No Genoa Keawe
Keawe Lopes
Synopsis: In loving memory of Aunty Genoa Keawe.
He 'ū a he aloha
No ia kāhuli ho'oheno o ka 'āina
Ua la'i Hawai'i nei a puni
I ka nē hone mai a nei leo
He leo kau i ka makani
E aheahe mai ana o Hā'upu
Upu a'e ke aloha no Ha'eha'e
Ka hali'a welo mau, ua poina 'ole
'A'ohe nō ho'i a he lua
E like ai me ia nahenahe
'Akahi nō a hea 'ia mai nei ka inoa o ko kākou Aunty Genoa i ia 'āina 'o Beula e launa ai kona mau maka pono'ī me ko kākou Hakulani, he alo a he alo, a e 'ike ai ho'i i kona noho pono'ī ma ka lālani noho mua o ka hui hīmeni o nā 'ānela o ka lani, e kani mua ai kona pu'u i mele ho'onani no Ka Makualani Mau.
Minamina ka hala 'ana o ko kākou manu kani leo nahenahe i lohe pepeiao 'ia nō mai kekahi kapa a kekahi kapa aku o ka honua nei a puni. Mai kona wā 'u'uku mai i loa'a mai ai iā ia nei kālena aloha nui 'ia e ka nui lehulehu. A no kanawalu a 'oi makahiki i kani maila nei leo honehone a ki'eki'e ho'i ma nā wahi like 'ole o ka poepoe honua.
Nui 'ino kāna mau pā leo i ho'opa'a ai ma lalo o Ka 49th State Record Company a me Hula Records a ua lohe 'ia ho'i nei mau pā leo ma nā home a pau o kēlā me kēia kaona o Hawai'i nei. A pēla pū nō ho'i me nā papa hula a pau, he nani ia, he leo kani ho'i kona no ka hula 'ana. Wahi a Aunty Genoa, 'o Papa John Kamealoha Almeida ka mea nāna i mālama iā Genoa i kona wā i ho'omaka ai i ka ho'opa'a pā leo 'ana.
No mākou Ka Waihona A Ke Aloha, Ka Papahana Mele o Kawaihuelani, Ka Hālau 'Ōlelo Hawai'i o ke Kula Nui nei o Mānoa, he mahalo nui ko mākou no nei manu i kona kipa 'olu'olu 'ana mai iā Ho'okani Mānoa, he papahana mele ia no ka ho'omākaukau 'ana i wahi e 'ike ai ka lehulehu i ka nani o ia mea he mele Hawai'i, a e mahalo 'ia ai ho'i nā pu'ukani e 'auamo nei i ia kuleana nui o ka mālama 'ana i ko kākou mau mo'olelo e pa'a nei ma ia mea he mele. I ia ahiahi, ua nani maoli nō ko Aunty Genoa wehewehe 'ana mai i nā mo'olelo like 'ole o nā mele āna i hīmeni ai a ua nani pū nō ho'i ka 'olu'olu o kāna hui hīmeni, 'o ia ho'i 'o Gary 'Aiko, kāna keiki kāne, Mrs. Kahawaiola'a, kāna kaikamahine hanauna a me Alan Akaka, ka mea ho'okani kīkā kila. Pehea lā e hiki ai ke ho'opoina 'ia ia ahiahi i la'i pono ai 'o Mānoa holo'oko'a i kona leo.
'A'ohe puana nāna e 'a'e i ke mele i haku maiau 'ia e ka lima o ko kākou hulu kupuna 'o Malia Craver ma kāna mele no Aunty Genoa, 'o ia ho'i 'o Ku'u Makamaka.
He ho'oheno kēia no ku'u makamaka
Ka wahine leo hone mai Lā'ie
He nōhea mau 'oe i ka lehulehu
Mai Hawai'i a Keawe a Ni'ihau
He lei nani 'oe no Hawai'i nei
A mākou nei e ha'aheo mau ai
E pa'a iho 'oe a pa'a pono
Nā mele no'eau o ka 'āina
Puana kou inoa i lohe 'ia
E Genoa Keawe e ō mai 'oe
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
No Genoa Keawe
Keawe Lopes
Synopsis: In loving memory of Aunty Genoa Keawe.
He 'ü a he aloha
No ia kähuli ho'oheno o ka 'äina
Ua la'i Hawai'i nei a puni
I ka në hone mai a nei leo
He leo kau i ka makani
E aheahe mai ana o Hä'upu
Upu a'e ke aloha no Ha'eha'e
Ka hali'a welo mau, ua poina 'ole
'A'ohe nö ho'i a he lua
E like ai me ia nahenahe
'Akahi nö a hea 'ia mai nei ka inoa o ko käkou Aunty Genoa i ia 'äina 'o Beula e launa ai kona mau maka pono'ï me ko käkou Hakulani, he alo a he alo, a e 'ike ai ho'i i kona noho pono'ï ma ka lälani noho mua o ka hui hïmeni o nä 'änela o ka lani, e kani mua ai kona pu'u i mele ho'onani no Ka Makualani Mau.
Minamina ka hala 'ana o ko käkou manu kani leo nahenahe i lohe pepeiao 'ia nö mai kekahi kapa a kekahi kapa aku o ka honua nei a puni. Mai kona wä 'u'uku mai i loa'a mai ai iä ia nei kälena aloha nui 'ia e ka nui lehulehu. A no kanawalu a 'oi makahiki i kani maila nei leo honehone a ki'eki'e ho'i ma nä wahi like 'ole o ka poepoe honua.
Nui 'ino käna mau pä leo i ho'opa'a ai ma lalo o Ka 49th State Record Company a me Hula Records a ua lohe 'ia ho'i nei mau pä leo ma nä home a pau o këlä me këia kaona o Hawai'i nei. A pëla pü nö ho'i me nä papa hula a pau, he nani ia, he leo kani ho'i kona no ka hula 'ana. Wahi a Aunty Genoa, 'o Papa John Kamealoha Almeida ka mea näna i mälama iä Genoa i kona wä i ho'omaka ai i ka ho'opa'a pä leo 'ana.
No mäkou Ka Waihona A Ke Aloha, Ka Papahana Mele o Kawaihuelani, Ka Hälau 'Ölelo Hawai'i o ke Kula Nui nei o Mänoa, he mahalo nui ko mäkou no nei manu i kona kipa 'olu'olu 'ana mai iä Ho'okani Mänoa, he papahana mele ia no ka ho'omäkaukau 'ana i wahi e 'ike ai ka lehulehu i ka nani o ia mea he mele Hawai'i, a e mahalo 'ia ai ho'i nä pu'ukani e 'auamo nei i ia kuleana nui o ka mälama 'ana i ko käkou mau mo'olelo e pa'a nei ma ia mea he mele. I ia ahiahi, ua nani maoli nö ko Aunty Genoa wehewehe 'ana mai i nä mo'olelo like 'ole o nä mele äna i hïmeni ai a ua nani pü nö ho'i ka 'olu'olu o käna hui hïmeni, 'o ia ho'i 'o Gary 'Aiko, käna keiki käne, Mrs. Kahawaiola'a, käna kaikamahine hanauna a me Alan Akaka, ka mea ho'okani kïkä kila. Pehea lä e hiki ai ke ho'opoina 'ia ia ahiahi i la'i pono ai 'o Mänoa holo'oko'a i kona leo.
'A'ohe puana näna e 'a'e i ke mele i haku maiau 'ia e ka lima o ko käkou hulu kupuna 'o Malia Craver ma käna mele no Aunty Genoa, 'o ia ho'i 'o Ku'u Makamaka.
He ho'oheno këia no ku'u makamaka
Ka wahine leo hone mai Lä'ie
He nöhea mau 'oe i ka lehulehu
Mai Hawai'i a Keawe a Ni'ihau
He lei nani 'oe no Hawai'i nei
A mäkou nei e ha'aheo mau ai
E pa'a iho 'oe a pa'a pono
Nä mele no'eau o ka 'äina
Puana kou inoa i lohe 'ia
E Genoa Keawe e ö mai 'oe
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|