He aloha no Lilinoe ku‘u wahine aloha
Laiana Wong
Synopsis: Those of us who were lucky enough to have known Lilinoe will surely miss her. She was simply a loving and selfless person who managed to live a full life in such a short time.
---
Aloha e nā makamaka o ka 'ōlelo Hawai'i. He wā nō kēia e kaumaha ai ka na'au i ka ua mea 'o ka hala 'ana o kekahi o nā koa ikaika loa nāna i paio no ka pono o ko kākou lāhui kanaka ma nā 'ano a pau, a pau ho'i kona aho hope loa a hala loa akula i ke ala ho'i 'ole mai. 'O ua koa nei, 'o ia nō 'o Jalyne Lilinoe Wong, a 'o ku'u wahine aloha nō ia o nā pō anu a me nā lā piha i ke aloha.
-------
He Aloha no Lilinoe
Kanikau e Hawai'i o Keawe
Kūmākena e Maui o Kama
Uē e O'ahu o Kākuhihewa Ho'ohiolo waimaka aloha e Kaua'i o Manokalanipō!
Ua ha'alele maila 'oe
Ku'u hoapili 'alo i ka 'īnea
I kēia ao kino kanaka
Na ka lima o ke Akua 'oe i lawe i ke aupuni o ka lani
Na ka leo nē hone o ka wai
I honehone maila i ka 'iwa
Ku'u 'iwa ku'u lei kāhiko ia
He pua lehua 'oe no Niuli'i
Aia ke hapahapai 'ia ala
E ka makani 'o ka Inuwai
Makani maika'i o Kohala
Hala kou kino 'oi 'ōpiopio
Pio 'ole na'e kā 'oe ahi
Mālamalama ka lāhui
Pau 'ole kā 'oe hana
He hana manawale'a ia
I lako ai nā pono a pau
'A'ohe hoa e noho nele ai
Pio 'ole kou aloha kamaiki
Kāu mau keiki nō a pau
Pau kāuna i kāu mo'opuna
He punahele na ka makua
He lei 'ā'ī ia na ke kupuna
E hi'ipoi mau 'ia i kou alo
Aloha nō kou mau pilikana
'Ehia mea aloha o mākou?
He wahine 'oe ua kūpono
Kūpa'a ma hope o nā hoa
'A'ohe mea e like ai
Me ka nani o kou aloha
Halihali 'ia e ka leo
Lawelawe 'ia e ka lima
A 'ike 'ia ho'i e nā kānaka nui a me nā kānaka iki
Pau 'ole ku'u aloha iā 'oe
E Lilinoe ku'u wahine
Pio 'ole ke ahi o loko
Pau 'ole ke aloha 'ohana
Iā 'oe e ka makuahine,
Ke kaikamahine, ke hoa
Hā'awi lilo 'ia ke aloha
Aloha 'oe e ku'u wahine
'O kō aloha nō ka mea nui
He makana na ka pu'uwai
-------
Ua ku'u ka luhi o ku'u Lilinoe ma kahi o ka hola 4:00 o ke kakahiaka nui o ka lā 31 o Kekemapa aku nei ma ko mākou hale i Kalihi Uka. Aia nō ke waiho nei ma kēia ao kona mau mākua 'o Jimmy lāua me Lani Kealoha. 'Ekolu ona kaikunāne, 'o Kimo, 'o Kahōkūlani, a 'o Keali'i, a ho'okahi ona kaikua'ana, 'o Ipo Shiroma. 'Ekolu āna keiki kāne, 'o Lāiana, 'o Kumuhonuaikauēokalani, a 'o Kamaakekahi'o. A ho'okahi āna mo'opuna, 'o Ha'aipo, he kaikamahine u'i a ka launa 'ole mai. He kumu kula kamali'i kāna 'oihana a he punahele 'o ia na kāna po'e haumāna a pau.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
He aloha no Lilinoe ku‘u wahine aloha
Laiana Wong
Synopsis: Those of us who were lucky enough to have known Lilinoe will surely miss her. She was simply a loving and selfless person who managed to live a full life in such a short time.
---
Aloha e nä makamaka o ka 'ölelo Hawai'i. He wä nö këia e kaumaha ai ka na'au i ka ua mea 'o ka hala 'ana o kekahi o nä koa ikaika loa näna i paio no ka pono o ko käkou lähui kanaka ma nä 'ano a pau, a pau ho'i kona aho hope loa a hala loa akula i ke ala ho'i 'ole mai. 'O ua koa nei, 'o ia nö 'o Jalyne Lilinoe Wong, a 'o ku'u wahine aloha nö ia o nä pö anu a me nä lä piha i ke aloha.
-------
He Aloha no Lilinoe
Kanikau e Hawai'i o Keawe
Kümäkena e Maui o Kama
Uë e O'ahu o Käkuhihewa Ho'ohiolo waimaka aloha e Kaua'i o Manokalanipö!
Ua ha'alele maila 'oe
Ku'u hoapili 'alo i ka 'ïnea
I këia ao kino kanaka
Na ka lima o ke Akua 'oe i lawe i ke aupuni o ka lani
Na ka leo në hone o ka wai
I honehone maila i ka 'iwa
Ku'u 'iwa ku'u lei kähiko ia
He pua lehua 'oe no Niuli'i
Aia ke hapahapai 'ia ala
E ka makani 'o ka Inuwai
Makani maika'i o Kohala
Hala kou kino 'oi 'öpiopio
Pio 'ole na'e kä 'oe ahi
Mälamalama ka lähui
Pau 'ole kä 'oe hana
He hana manawale'a ia
I lako ai nä pono a pau
'A'ohe hoa e noho nele ai
Pio 'ole kou aloha kamaiki
Käu mau keiki nö a pau
Pau käuna i käu mo'opuna
He punahele na ka makua
He lei 'ä'ï ia na ke kupuna
E hi'ipoi mau 'ia i kou alo
Aloha nö kou mau pilikana
'Ehia mea aloha o mäkou?
He wahine 'oe ua küpono
Küpa'a ma hope o nä hoa
'A'ohe mea e like ai
Me ka nani o kou aloha
Halihali 'ia e ka leo
Lawelawe 'ia e ka lima
A 'ike 'ia ho'i e nä känaka nui a me nä känaka iki
Pau 'ole ku'u aloha iä 'oe
E Lilinoe ku'u wahine
Pio 'ole ke ahi o loko
Pau 'ole ke aloha 'ohana
Iä 'oe e ka makuahine,
Ke kaikamahine, ke hoa
Hä'awi lilo 'ia ke aloha
Aloha 'oe e ku'u wahine
'O kö aloha nö ka mea nui
He makana na ka pu'uwai
-------
Ua ku'u ka luhi o ku'u Lilinoe ma kahi o ka hola 4:00 o ke kakahiaka nui o ka lä 31 o Kekemapa aku nei ma ko mäkou hale i Kalihi Uka. Aia nö ke waiho nei ma këia ao kona mau mäkua 'o Jimmy läua me Lani Kealoha. 'Ekolu ona kaikunäne, 'o Kimo, 'o Kahökülani, a 'o Keali'i, a ho'okahi ona kaikua'ana, 'o Ipo Shiroma. 'Ekolu äna keiki käne, 'o Läiana, 'o Kumuhonuaikauëokalani, a 'o Kamaakekahi'o. A ho'okahi äna mo'opuna, 'o Ha'aipo, he kaikamahine u'i a ka launa 'ole mai. He kumu kula kamali'i käna 'oihana a he punahele 'o ia na käna po'e haumäna a pau.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|