Heisman
Laiana Wong
Synopsis: A case can be made for each of the four Heisman candidates but Colt Brennan is not getting the honors he properly deserves.
Aloha mai kākou e nā hoa heluhelu a me ka po'e kāko'o i ko Hawai'i kime pōpeku. Pehea ko kākou mana'o no ia makana 'o ka Heisman? Eia au i ka Pō'akolu ke kākau nei i kēia wahi mana'o no ka Heisman me ka 'ike 'ole i ka inoa o ka mea e lilo ana iā ia ua makana nei ma ka Pō'aono. A iā 'oukou ho'i e heluhelu nei, 'o ka Lāpule ia a ua lilo 'ē ka makana i kekahi o nā moho 'ehā. 'O ua mau moho lā, 'o ia ho'i, 'o Tim Tebow o Florida, 'o Darren McFadden o Arkansas, 'o Chase Daniel o Missouri, a me Colt Brennan ko kākou me'e o ke Kulanui o Hawai'i ma Mānoa.
Eia nō ke hāpai 'ia nei 'o Tebow ma ke 'ano 'o ia ka 'oi o nā moho 'ehā no ka nui o kāna mau 'ai holo, he 22 ma o ka holo a he 29 ma o ke kiloi. 'Akahi nō a 'ike 'ia kahi mo'omō'ali o ia 'ano i ka mo'olelo o ka pōpeku kulanui. Eia hou, ua pa'a i ka 'apo 'ia he 68% o kāna mau kiloi 'ana. Maika'i loa kāna hana a he haumāna ia i ka lua wale nō o ka makahiki kulanui.
I kēia makahiki, ua hiki aku ka heluna o kā Brennan 'ai holo i ka 131 i loko o 'ekolu wale nō makahiki. 'Akahi nō a loa'a mai kēlā helu i loko o ka mo'olelo o ka pōpeku kulanui. Eia hou, i kēlā makahiki aku nei, he 58 'ai holo i kiloi 'ia e Brennan, a 'akahi nō a loa'a ia helu kekahi, a eia hou, 'a'ole i komo ma ia heluna nā 'ai holo i loa'a ma o ka holo. 'O ka pakeneka o nā kiloi 'ana i pa'a i ka 'apo 'ia, 'a'ole nō i emi mai ma lalo o ke 68% ma loko o nā makahiki 'ekolu. A mai poina, 'eā, ua hala 'elua pā'ani 'ana iā ia i kēia makahiki no ka 'eha.
'O McFadden mā lāua me Daniel, ua maika'i loa kā lāua hana i kēia makahiki a ua puka mai ua 'o McFadden ma ka helu 'elua i kēlā makahiki aku nei ma hope mai o ka mea lanakila 'o Troy Smith. He kūpono kēia mau moho 'ehā a pau a 'a'ohe hewa ke koho 'ia o kekahi o lākou ma mua o nā mea 'ē a'e. 'O ka mea na'e a'u e ukiuki nei, 'o ia ho'i, ke ho'oha'aha'a 'ia nei kahi Colt no kona pā'ani 'ana no ke Kulanui o Hawai'i. Wahi a nā "loea" 'a'ole lawa ka ikaika o ka papa pā'ani o Hawai'i e like me ko Florida, Arkansas, a me Missouri. 'Eā, ua hā'ule kēlā mau kime 'ekolu i kēia makahiki a 'oiai ua hemolele ka mo'omō'ali o Hawai'i he 12 lanakila 'ana a 'a'ohe wahi eo. He aha lā ka mea e ho'ohalahala ai?
He mea maopopo, 'a'ole nānā 'ia ke Kulanui o Hawai'i no ke ka'awale loa o ko kākou 'āina mai 'Amelika aku, a 'a'ole nānā 'ia nā pā'ani 'ana, no ka mea, aia ka hō'ike i loko o ke aumoe o ka hapanui o nā "loea" mana koho. Aloha nō kākou. Inā 'a'ole i lilo ka Heisman iā Colt i ka pō nei, ho'okahi wale nō mea e hana ai. 'O ia ka peku 'ana i ka lemu o kahi Georgia i loko o ka Sugar Bowl. 'O ia wale ihola nō ka mea e kau ai ko Hawai'i kime a me kona me'e i ka hano.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Heisman
Laiana Wong
Synopsis: A case can be made for each of the four Heisman candidates but Colt Brennan is not getting the honors he properly deserves.
Aloha mai käkou e nä hoa heluhelu a me ka po'e käko'o i ko Hawai'i kime pöpeku. Pehea ko käkou mana'o no ia makana 'o ka Heisman? Eia au i ka Pö'akolu ke käkau nei i këia wahi mana'o no ka Heisman me ka 'ike 'ole i ka inoa o ka mea e lilo ana iä ia ua makana nei ma ka Pö'aono. A iä 'oukou ho'i e heluhelu nei, 'o ka Läpule ia a ua lilo 'ë ka makana i kekahi o nä moho 'ehä. 'O ua mau moho lä, 'o ia ho'i, 'o Tim Tebow o Florida, 'o Darren McFadden o Arkansas, 'o Chase Daniel o Missouri, a me Colt Brennan ko käkou me'e o ke Kulanui o Hawai'i ma Mänoa.
Eia nö ke häpai 'ia nei 'o Tebow ma ke 'ano 'o ia ka 'oi o nä moho 'ehä no ka nui o käna mau 'ai holo, he 22 ma o ka holo a he 29 ma o ke kiloi. 'Akahi nö a 'ike 'ia kahi mo'omö'ali o ia 'ano i ka mo'olelo o ka pöpeku kulanui. Eia hou, ua pa'a i ka 'apo 'ia he 68% o käna mau kiloi 'ana. Maika'i loa käna hana a he haumäna ia i ka lua wale nö o ka makahiki kulanui.
I këia makahiki, ua hiki aku ka heluna o kä Brennan 'ai holo i ka 131 i loko o 'ekolu wale nö makahiki. 'Akahi nö a loa'a mai këlä helu i loko o ka mo'olelo o ka pöpeku kulanui. Eia hou, i këlä makahiki aku nei, he 58 'ai holo i kiloi 'ia e Brennan, a 'akahi nö a loa'a ia helu kekahi, a eia hou, 'a'ole i komo ma ia heluna nä 'ai holo i loa'a ma o ka holo. 'O ka pakeneka o nä kiloi 'ana i pa'a i ka 'apo 'ia, 'a'ole nö i emi mai ma lalo o ke 68% ma loko o nä makahiki 'ekolu. A mai poina, 'eä, ua hala 'elua pä'ani 'ana iä ia i këia makahiki no ka 'eha.
'O McFadden mä läua me Daniel, ua maika'i loa kä läua hana i këia makahiki a ua puka mai ua 'o McFadden ma ka helu 'elua i këlä makahiki aku nei ma hope mai o ka mea lanakila 'o Troy Smith. He küpono këia mau moho 'ehä a pau a 'a'ohe hewa ke koho 'ia o kekahi o läkou ma mua o nä mea 'ë a'e. 'O ka mea na'e a'u e ukiuki nei, 'o ia ho'i, ke ho'oha'aha'a 'ia nei kahi Colt no kona pä'ani 'ana no ke Kulanui o Hawai'i. Wahi a nä "loea" 'a'ole lawa ka ikaika o ka papa pä'ani o Hawai'i e like me ko Florida, Arkansas, a me Missouri. 'Eä, ua hä'ule këlä mau kime 'ekolu i këia makahiki a 'oiai ua hemolele ka mo'omö'ali o Hawai'i he 12 lanakila 'ana a 'a'ohe wahi eo. He aha lä ka mea e ho'ohalahala ai?
He mea maopopo, 'a'ole nänä 'ia ke Kulanui o Hawai'i no ke ka'awale loa o ko käkou 'äina mai 'Amelika aku, a 'a'ole nänä 'ia nä pä'ani 'ana, no ka mea, aia ka hö'ike i loko o ke aumoe o ka hapanui o nä "loea" mana koho. Aloha nö käkou. Inä 'a'ole i lilo ka Heisman iä Colt i ka pö nei, ho'okahi wale nö mea e hana ai. 'O ia ka peku 'ana i ka lemu o kahi Georgia i loko o ka Sugar Bowl. 'O ia wale ihola nö ka mea e kau ai ko Hawai'i kime a me kona me'e i ka hano.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|