Ka Palapala Kauoha
Lilinoe Wong
Synopsis: It's never too early to put one's affairs in order. It can spare the family a lot of grief.
Aloha mai nō kākou e nā hoa heluhelu o Kauakūkalahale. 'O ka mea mua, e hā'awi aku nō kākou i ka mahalo piha i ke Akua no kona ho'opōmaika'i 'ana mai i ko kākou olakino. Ke hā'awi pū aku nei au i ko'u mahalo piha iā 'oukou no ka ho'omanawanui i ka heluhelu i kēia kolamu. Eia hou ho'i, e mahalo aku nō au i ka Hōkū Buletina no ka mālama mai i kēia wahi kolamu i wahi e laha aku ai ko kākou mau mana'o like 'ole e pili ana i nā nīnau o ka wā i hala, ka wā e ne'e nei, a me ka wā e hiki mai ana. Mahalo a nui loa!
E huikala mai i ko'u hāpai 'ana i kahi kumuhana ho'okaumaha a ho'omāna'ona'o paha, 'o ia ho'i ka palapala kauoha no nā hana e lawelawe ai ma mua o ka hala 'ana i ke ala ho'i 'ole mai. Inā nō e ho'opane'e 'ia kēia mau hana a hiki i ko kākou hala 'ana, e hala pū nō me ka Pu'ulena. A no laila, mai kali a pau nā niho, a kaniko'o, a haumaka 'iole, a kolo pūpū, a kau nō ho'i i ka puaaneane. E hana 'ia ke kauoha hope loa 'oiai ua maika'i ke olakino.
'Elua mahina aku nei, ua hala honua ka makuahine o ku'u hoapili ma muli o ka ma'i kauhola. He wā kaumaha nō ia ma nā 'ano a pau, a ua uluhua ho'i nā 'ohana e koe nei. 'A'ohe waiho 'ia ke kauoha a palapala 'ē a'e paha e hō'ike mai ana i nā mea e hana ai me kona mau waiwai. Ua ili mai na'e ia mau kuleana ma luna o ka 'ohana, na lākou nō ho'i ia mau mea e ho'oponopono. A he hana nui nō ia, no ka mea, i kekahi manawa, he hukihuki ke kupu mai.
I ko'u lohe a 'ike maka 'ana ho'i i ia mau mea, komo maila ka hopohopo i loko o'u, a no ka mea, 'a'ole māua 'o ku'u kāne i ho'oponopono i ko māua mau kuleana a 'a'ole maopopo ia'u kahi e ho'omaka ai. I ho'opane'e māua i ka lawelawe 'ana i ia mau hana a hala 'ē kekahi o māua, e ili ana nō ia kuleana ma luna o kā māua mau keiki a me ka 'ohana ho'i, a he mea nō paha ia e kaumaha ai ko lākou hokua ke 'auamo a'e.
Aia nō ke ola nei ko'u mau mākua, a i ko'u nīele 'ana aku iā lāua no ka mākaukau a me ka 'ole o ko lāua mau kuleana, ua 'ae maila nō. Eia hou ho'i, ma mua o ka hala 'ana o ko'u makua hūnōwai wahine, ua waiho 'ē maila 'o ia i kona mau kauoha e hō'ike mai ana i ka 'ohana i nā mea a pau e hana ai ma hope o kona hala 'ana. Nāna nō ia mau mea i kuhikuhi e like me kona mana'o he pono, a 'a'ole i waiho wale 'ia no ka 'ohana e hopohopo ai. Mahalo ka mākaukau!
He nui nā mea e no'ono'o ai ma mua o ka wā e pau ai ka no'ono'o. Eia kekahi, inā he mīkini ho'ohanu ka mea e pono ai ka mau 'ana o ke ola, aia iā wai ka mana ho'oholo no ka huki a me ka 'ole i ka uea. E hāpai hou 'ia ana kēia nīnau i kēia pule a'e.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ka Palapala Kauoha
Lilinoe Wong
Synopsis: It's never too early to put one's affairs in order. It can spare the family a lot of grief.
Aloha mai nö käkou e nä hoa heluhelu o Kauakükalahale. 'O ka mea mua, e hä'awi aku nö käkou i ka mahalo piha i ke Akua no kona ho'opömaika'i 'ana mai i ko käkou olakino. Ke hä'awi pü aku nei au i ko'u mahalo piha iä 'oukou no ka ho'omanawanui i ka heluhelu i këia kolamu. Eia hou ho'i, e mahalo aku nö au i ka Hökü Buletina no ka mälama mai i këia wahi kolamu i wahi e laha aku ai ko käkou mau mana'o like 'ole e pili ana i nä nïnau o ka wä i hala, ka wä e ne'e nei, a me ka wä e hiki mai ana. Mahalo a nui loa!
E huikala mai i ko'u häpai 'ana i kahi kumuhana ho'okaumaha a ho'omäna'ona'o paha, 'o ia ho'i ka palapala kauoha no nä hana e lawelawe ai ma mua o ka hala 'ana i ke ala ho'i 'ole mai. Inä nö e ho'opane'e 'ia këia mau hana a hiki i ko käkou hala 'ana, e hala pü nö me ka Pu'ulena. A no laila, mai kali a pau nä niho, a kaniko'o, a haumaka 'iole, a kolo püpü, a kau nö ho'i i ka puaaneane. E hana 'ia ke kauoha hope loa 'oiai ua maika'i ke olakino.
'Elua mahina aku nei, ua hala honua ka makuahine o ku'u hoapili ma muli o ka ma'i kauhola. He wä kaumaha nö ia ma nä 'ano a pau, a ua uluhua ho'i nä 'ohana e koe nei. 'A'ohe waiho 'ia ke kauoha a palapala 'ë a'e paha e hö'ike mai ana i nä mea e hana ai me kona mau waiwai. Ua ili mai na'e ia mau kuleana ma luna o ka 'ohana, na läkou nö ho'i ia mau mea e ho'oponopono. A he hana nui nö ia, no ka mea, i kekahi manawa, he hukihuki ke kupu mai.
I ko'u lohe a 'ike maka 'ana ho'i i ia mau mea, komo maila ka hopohopo i loko o'u, a no ka mea, 'a'ole mäua 'o ku'u käne i ho'oponopono i ko mäua mau kuleana a 'a'ole maopopo ia'u kahi e ho'omaka ai. I ho'opane'e mäua i ka lawelawe 'ana i ia mau hana a hala 'ë kekahi o mäua, e ili ana nö ia kuleana ma luna o kä mäua mau keiki a me ka 'ohana ho'i, a he mea nö paha ia e kaumaha ai ko läkou hokua ke 'auamo a'e.
Aia nö ke ola nei ko'u mau mäkua, a i ko'u nïele 'ana aku iä läua no ka mäkaukau a me ka 'ole o ko läua mau kuleana, ua 'ae maila nö. Eia hou ho'i, ma mua o ka hala 'ana o ko'u makua hünöwai wahine, ua waiho 'ë maila 'o ia i kona mau kauoha e hö'ike mai ana i ka 'ohana i nä mea a pau e hana ai ma hope o kona hala 'ana. Näna nö ia mau mea i kuhikuhi e like me kona mana'o he pono, a 'a'ole i waiho wale 'ia no ka 'ohana e hopohopo ai. Mahalo ka mäkaukau!
He nui nä mea e no'ono'o ai ma mua o ka wä e pau ai ka no'ono'o. Eia kekahi, inä he mïkini ho'ohanu ka mea e pono ai ka mau 'ana o ke ola, aia iä wai ka mana ho'oholo no ka huki a me ka 'ole i ka uea. E häpai hou 'ia ana këia nïnau i këia pule a'e.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|