'omäke'aka.] Ma hope mai, ha'alele ihola 'o Reiplinger iä Booga Booga, a i ka makahiki 1978, puka a'ela käna päleo mua, 'o ia ho'i, 'o Poi Dog. 'O nä 'ölelo ho'omäke'aka a pau o ia päleo, ke ho'olohe mäkou 'o ko'u 'ohana a me ko'u mau hoa aloha, he 'aka'aka ha'alo'ulo'u wale iho nö a 'ane'ane e mimi i ka lole wäwae, a pëlä pü nö paha me nä känaka a pau. A ma ka makahiki 1979, hana 'ia 'elua päleo hou, 'o Crab Dreams a me Do I Dare Disturb The Universe. Ma ia mau päleo 'ekolu, he mea maopopo wale ke akamai o Reiplinger ma käna 'oihana. Inä he ho'okahi wale nö a'u mea e koho ai 'o ia ka 'oi mai ia mau päleo 'ekolu, ka mea ho'i e noke ai ka 'aka a mae ka iwi 'ao'ao, 'o Room Service ia, kahi i hele ai kahi malihini a uluhua i kona kauoha 'ana i cheeseburger deluxe näna.
'O ka mea hope a Reiplinger i hana ai, he polokalamu kïwï ia i kapa 'ia 'o Rap's Hawai'i i ka makahiki 1982. Ua ho'olilo 'o Rap i kekahi mau 'ölelo ho'omäke'aka o nä päleo mua 'ekolu i mau hana keaka ho'omäke'aka. A he keu ia a ka maika'i, a lilo akula ka makana Emmy iä Reiplinger ma ka mähele polokalamu kïwï küikawä o ia makahiki. 'O ka mea pömaika'i, ua hana 'ia ia polokalamu i DVD e ho'onanea ai a e hehë ai ka 'aka o nä hanauna o këia au a me nä hanauna e hiki mai ana.
A mahalo iä 'oe e Sanford Hill no ke kau 'ana a'e i ia mau mea ma ka YouTube. Akä maika'i paha ke hana 'ia ia mau hana keaka i DVD kekahi i mea e ho'onanea ai nä 'ohana ma ka nänä 'ana i luna o ke kïwï. A e 'oi loa aku paha ke hana pü 'ia nä hana a ka hui ho'omäke'aka 'o Booga Booga.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|