He mo‘olelo
Kupopou
Synopsis: A joke.
E noho ana kekahi kanaka ma Kalihi. 'O Wa'awa'aiki kona inoa. He kanaka 'ilihune nō 'o ia, no laila, ke 'ike aku 'o ia i ke kū'ai emi ma ka hale kū'ai mea 'ai, ma laila 'o ia e hele aku ai. A 'o kahi pilikia, ua hele a pipi'i loa ke kakalina, 'ane'ane e hiki aku i ka $4.00. No laila, inā ma kahi mamao ke kū'ai emi, ma ke ka'a lawe 'ōhua 'o ia e kau ai a hele no kahi o ke kū'ai emi.
Ho'okahi lā, ua 'ike aku 'o Wa'awa'aiki i ke kū'ai emi ma Kāne'ohe, ua emi loa ke kumukū'ai o ka 'i'o pua'a. Kahe wale ihola nō ka hā'ae o ua Wa'awa'aiki nei i ka no'ono'o 'ana i kāna mea 'ai punahele, 'o ia ho'i, ka laulau. He keu ia a ka 'ono. A pau nā hana ma ka hale, 'o ia ho'i, ka holoi lole, ka ho'oma'ema'e hale, a pēlā aku, ha'alele ihola 'o ia i ka hale no kahi kau ka'a 'ōhua. E napo'o aku ana ka lā i ia manawa. I kona hiki 'ana i kahi kau ka'a 'ōhua, 'a'ohe 'ū, hiki maila ke ka'a lawe 'ōhua. Kau akula kēia ma luna, a holo akula.
He kanaka 'o Wa'awa'aiki no Kalihi, a 'a'ole 'o ia kama'āina iā Kāne'ohe, no laila i ka hiki 'ana o ke ka'a 'ōhua i laila, lele ihola kēia i lalo a ho'omaka akula e huli aku i ka hale kū'ai mea 'ai. Ua pō ka lā iā ia i ka huli i ia hale kū'ai mea 'ai, a 'akahi nō a loa'a iā ia, ua kani na'e ka hola 10:00. Pa'a ka 'i'o pua'a ma ka lima, holo ana no kahi kau ka'a 'ōhua. Kali ana a kani ka hola 11:00, 'a'ohe ka'a 'ōhua. Mana'o ihola 'o Wa'awa'a, ua hala 'ē paha ke ka'a lawe 'ōhua hope loa. No laila, holo ihola kona mana'o, e ho'i aku 'o ia i kona hale ma Kalihi ma nā wa'akaulua he 'umi ihu. A hele ana no ke ala o ka Pali. 'O kahi pilikia, 'a'ohe uila o nā kukui o ia ala loa, ua pau paha ka uea keleawe i ka 'aihue 'ia. A 'o Muku ka pō, no laila, pō'ele'ele loa, a ua pa'a ho'i i ka noe. I kona pi'i 'ana aku, 'ike akula 'o ia i kahi ka'a e pi'i mālie mai ana. E kuhi ana kēia, he hoa aloha paha, a no laila, wehe i ka puka, a kau a'ela i luna. I ka pa'a 'ana mai o ka puka, 'ike 'o Wa'awa'aiki, 'a'ohe kanaka kalaiwa o ke ka'a, a ke holo mālie nei nō ke ka'a.
He alanui kīke'e nō ia, a 'ane'ane e ho'oku'i ke ka'a i ka mauna, maka'u ihola kēia, akā 'ō'ili maila kahi lima mai loko mai o ka noe a ho'ohuli ihola i ka huila. Kau ihola ka weli o Wa'awa'aiki, pa'a loa ma ka noho. A 'ane'ane ke ka'a e ho'oku'i aku i ka pale o waena o ke alaloa, komo hou maila kahi lima a ho'ohuli i ka huila. Pēlā aku ka hana he mau manawa, 'a'ole o kana mai ka maka'u o nei kanaka. Ho'okanaka 'o ia, ho'opa'a pono akula i kāna pū'olo 'i'o pua'a, a lele ihola i lalo, 'o ka holo akula nō ia a hiki i Kalihi.
E kahe ana ko ia nei hou, a no laila, komo akula i loko o ka hale inu lama, kauoha i 'elua ipu 'auneki tekila. Ho'omaka 'o ia nei i ka ha'i 'ana aku i nā kānaka a pau i ka mea weliweli loa i 'ike 'ia aku nei. A ho'omaka nō ho'i kēia e uē no ka mea, ua maka'u loa.
'Elua hola ma hope mai, komo maila 'elua Kāmoa a 'ike maila iā Wa'awa'aiki. 'Ōlelo maila kekahi i kekahi, "E Toia, e nānā ma 'ō, 'o ia ke kanaka i kau ma luna o ko kāua ka'a i ka 'oloka'a 'ana aku o kāua i ke ka'a i luna o ka pali."
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
He mo‘olelo
Kupopou
Synopsis: A joke.
E noho ana kekahi kanaka ma Kalihi. 'O Wa'awa'aiki kona inoa. He kanaka 'ilihune nö 'o ia, no laila, ke 'ike aku 'o ia i ke kü'ai emi ma ka hale kü'ai mea 'ai, ma laila 'o ia e hele aku ai. A 'o kahi pilikia, ua hele a pipi'i loa ke kakalina, 'ane'ane e hiki aku i ka $4.00. No laila, inä ma kahi mamao ke kü'ai emi, ma ke ka'a lawe 'öhua 'o ia e kau ai a hele no kahi o ke kü'ai emi.
Ho'okahi lä, ua 'ike aku 'o Wa'awa'aiki i ke kü'ai emi ma Käne'ohe, ua emi loa ke kumukü'ai o ka 'i'o pua'a. Kahe wale ihola nö ka hä'ae o ua Wa'awa'aiki nei i ka no'ono'o 'ana i käna mea 'ai punahele, 'o ia ho'i, ka laulau. He keu ia a ka 'ono. A pau nä hana ma ka hale, 'o ia ho'i, ka holoi lole, ka ho'oma'ema'e hale, a pëlä aku, ha'alele ihola 'o ia i ka hale no kahi kau ka'a 'öhua. E napo'o aku ana ka lä i ia manawa. I kona hiki 'ana i kahi kau ka'a 'öhua, 'a'ohe 'ü, hiki maila ke ka'a lawe 'öhua. Kau akula këia ma luna, a holo akula.
He kanaka 'o Wa'awa'aiki no Kalihi, a 'a'ole 'o ia kama'äina iä Käne'ohe, no laila i ka hiki 'ana o ke ka'a 'öhua i laila, lele ihola këia i lalo a ho'omaka akula e huli aku i ka hale kü'ai mea 'ai. Ua pö ka lä iä ia i ka huli i ia hale kü'ai mea 'ai, a 'akahi nö a loa'a iä ia, ua kani na'e ka hola 10:00. Pa'a ka 'i'o pua'a ma ka lima, holo ana no kahi kau ka'a 'öhua. Kali ana a kani ka hola 11:00, 'a'ohe ka'a 'öhua. Mana'o ihola 'o Wa'awa'a, ua hala 'ë paha ke ka'a lawe 'öhua hope loa. No laila, holo ihola kona mana'o, e ho'i aku 'o ia i kona hale ma Kalihi ma nä wa'akaulua he 'umi ihu. A hele ana no ke ala o ka Pali. 'O kahi pilikia, 'a'ohe uila o nä kukui o ia ala loa, ua pau paha ka uea keleawe i ka 'aihue 'ia. A 'o Muku ka pö, no laila, pö'ele'ele loa, a ua pa'a ho'i i ka noe. I kona pi'i 'ana aku, 'ike akula 'o ia i kahi ka'a e pi'i mälie mai ana. E kuhi ana këia, he hoa aloha paha, a no laila, wehe i ka puka, a kau a'ela i luna. I ka pa'a 'ana mai o ka puka, 'ike 'o Wa'awa'aiki, 'a'ohe kanaka kalaiwa o ke ka'a, a ke holo mälie nei nö ke ka'a.
He alanui kïke'e nö ia, a 'ane'ane e ho'oku'i ke ka'a i ka mauna, maka'u ihola këia, akä 'ö'ili maila kahi lima mai loko mai o ka noe a ho'ohuli ihola i ka huila. Kau ihola ka weli o Wa'awa'aiki, pa'a loa ma ka noho. A 'ane'ane ke ka'a e ho'oku'i aku i ka pale o waena o ke alaloa, komo hou maila kahi lima a ho'ohuli i ka huila. Pëlä aku ka hana he mau manawa, 'a'ole o kana mai ka maka'u o nei kanaka. Ho'okanaka 'o ia, ho'opa'a pono akula i käna pü'olo 'i'o pua'a, a lele ihola i lalo, 'o ka holo akula nö ia a hiki i Kalihi.
E kahe ana ko ia nei hou, a no laila, komo akula i loko o ka hale inu lama, kauoha i 'elua ipu 'auneki tekila. Ho'omaka 'o ia nei i ka ha'i 'ana aku i nä känaka a pau i ka mea weliweli loa i 'ike 'ia aku nei. A ho'omaka nö ho'i këia e uë no ka mea, ua maka'u loa.
'Elua hola ma hope mai, komo maila 'elua Kämoa a 'ike maila iä Wa'awa'aiki. 'Ölelo maila kekahi i kekahi, "E Toia, e nänä ma 'ö, 'o ia ke kanaka i kau ma luna o ko käua ka'a i ka 'oloka'a 'ana aku o käua i ke ka'a i luna o ka pali."
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|