Nūhou
Kupopou
Synopsis: News bits from the past week.
'O ke aloha kai 'oi a'e. Ma Kaleponi, kau aku nei ka 'ōlelo ho'oholo o ka 'Aha Ho'okolokolo Ki'eki'e, 'o ia ho'i, he hiki ke male ke kāne i ke kāne, a pēia pū nō ka wahine i ka wahine. A no laila, e ho'omaka paha ia 'ano hana i loko o ka mahina ho'okahi. Akā, ke kuhi nei kekahi po'e, e pōkole wale nō ia wā e hiki ai ke male pēlā, 'oiai, he nui nā kānaka haipule a me nā kānaka make'e kūlana e ho'oikaika ana no ka ho'ololi 'ana i ka pāloka ma Nowemapa e kāpae ana i ia 'ōlelo ho'oholo o ka 'Aha Ho'okolokolo Ki'eki'e o Kaleponi, a e pāpā hou 'ia, 'a'ole e male ke kāne i ke kāne, a 'o ka wahine ho'i i ka wahine.
Ka moe kapu a Niolopua. I ka Pō'akolu nei, ua hala akula 'o John Keolamaka'āinana Lake i ke ao polohiwa a Kāne. 'O Lake, he kupuna ia i aloha nui 'ia, a ua nui nō kāna mau hana e ho'omau ai i ka 'ōlelo Hawai'i a me nā hana a ka po'e kahiko o Hawai'i nei. He kumu hula 'o ia, he loea ma ke oli, he kanaka ho'ona'auao. Nāna nō i ho'okumu i ka polokalamu 'ike Hawai'i ma ke kula 'o Kāna Lui. Ua ha'alele maila 'o ia i kona mau kaikuāhine 'elua, kāna wahine a me kā lāua mau keiki, a me 'elua mo'opuna. Ua piha nā makahiki he 70 iā ia. Ke aloha nui i kona 'ohana i loko o kēia wā kūmākena.
Ola loko i ke aloha. Ua nui ka mahalo o nā keiki a Della Dikito i hala iho nei, a me kona 'ohana i nā kānaka a pau i hā'awi aloha iā lākou. A 'o kahi mea pōmaika'i, e mālama ana 'o Big City Diner i ho'oulu kālā no ka pono o ia po'e keiki. He 'ehā lākou, he 'ekolu kaikamāhine, a ho'okahi keiki kāne. Ma ka lā 27 o Mei, ke hele aku ke kanaka i Big City Diner e pā'ina ai me ka hō'ike pū i ka ho'olaha ho'oulu kālā, e lilo he 15 pākeneka o ka pila i nā keiki a Dikito. Ua ho'okumu 'ia ho'i he waihona kālā no ke kōkua 'ana iā lākou, kahi e hā'awi manawale'a ai i pu'u kālā. E lawe 'ia aku i ka panakō 'o First Hawaiian a i 'ole ia, e ho'ouna aku ma ka leka i ka helu wahi: Friends of the Dikito Children, P.O. Box 6133, Kāne'ohe, Hawai'i 96744. E mālama 'ia ana ka ho'olewa ma ka hale ho'olewa 'o Mililani i ka hola 9:00 o ka Pō'akolu.
Kāko'o. Ua māhuahua a'ela nā kānaka e kāko'o nei iā Barack Obama ma ke alualu 'ana i ke kūlana pelekikena. Ma kēlā Pō'alima aku nei, hō'ike ka Lunamaka'āinana Mazie Hirono i ke kāko'o iā Obama, a ma ka Pō'akahi, 'o Kenekoa Daniela Akaka kekahi i kāko'o i ia kenekoa o 'Ilinoe. 'O lāua 'elua, he mau 'elele mana nō. Ma ka Pō'akolu nei, 'o John Edwards kekahi i kū mai i luna me ke kāko'o 'ana iā Obama. A i ka Pō'alima nei, 'o Mufi Hannemann kekahi.
'O Hāloanakalaukapalili. E lilo ana ke kalo, 'o ia ka mea kanu o ka moku'āina. Pēlā ka pila a Duke Aiona i pūlima ai i ka Pō'akolu nei. 'O ka mea nui paha, e mālama pono 'ia 'o Hāloa a me nā mamo a Hāloa.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Nühou
Synopsis: News bits from the past week.
'O ke aloha kai 'oi a'e. Ma Kaleponi, kau aku nei ka 'ölelo ho'oholo o ka 'Aha Ho'okolokolo Ki'eki'e, 'o ia ho'i, he hiki ke male ke käne i ke käne, a pëia pü nö ka wahine i ka wahine. A no laila, e ho'omaka paha ia 'ano hana i loko o ka mahina ho'okahi. Akä, ke kuhi nei kekahi po'e, e pökole wale nö ia wä e hiki ai ke male pëlä, 'oiai, he nui nä känaka haipule a me nä känaka make'e külana e ho'oikaika ana no ka ho'ololi 'ana i ka päloka ma Nowemapa e käpae ana i ia 'ölelo ho'oholo o ka 'Aha Ho'okolokolo Ki'eki'e o Kaleponi, a e päpä hou 'ia, 'a'ole e male ke käne i ke käne, a 'o ka wahine ho'i i ka wahine.
Ka moe kapu a Niolopua. I ka Pö'akolu nei, ua hala akula 'o John Keolamaka'äinana Lake i ke ao polohiwa a Käne. 'O Lake, he kupuna ia i aloha nui 'ia, a ua nui nö käna mau hana e ho'omau ai i ka 'ölelo Hawai'i a me nä hana a ka po'e kahiko o Hawai'i nei. He kumu hula 'o ia, he loea ma ke oli, he kanaka ho'ona'auao. Näna nö i ho'okumu i ka polokalamu 'ike Hawai'i ma ke kula 'o Käna Lui. Ua ha'alele maila 'o ia i kona mau kaikuähine 'elua, käna wahine a me kä läua mau keiki, a me 'elua mo'opuna. Ua piha nä makahiki he 70 iä ia. Ke aloha nui i kona 'ohana i loko o këia wä kümäkena.
Ola loko i ke aloha. Ua nui ka mahalo o nä keiki a Della Dikito i hala iho nei, a me kona 'ohana i nä känaka a pau i hä'awi aloha iä läkou. A 'o kahi mea pömaika'i, e mälama ana 'o Big City Diner i ho'oulu kälä no ka pono o ia po'e keiki. He 'ehä läkou, he 'ekolu kaikamähine, a ho'okahi keiki käne. Ma ka lä 27 o Mei, ke hele aku ke kanaka i Big City Diner e pä'ina ai me ka hö'ike pü i ka ho'olaha ho'oulu kälä, e lilo he 15 päkeneka o ka pila i nä keiki a Dikito. Ua ho'okumu 'ia ho'i he waihona kälä no ke kökua 'ana iä läkou, kahi e hä'awi manawale'a ai i pu'u kälä. E lawe 'ia aku i ka panakö 'o First Hawaiian a i 'ole ia, e ho'ouna aku ma ka leka i ka helu wahi: Friends of the Dikito Children, P.O. Box 6133, Käne'ohe, Hawai'i 96744. E mälama 'ia ana ka ho'olewa ma ka hale ho'olewa 'o Mililani i ka hola 9:00 o ka Pö'akolu.
Käko'o. Ua mähuahua a'ela nä känaka e käko'o nei iä Barack Obama ma ke alualu 'ana i ke külana pelekikena. Ma këlä Pö'alima aku nei, hö'ike ka Lunamaka'äinana Mazie Hirono i ke käko'o iä Obama, a ma ka Pö'akahi, 'o Kenekoa Daniela Akaka kekahi i käko'o i ia kenekoa o 'Ilinoe. 'O läua 'elua, he mau 'elele mana nö. Ma ka Pö'akolu nei, 'o John Edwards kekahi i kü mai i luna me ke käko'o 'ana iä Obama. A i ka Pö'alima nei, 'o Mufi Hannemann kekahi.
'O Häloanakalaukapalili. E lilo ana ke kalo, 'o ia ka mea kanu o ka moku'äina. Pëlä ka pila a Duke Aiona i pülima ai i ka Pö'akolu nei. 'O ka mea nui paha, e mälama pono 'ia 'o Häloa a me nä mamo a Häloa.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|