Starbucks
Laiana Wong
Synopsis: The story about Starbucks refusing to support the war in Iraq by refusing to provide free coffee for the troops turns out to be a hoax. Too bad! I might have started drinking coffee if it were true.
Aloha mai kākou. Eia hou mai kā 'oukou wahi mea kākau ke hāpai nei i kona mana'o no kahi kumuhana minamina. 'O ia ho'i, ke laha aku nei kahi mo'olelo ma o ka leka uila no ka hō'ole 'ana a ka hui kū'ai kope 'o Starbucks i ke noi a nā koa o ka Pū'ali Koa Malina e kaua nei ma Iraq i kope manuahi. Wahi a ka mo'olelo, i hō'ole 'ia aku nei kēia noi ma muli o ke kū'ē 'ana o Starbucks i ke kaua ma Iraq a me ke komo 'ana o ia po'e koa.
I heluhelu aku ka hana o'u i ua leka uila nei, hū a'ela ko'u mahalo i ua hui nei no kona ho'oholo 'ana e kū'ē i kēia hana hūpō a 'Amelika 'o ka ho'ouka kaua 'ana ma Iraq. Mana'o ihola au i loko o'u ē he hui wiwo 'ole maoli kā ho'i kēia! I loko nō o kona 'ike 'ana i ka hopena o kēia hana, 'o ia ho'i, e nui ana ka po'e puni 'Amelika e kū'ē ana iā Starbucks ma o ka hele 'ana i kahi 'ē e kū'ai ai i kā lākou kope, ua 'au'a 'ia kēia noi i mea e hō'ike ai i ka 'ino o ia mea he kaua. Hele nō ho'i a he 'oia'i'o kēia ha'alele 'ana o ka po'e puni kaua iā Starbucks, e emi ana ke kālā e loa'a mai ana. Me he mea lā na'e, he luna'ikehala ke koikoi maila i ua hui nei e kūpa'a ma hope o kona mea e mana'o nei he hana pono. He mea 'ole ho'i ke kālā inā e loa'a mai ana ma o ka hulikua i ka pono.
'O ka mea ma'a mau i nā hui kāloa'a, 'o ia ke ku'upau 'ana i ko lākou mau ikaika i ka ho'onui 'ana i ke kumuloa'a. 'O ia ihola nō kā lākou hana. 'A'ole nānā 'ia ka pono. 'Akahi nō na'e a kū mai kekahi hui me ka nānā i ia mea he pono a me ka pale aku ho'i i ke ake kālā. Lana a'ela ko'u mana'o e lilo paha auane'i kēia i hana no nā hui 'ē a'e e ho'omāhu'i ai. Mali'a o kū mai auane'i kekahi mau luna'ikehala me ke koikoi 'ana i ko lākou mau hui e kū'ē pū aku i ke kaua ma Iraq a e noke aku nō ho'i i ia hana a ho'i mai ka maluhia o ka 'āina.
'O ka nui o ka hau'oli i loko o ku'u na'au, 'imi akula au ma ka pūnaewele puni honua i mau hō'ike hou aku no kēia mo'olelo. I nānā aku na'e ka hana, loa'a maila kekahi mau mo'olelo no ke 'ano haku'epa o ka mo'olelo mua. Hō'ole akula 'o Starbucks i ka 'oia'i'o o ia mo'olelo me ka hō'ike pū aku i kona kūpa'a ma hope o nā koa ma Iraq. Auē nō kā ho'i ē! 'O ua mana'o nei o'u e lana ana ma luna, ua piholo aku i lalo a make. Kainō he hui kū i ka pono, eia kā, he hui kū i kona pono pono'ī wale iho nō!
He mea minamina maoli nō ko'u puni wale aku i ua mo'olelo haku'epa nei. He keu aku na'e ka minamina o ka 'ike aku ē 'a'ohe wahi 'ano o ka 'oia'i'o o ia mo'olelo. Ke mana'o nei au e ho'okē i ka inu kope ma Starbucks i 'ike ua hui puni kaua nei i ka 'eha. 'A'ole na'e au he kanaka inu kope. Aloha nō!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Starbucks
Laiana Wong
Synopsis: The story about Starbucks refusing to support the war in Iraq by refusing to provide free coffee for the troops turns out to be a hoax. Too bad! I might have started drinking coffee if it were true.
Aloha mai käkou. Eia hou mai kä 'oukou wahi mea käkau ke häpai nei i kona mana'o no kahi kumuhana minamina. 'O ia ho'i, ke laha aku nei kahi mo'olelo ma o ka leka uila no ka hö'ole 'ana a ka hui kü'ai kope 'o Starbucks i ke noi a nä koa o ka Pü'ali Koa Malina e kaua nei ma Iraq i kope manuahi. Wahi a ka mo'olelo, i hö'ole 'ia aku nei këia noi ma muli o ke kü'ë 'ana o Starbucks i ke kaua ma Iraq a me ke komo 'ana o ia po'e koa.
I heluhelu aku ka hana o'u i ua leka uila nei, hü a'ela ko'u mahalo i ua hui nei no kona ho'oholo 'ana e kü'ë i këia hana hüpö a 'Amelika 'o ka ho'ouka kaua 'ana ma Iraq. Mana'o ihola au i loko o'u ë he hui wiwo 'ole maoli kä ho'i këia! I loko nö o kona 'ike 'ana i ka hopena o këia hana, 'o ia ho'i, e nui ana ka po'e puni 'Amelika e kü'ë ana iä Starbucks ma o ka hele 'ana i kahi 'ë e kü'ai ai i kä läkou kope, ua 'au'a 'ia këia noi i mea e hö'ike ai i ka 'ino o ia mea he kaua. Hele nö ho'i a he 'oia'i'o këia ha'alele 'ana o ka po'e puni kaua iä Starbucks, e emi ana ke kälä e loa'a mai ana. Me he mea lä na'e, he luna'ikehala ke koikoi maila i ua hui nei e küpa'a ma hope o kona mea e mana'o nei he hana pono. He mea 'ole ho'i ke kälä inä e loa'a mai ana ma o ka hulikua i ka pono.
'O ka mea ma'a mau i nä hui käloa'a, 'o ia ke ku'upau 'ana i ko läkou mau ikaika i ka ho'onui 'ana i ke kumuloa'a. 'O ia ihola nö kä läkou hana. 'A'ole nänä 'ia ka pono. 'Akahi nö na'e a kü mai kekahi hui me ka nänä i ia mea he pono a me ka pale aku ho'i i ke ake kälä. Lana a'ela ko'u mana'o e lilo paha auane'i këia i hana no nä hui 'ë a'e e ho'omähu'i ai. Mali'a o kü mai auane'i kekahi mau luna'ikehala me ke koikoi 'ana i ko läkou mau hui e kü'ë pü aku i ke kaua ma Iraq a e noke aku nö ho'i i ia hana a ho'i mai ka maluhia o ka 'äina.
'O ka nui o ka hau'oli i loko o ku'u na'au, 'imi akula au ma ka pünaewele puni honua i mau hö'ike hou aku no këia mo'olelo. I nänä aku na'e ka hana, loa'a maila kekahi mau mo'olelo no ke 'ano haku'epa o ka mo'olelo mua. Hö'ole akula 'o Starbucks i ka 'oia'i'o o ia mo'olelo me ka hö'ike pü aku i kona küpa'a ma hope o nä koa ma Iraq. Auë nö kä ho'i ë! 'O ua mana'o nei o'u e lana ana ma luna, ua piholo aku i lalo a make. Kainö he hui kü i ka pono, eia kä, he hui kü i kona pono pono'ï wale iho nö!
He mea minamina maoli nö ko'u puni wale aku i ua mo'olelo haku'epa nei. He keu aku na'e ka minamina o ka 'ike aku ë 'a'ohe wahi 'ano o ka 'oia'i'o o ia mo'olelo. Ke mana'o nei au e ho'okë i ka inu kope ma Starbucks i 'ike ua hui puni kaua nei i ka 'eha. 'A'ole na'e au he kanaka inu kope. Aloha nö!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|