Ka Ipu Kōpa'a
Laiana Wong
Synopsis: There could be almost as many UH fans at the Sugar Bowl this year as there were at some of UH's home games in years past. What's up with that?
Aloha mai kākou e nā hoa māka'ika'i i nā pā'ani pōpeku o ke Kulanui o Hawai'i ma Mānoa. E kū ho'i ka lau lama no Nā Koa a me ko lākou puka mai ma nā helu o nā kime pōpeku ikaika loa o ka NCAA i ka makahiki 2007 e hala aku nei. I ka lā mua o kēia makahiki a'e, e hō'ike hou mai ana lākou, no ka manawa hope loa, i ko lākou akamai a me ka ikaika ho'i i ia mea he pā'ani pōpeku.
Ma hope o ka lanakila 'ana ma luna o nā Husky o Wakinekona, ua kono 'ia mai Nā Koa e hele i New Orleans no ka pā'ani 'ana ma loko o ka Ipu Kōpa'a, kahi e kū'ē ai i nā 'lio Pulu o Georgia. 'Akahi nō a kau ka polokalamu pōpeku o UH ma ka hano, a āhea lā ho'i e kau hou ai?
I kēia kau pōpeku, ho'okahi wale nō kime i hemolele ka mo'omō'ali, 'o Nā Koa ho'i. 'A'ohe wahi eo i kahi hoa paio i loko o nā pā'ani he 12. 'O ia ihola ke kumu i puka ai i ka helu 10 ma ka papa BCS o nā kime ikaika loa o ka 'āina. Āhea lā ho'i e hemolele hou ai?
'O ke akamai loa o Colt Brennan, ke 'alihi kūlele o Nā Koa, i ke kīloi pōpō, ua wae 'ia e ke kōmike nāna e hā'awi i ka makana Heisman e hele i Nū Ioka ma ke 'ano 'o ia kekahi o nā moho 'ehā e paio ana no ia makana. I loko nō o ka lilo 'ana o ia makana iā Tim Tebow o Florida, he mea nō kona wae 'ia e hau'oli ai ko Hawai'i nei a pau, a pau pū ho'i me nā po'e o Hawai'i e noho ala ma Loko. 'Akahi a wae 'ia kekahi o Nā Koa a 'akahi nō ho'i a puka kekahi 'ālapa ma waho mai o nā kime BCS i ka helu 'ekolu o ka makana Heisman. Āhea lā ho'i e puka hou ai?
'O ia ka mea e huliāmahi nei a e kūpa'a nei ka po'e o Hawai'i ma hope o kēia kime. A 'o ia ihola ke kumu i kū'ai lilo 'ia ai nā likiki no ia pā'ani 'ana. 'A'ohe nō a he wā, ua pau ihola. 'A'ole ho'i i lawa e kō ai ka 'i'ini o nā kānaka a pau e ake ana e hele i New Orleans no ka noho 'ana ma loko o ia Ipu Kōpa'a. Eia hou, no ka hāiki o ka manawa, ua hele a pipi'i nā likiki mokulele, a aia ka hō'ea 'ana o kahi po'e māka'ika'i i New Orleans a hele i Kalalau!
Eia ka mea 'āpiki. I loko o nā kau pōpeku o kēlā mau makahiki aku nei he 'elua a 'ekolu paha, ho'omaopopo a'ela au i ka 'ike 'ana iā June Jones ma luna o ke kīwī e kani'uhū ana i ka nui o nā noho hakahaka ma ke kahua pā'ani 'o Aloha. A ua ikaika nō nā kime pōpeku o UH i loko o ia mau kau. Aloha nō!
'Auhea 'oukou, e ka po'e māka'ika'i i nā pā'ani o Nā Koa. Pehea lā e ikaika ai ka polokalamu pōpeku inā 'o ke kau hemolele wale nō ke kau e piha ai nā noho o ua kahua pā'ani lā? Pehea ho'i e helu 'ia ai 'o UH ma ka papa o nā polokalamu ikaika loa i kēlā me kēia makahiki? Aia wale nō a kūpa'a maoli kākou ma hope o ke kime ma nā kau a pau. A pau pū ho'i me nā kau emi o nā lanakila 'ana!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ka Ipu Köpa'a
Laiana Wong
Synopsis: There could be almost as many UH fans at the Sugar Bowl this year as there were at some of UH's home games in years past. What's up with that?
Aloha mai käkou e nä hoa mäka'ika'i i nä pä'ani pöpeku o ke Kulanui o Hawai'i ma Mänoa. E kü ho'i ka lau lama no Nä Koa a me ko läkou puka mai ma nä helu o nä kime pöpeku ikaika loa o ka NCAA i ka makahiki 2007 e hala aku nei. I ka lä mua o këia makahiki a'e, e hö'ike hou mai ana läkou, no ka manawa hope loa, i ko läkou akamai a me ka ikaika ho'i i ia mea he pä'ani pöpeku.
Ma hope o ka lanakila 'ana ma luna o nä Husky o Wakinekona, ua kono 'ia mai Nä Koa e hele i New Orleans no ka pä'ani 'ana ma loko o ka Ipu Köpa'a, kahi e kü'ë ai i nä 'lio Pulu o Georgia. 'Akahi nö a kau ka polokalamu pöpeku o UH ma ka hano, a ähea lä ho'i e kau hou ai?
I këia kau pöpeku, ho'okahi wale nö kime i hemolele ka mo'omö'ali, 'o Nä Koa ho'i. 'A'ohe wahi eo i kahi hoa paio i loko o nä pä'ani he 12. 'O ia ihola ke kumu i puka ai i ka helu 10 ma ka papa BCS o nä kime ikaika loa o ka 'äina. Ähea lä ho'i e hemolele hou ai?
'O ke akamai loa o Colt Brennan, ke 'alihi külele o Nä Koa, i ke kïloi pöpö, ua wae 'ia e ke kömike näna e hä'awi i ka makana Heisman e hele i Nü Ioka ma ke 'ano 'o ia kekahi o nä moho 'ehä e paio ana no ia makana. I loko nö o ka lilo 'ana o ia makana iä Tim Tebow o Florida, he mea nö kona wae 'ia e hau'oli ai ko Hawai'i nei a pau, a pau pü ho'i me nä po'e o Hawai'i e noho ala ma Loko. 'Akahi a wae 'ia kekahi o Nä Koa a 'akahi nö ho'i a puka kekahi 'älapa ma waho mai o nä kime BCS i ka helu 'ekolu o ka makana Heisman. Ähea lä ho'i e puka hou ai?
'O ia ka mea e huliämahi nei a e küpa'a nei ka po'e o Hawai'i ma hope o këia kime. A 'o ia ihola ke kumu i kü'ai lilo 'ia ai nä likiki no ia pä'ani 'ana. 'A'ohe nö a he wä, ua pau ihola. 'A'ole ho'i i lawa e kö ai ka 'i'ini o nä känaka a pau e ake ana e hele i New Orleans no ka noho 'ana ma loko o ia Ipu Köpa'a. Eia hou, no ka häiki o ka manawa, ua hele a pipi'i nä likiki mokulele, a aia ka hö'ea 'ana o kahi po'e mäka'ika'i i New Orleans a hele i Kalalau!
Eia ka mea 'äpiki. I loko o nä kau pöpeku o këlä mau makahiki aku nei he 'elua a 'ekolu paha, ho'omaopopo a'ela au i ka 'ike 'ana iä June Jones ma luna o ke kïwï e kani'uhü ana i ka nui o nä noho hakahaka ma ke kahua pä'ani 'o Aloha. A ua ikaika nö nä kime pöpeku o UH i loko o ia mau kau. Aloha nö!
'Auhea 'oukou, e ka po'e mäka'ika'i i nä pä'ani o Nä Koa. Pehea lä e ikaika ai ka polokalamu pöpeku inä 'o ke kau hemolele wale nö ke kau e piha ai nä noho o ua kahua pä'ani lä? Pehea ho'i e helu 'ia ai 'o UH ma ka papa o nä polokalamu ikaika loa i këlä me këia makahiki? Aia wale nö a küpa'a maoli käkou ma hope o ke kime ma nä kau a pau. A pau pü ho'i me nä kau emi o nä lanakila 'ana!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|