A'o i ke koa, e a'o nō i ka holo
Kekeha Solis
Synopsis: How can people not give respect to Nā Koa Ānuenue because of a "weak schedule." Further powerhouse teams don't want to challenge Hawai'i or are perhaps wary to challenge Hawai'i for fear of losing.
Welina e nā makamaka heluhelu o Kauakūkalahale, hiki maila ka hopena o ke kikina kinipōpō pekupeku. Ua 'āha'i hou aku nei paha nā Koa Ānuenue i ka lanakila i ke ahiahi o nehinei? 'O ia nō paha, a ke lana nei ka mana'o e koho 'ia 'o Hawai'i i hoa paio no kekahi o nā ho'okūkū inoa moho o nā po'okela. A e nā makamaka heluhelu, 'o kekahi mea i uluhua ai ko 'oukou mea kākau, 'o ia ke 'ano ho'okae 'ia 'ana a me ka mahalo 'ole 'ia 'ana o nā Koa Ānuenue i loko nō o ko lākou lanakila mau 'ana ma nā pule i hala.
Ma hope mai o ka lanakila 'ana aku nei o Hawai'i ma luna o Boise State i kēlā Pō'alima aku nei, a hā'ule nō ho'i 'o Kansas, e kū ho'okahi ana 'o Hawai'i, 'a'ole i hā'ule iki i kēia kau, he 11 lanakila, 'a'ohe hā'ule. A 'akahi nō a helu 'ia 'o Hawai'i, 'o ia ka helu 12 o nā kūlana no nā ho'okūkū inoa moho o nā po'okela (BCS).
Ma mua aku o ka lanakila 'ana o nā Koa Ānuenue ma luna o Boise, nui ka hauwala'au e lohe 'ia ana, he mau hoa paio nāwaliwali wale nō ko nā Koa Ānuenue, a 'o ia ko lākou mea i lanakila ai ma nā ho'okūkū a pau. 'Eā, e nā makamaka heluhelu, he mau iki unu paha ia e pa'a ai ka pōhaku nui, 'a'ohe e ka'a. A 'ike 'ia aku nei he mau ho'okūkū kahi i pepehi aku ai 'o Davida iā Golia ma kēia kau kinipōpō pekupeku, 'o ia ho'i, ua eo ihola kekahi mau hui a ka ikaika nui wale i kahi hui nāwaliwali a li'ili'i ho'i paha, e like ho'i me Mikigana ma ka pule mua o kēia kau nei, i hā'ule ihola iā 'Apalakia State ma ka helu 'ai he 34 a 'Apalakia i ke 32 a Mikigana. 'O Mikigana, ka hui helu 5 o ke ao nei i ia manawa. A pehea ho'i 'o 'Okalahoma? Ma ka pule 6, 'o nā Suna ka hui helu 4, a eo lākou iā Kololako ma ka helu 'ai he 27 i ka 24. A 'o Tekeka ma ia pule ho'okahi nō, pilikia ihola iā Kansas State ma ka helu 'ai he 41 a Kansas i ka 21 a Tekeka. A pēlā pū nō me kekahi mau ho'okūkū o kēlā hopena pule aku nei.
A no laila, 'a'ole paha hiki ke 'ōlelo 'ia, he mea 'ole ka mo'olelo lanakila o Hawai'i ma muli o ka nāwaliwali a li'ili'i paha o nā hoa paio.
A 'o kekahi, 'a'ole hiki ke ho'ohalahala aku i ka papa hoa paio o Hawai'i, 'oiai, ua akamai nō nā Golia o 'Amelika, ua "a'o i ke koa, a'o nō i ka holo" wahi a nā kūpuna, he maka'u nō o pepehi 'ia e Davida (Hawai'i), a 'o ia paha ke kumu i hele 'ole mai ai i Hawai'i nei e ho'okūkū ai. A 'o Mikigana State kekahi i 'apo i ia ha'awina, ho'opau ihola i ka ho'okūkū o kēia kau, me Hawai'i.
Akā, i ka makahiki 2008, 'o kekahi mau hoa paio o nā Koa Ānuenue, 'o ia 'o Pololika, 'o Cincinati a me 'Olekona State. A ma ia manawa e 'ike hou 'ia ai nā 'ai a nā u'i o Hawai'i nei.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
A'o i ke koa, e a'o nö i ka holo
Kekeha Solis
Synopsis: How can people not give respect to Nä Koa Änuenue because of a "weak schedule." Further powerhouse teams don't want to challenge Hawai'i or are perhaps wary to challenge Hawai'i for fear of losing.
Welina e nä makamaka heluhelu o Kauakükalahale, hiki maila ka hopena o ke kikina kinipöpö pekupeku. Ua 'äha'i hou aku nei paha nä Koa Änuenue i ka lanakila i ke ahiahi o nehinei? 'O ia nö paha, a ke lana nei ka mana'o e koho 'ia 'o Hawai'i i hoa paio no kekahi o nä ho'okükü inoa moho o nä po'okela. A e nä makamaka heluhelu, 'o kekahi mea i uluhua ai ko 'oukou mea käkau, 'o ia ke 'ano ho'okae 'ia 'ana a me ka mahalo 'ole 'ia 'ana o nä Koa Änuenue i loko nö o ko läkou lanakila mau 'ana ma nä pule i hala.
Ma hope mai o ka lanakila 'ana aku nei o Hawai'i ma luna o Boise State i këlä Pö'alima aku nei, a hä'ule nö ho'i 'o Kansas, e kü ho'okahi ana 'o Hawai'i, 'a'ole i hä'ule iki i këia kau, he 11 lanakila, 'a'ohe hä'ule. A 'akahi nö a helu 'ia 'o Hawai'i, 'o ia ka helu 12 o nä külana no nä ho'okükü inoa moho o nä po'okela (BCS).
Ma mua aku o ka lanakila 'ana o nä Koa Änuenue ma luna o Boise, nui ka hauwala'au e lohe 'ia ana, he mau hoa paio näwaliwali wale nö ko nä Koa Änuenue, a 'o ia ko läkou mea i lanakila ai ma nä ho'okükü a pau. 'Eä, e nä makamaka heluhelu, he mau iki unu paha ia e pa'a ai ka pöhaku nui, 'a'ohe e ka'a. A 'ike 'ia aku nei he mau ho'okükü kahi i pepehi aku ai 'o Davida iä Golia ma këia kau kinipöpö pekupeku, 'o ia ho'i, ua eo ihola kekahi mau hui a ka ikaika nui wale i kahi hui näwaliwali a li'ili'i ho'i paha, e like ho'i me Mikigana ma ka pule mua o këia kau nei, i hä'ule ihola iä 'Apalakia State ma ka helu 'ai he 34 a 'Apalakia i ke 32 a Mikigana. 'O Mikigana, ka hui helu 5 o ke ao nei i ia manawa. A pehea ho'i 'o 'Okalahoma? Ma ka pule 6, 'o nä Suna ka hui helu 4, a eo läkou iä Kololako ma ka helu 'ai he 27 i ka 24. A 'o Tekeka ma ia pule ho'okahi nö, pilikia ihola iä Kansas State ma ka helu 'ai he 41 a Kansas i ka 21 a Tekeka. A pëlä pü nö me kekahi mau ho'okükü o këlä hopena pule aku nei.
A no laila, 'a'ole paha hiki ke 'ölelo 'ia, he mea 'ole ka mo'olelo lanakila o Hawai'i ma muli o ka näwaliwali a li'ili'i paha o nä hoa paio.
A 'o kekahi, 'a'ole hiki ke ho'ohalahala aku i ka papa hoa paio o Hawai'i, 'oiai, ua akamai nö nä Golia o 'Amelika, ua "a'o i ke koa, a'o nö i ka holo" wahi a nä küpuna, he maka'u nö o pepehi 'ia e Davida (Hawai'i), a 'o ia paha ke kumu i hele 'ole mai ai i Hawai'i nei e ho'okükü ai. A 'o Mikigana State kekahi i 'apo i ia ha'awina, ho'opau ihola i ka ho'okükü o këia kau, me Hawai'i.
Akä, i ka makahiki 2008, 'o kekahi mau hoa paio o nä Koa Änuenue, 'o ia 'o Pololika, 'o Cincinati a me 'Olekona State. A ma ia manawa e 'ike hou 'ia ai nä 'ai a nä u'i o Hawai'i nei.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|