Ka 'ano'ai o ka lā
Kūpopou
Synopsis: A few short funny stories.
Aloha mai e nā hoa makamaka, eia mai kekahi mau mo'olelo ho'omāke'aka paha mai nā nūpepa o ke au i hala.
-E kauō ana kekahi kanaka he ka'a i piha i ka ipu haole me ke kaumaha launa 'ole; a hala ka hapalua mile o kona hele 'ana, ho'omaka mai ana ua wahi ka'a nei e māmā, 'a'ole ho'i ke kaumaha e pupū hele ai. Ho'omaha ihola ua wahi kanaka nei me ka 'ōlelo a'e, "Kā, he wahi hoholo loa mai nei kēia o ku'u wahi ka'a." Pane mai ana kekahi leo ma loko mai o ka nāhelehele, "Kā, he mau ipu holopono kēia i loko o ka pu'u, 'a'ohe pupū e like me nā ipu mua." I nānā aku ka hana o ka mea nāna ke ka'a, e 'ula'ula mai ana ka 'i'o ipu i loko o ka nāhelehele, a ua kāka'ikahi loa nā ipu. Pane huhū akula ka mea nāna ke ka'a ipu no ka 'aihue 'ia o nā ipu. 'Ōlelo maila na'e kahi kanaka, "Kāhāhā, iā 'oe nō e hele ana i mua, e pau ana nō ka ipu i ka lele i lalo no ka 'ike i kou kaumaha loa."
-Ma kekahi papa kula Sābati, nīnau akula ke kumu, "'O wai o kēia mau mea 'ekolu ka mea a 'oukou i makemake ai, 'o ka mana'olana, ka mana'o'i'o a me ke aloha?" Pualu akula nā haumāna, "'O ke aloha." Hō'ole maila kekahi wahi keiki kolohe, a 'ōlelo maila, "'O ka mana'olana ka 'oi, a 'o ka'u ia e makemake ai, no ka mea, e piholo ana nā mea 'ē a'e a lana nō kēlā."
-E ho'opa'apa'a ana kekahi mau kānaka, a ho'opuka akula kekahi, "Inā 'oe e hoka, 'a'ohe mea loa'a iā 'oe, ua nele 'oe. Pane maila ka lua, "Inā wau e hoka, 'a'ole au e nele, akā loa'a nō ia'u he 'awa.
-Lawe 'ia akula kekahi kanaka i mua o kekahi lunakānāwai no kona holonui 'ana, a nīnau 'ia maila, "Ua holonui anei 'oe?" Pane akula ke kanaka, "'A'ole i nui kāu holo 'ana, ho'okahi wale nō puni o ke kūlanakauhale, a hopu 'ia mai nei au." Ho'opa'i 'ia maila 'eono kālā.
-E hele ana 'elua mau kānaka ma ke alanui, he kanaka makapa'a kekahi, a ku'ia a'ela ka wāwae o kekahi kanaka i ka pōhaku 'ōlelo ho'onāukiuki a'ela, "Kāhāhā! 'A'ole nō kā ho'i i kana mai ua paoa o ka hele 'ana, 'alua kumu nui o ka paoa." Pane a'ela ho'i ke kanaka makapa'a, "'a'ole nō kāu he hana, he kūamuamu maoli mai nō ia'u," Hū a'ela ka 'aka.
-He aha kāu e Ukali?" wahi a kekahi keonimana. Pane maila 'o Ukali, "'A'ohe." "Kāhāhā," wahi a ke keonimana, "kainō he mea kāu i makemake ai, e ha'i mai ho'i 'oe a na'u e ho'okō aku." Pane maila 'o Ukali, "'O kō kaikamahine, i ipo na'u." Pa'a loa ka waha o ke keonimana.
-Nīnau maila 'o Ukali iā Holoholopinaau, "He wahi ahi nō kou?" 'Ae akula kēia, "'Ae." Pane mai 'o Ukali, "Hō mai ho'i hā no ko'u kīkā. Ho'opakelo akula 'o Holoholopinaau i kona alelo a 'ōlelo akula "Kukuni 'ia mai ho'i." 'Ōlelo 'ino maila 'o Ukali a pane akula 'o Holoholopinaau, "'Eā, 'o ka'u wahi ahi ihola nō ia. No ko Ukali 'ōkalakala loa, 'ōlelo akula 'o Holoholopinaau, "Inā 'oe he 'ike Baibaila, a laila e 'ike nō 'oe he ahi ke alelo" a hū a'ela ka 'aka.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ka 'ano'ai o ka lä
Küpopou
Synopsis: A few short funny stories.
Aloha mai e nä hoa makamaka, eia mai kekahi mau mo'olelo ho'omäke'aka paha mai nä nüpepa o ke au i hala.
-E kauö ana kekahi kanaka he ka'a i piha i ka ipu haole me ke kaumaha launa 'ole; a hala ka hapalua mile o kona hele 'ana, ho'omaka mai ana ua wahi ka'a nei e mämä, 'a'ole ho'i ke kaumaha e pupü hele ai. Ho'omaha ihola ua wahi kanaka nei me ka 'ölelo a'e, "Kä, he wahi hoholo loa mai nei këia o ku'u wahi ka'a." Pane mai ana kekahi leo ma loko mai o ka nähelehele, "Kä, he mau ipu holopono këia i loko o ka pu'u, 'a'ohe pupü e like me nä ipu mua." I nänä aku ka hana o ka mea näna ke ka'a, e 'ula'ula mai ana ka 'i'o ipu i loko o ka nähelehele, a ua käka'ikahi loa nä ipu. Pane huhü akula ka mea näna ke ka'a ipu no ka 'aihue 'ia o nä ipu. 'Ölelo maila na'e kahi kanaka, "Kähähä, iä 'oe nö e hele ana i mua, e pau ana nö ka ipu i ka lele i lalo no ka 'ike i kou kaumaha loa."
-Ma kekahi papa kula Säbati, nïnau akula ke kumu, "'O wai o këia mau mea 'ekolu ka mea a 'oukou i makemake ai, 'o ka mana'olana, ka mana'o'i'o a me ke aloha?" Pualu akula nä haumäna, "'O ke aloha." Hö'ole maila kekahi wahi keiki kolohe, a 'ölelo maila, "'O ka mana'olana ka 'oi, a 'o ka'u ia e makemake ai, no ka mea, e piholo ana nä mea 'ë a'e a lana nö këlä."
-E ho'opa'apa'a ana kekahi mau känaka, a ho'opuka akula kekahi, "Inä 'oe e hoka, 'a'ohe mea loa'a iä 'oe, ua nele 'oe. Pane maila ka lua, "Inä wau e hoka, 'a'ole au e nele, akä loa'a nö ia'u he 'awa.
-Lawe 'ia akula kekahi kanaka i mua o kekahi lunakänäwai no kona holonui 'ana, a nïnau 'ia maila, "Ua holonui anei 'oe?" Pane akula ke kanaka, "'A'ole i nui käu holo 'ana, ho'okahi wale nö puni o ke külanakauhale, a hopu 'ia mai nei au." Ho'opa'i 'ia maila 'eono kälä.
-E hele ana 'elua mau känaka ma ke alanui, he kanaka makapa'a kekahi, a ku'ia a'ela ka wäwae o kekahi kanaka i ka pöhaku 'ölelo ho'onäukiuki a'ela, "Kähähä! 'A'ole nö kä ho'i i kana mai ua paoa o ka hele 'ana, 'alua kumu nui o ka paoa." Pane a'ela ho'i ke kanaka makapa'a, "'a'ole nö käu he hana, he küamuamu maoli mai nö ia'u," Hü a'ela ka 'aka.
-He aha käu e Ukali?" wahi a kekahi keonimana. Pane maila 'o Ukali, "'A'ohe." "Kähähä," wahi a ke keonimana, "kainö he mea käu i makemake ai, e ha'i mai ho'i 'oe a na'u e ho'okö aku." Pane maila 'o Ukali, "'O kö kaikamahine, i ipo na'u." Pa'a loa ka waha o ke keonimana.
-Nïnau maila 'o Ukali iä Holoholopinaau, "He wahi ahi nö kou?" 'Ae akula këia, "'Ae." Pane mai 'o Ukali, "Hö mai ho'i hä no ko'u kïkä. Ho'opakelo akula 'o Holoholopinaau i kona alelo a 'ölelo akula "Kukuni 'ia mai ho'i." 'Ölelo 'ino maila 'o Ukali a pane akula 'o Holoholopinaau, "'Eä, 'o ka'u wahi ahi ihola nö ia. No ko Ukali 'ökalakala loa, 'ölelo akula 'o Holoholopinaau, "Inä 'oe he 'ike Baibaila, a laila e 'ike nö 'oe he ahi ke alelo" a hü a'ela ka 'aka.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|