Aloha Nā Koa o Ānuenue
Laiana Wong
Synopsis: Despite not making the playoffs this year, Nā Koa o Ānuenue have certainly lived up to their name by putting forth maximum effort against overwhelming odds.
Aloha mai nō kākou e nā hoa puni kinipōpō peku. He wā pīhoihoi nō kēia i ka hō'ea mai o nā ho'okūkū moho. 'A'ole na'e e pau loa kākou i ka pīhoihoi. He wā kaumaha kēia no kekahi po'e 'ālapa a me ko lākou po'e kāko'o. Aloha nō Nā Koa o Ānuenue, 'a'ole nō i puka ma nā helu, a ua pau ko lākou kau pōpeku i kēia makahiki. A 'o mākou ho'i, ka po'e kāko'o, eia ke noho ho'omanawanui nei i ka lu'ulu'u 'ana o ka na'au. Aloha nō nā 'ālapa e puka ana i kēia makahiki kula. 'O ka hapanui, 'a'ole paha e pā'ani hou ana ma ke kulanui. 'O kēia ihola nō ka pau 'ana o ko lākou wā pā'ani kinipōpō peku.
He mea minamina nō ia. I loko nō o ke ku'upau 'ana o ke kime holo'oko'a, 'a'oe lawa nā eo e puka ai ma ka pae moho. He keu kā ho'i ka māmā o ka holo a me ka māhanahana o ke kula'i, a ua lilo ia i mea e pū'iwa ai nā hoa paio a pau. I ka lilo 'ana o ke eo i ka hoa paio, 'a'ole lā ia e kapa aku i Nā Koa o Ānuenue "he kumu kukui palahuli wale i ka makani". He 'ahi kananā na'e i 'ike 'ole i ia mea he hā'awipio. 'O ka 'eha a me ka mālo'elo'e, 'o ia nō nā hoa o ka mea lanakila. 'Eā, e nīnau 'ia aku.
Ua kūpono ka inoa o ua po'e 'ahi kananā nei 'o "Nā Koa", a no ka mea, 'a'ohe pilikua e maka'u ai, he hiu wale aku nō na'e a wela. 'O ka hapanui o nā 'ālapa o nā hoa paio, ua 'oi aku ka nui o ko lākou mau kino a kohu peke ka hoa like o ko Ānuenue. Eia hou, 'a'ohe kime i hapa mai ka heluna o nā 'ālapa i ko Ānuenue. He 25 wale nō ka heluna. A no ia mea ho'i, he mea mau i nā keiki o Ānuenue ka pā'ani 'ana ma nā 'ano kūlana like 'ole a ma nā 'ao'ao 'elua nō ho'i o ka laina ho'ouka. 'O ia ho'i, 'o ka 'ao'ao kūlele a me ka 'ao'ao kūpale.
I ke kūpale pono 'ana a ko Ānuenue 'ao'ao kūpale, lilo mai ke kinipōpō i kona 'ao'ao kūlele. 'O ia nō ka wā e ha'alele ai ka 'ao'ao kūlele o ka hoa paio i ke kahua pā'ani. Iā lākou lā ma waho o ka palena e ho'omaha ana a e kali ana ho'i 'o ka lilo hou mai o ke kinipōpō, he mau keiki 'oko'a nō ke kū maila ma ko lākou 'ao'ao kūpale. 'O nā keiki o Ānuenue na'e, noho pa'a ma ke kahua ua mākaukau 'o ka 'a'ako hou aku i ka hana kūlele. A no ka ikaika o ua po'e keiki lā, i loko nō o ka loa'a 'ole he wā e ho'omaha ai, 'a'ohe wahi pauaho a kani mai paha o ka hoe. 'O ke kupanaha ia o nā kupanaha!
'Auhea e Nā Koa o Ānuenue, ua inu nui 'oukou i ka wai 'awa'awa i loko o kēlā mau makahiki 'ekolu i ka'ahope aku nei, a ua noke aku nō na'e i ka holo 'ana i mua. He mea ia no 'oukou e kū ha'aheo ai i nā kau a kau. 'O ia ihola nō ka hana! A ma kēia hope aku, 'o ia 'ano nō o 'oukou. 'o ia ana ka mea e kū ai i ka moku!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Aloha Nä Koa o Änuenue
Laiana Wong
Synopsis: Despite not making the playoffs this year, Nä Koa o Änuenue have certainly lived up to their name by putting forth maximum effort against overwhelming odds.
Aloha mai nö käkou e nä hoa puni kinipöpö peku. He wä pïhoihoi nö këia i ka hö'ea mai o nä ho'okükü moho. 'A'ole na'e e pau loa käkou i ka pïhoihoi. He wä kaumaha këia no kekahi po'e 'älapa a me ko läkou po'e käko'o. Aloha nö Nä Koa o Änuenue, 'a'ole nö i puka ma nä helu, a ua pau ko läkou kau pöpeku i këia makahiki. A 'o mäkou ho'i, ka po'e käko'o, eia ke noho ho'omanawanui nei i ka lu'ulu'u 'ana o ka na'au. Aloha nö nä 'älapa e puka ana i këia makahiki kula. 'O ka hapanui, 'a'ole paha e pä'ani hou ana ma ke kulanui. 'O këia ihola nö ka pau 'ana o ko läkou wä pä'ani kinipöpö peku.
He mea minamina nö ia. I loko nö o ke ku'upau 'ana o ke kime holo'oko'a, 'a'oe lawa nä eo e puka ai ma ka pae moho. He keu kä ho'i ka mämä o ka holo a me ka mähanahana o ke kula'i, a ua lilo ia i mea e pü'iwa ai nä hoa paio a pau. I ka lilo 'ana o ke eo i ka hoa paio, 'a'ole lä ia e kapa aku i Nä Koa o Änuenue "he kumu kukui palahuli wale i ka makani". He 'ahi kananä na'e i 'ike 'ole i ia mea he hä'awipio. 'O ka 'eha a me ka mälo'elo'e, 'o ia nö nä hoa o ka mea lanakila. 'Eä, e nïnau 'ia aku.
Ua küpono ka inoa o ua po'e 'ahi kananä nei 'o "Nä Koa", a no ka mea, 'a'ohe pilikua e maka'u ai, he hiu wale aku nö na'e a wela. 'O ka hapanui o nä 'älapa o nä hoa paio, ua 'oi aku ka nui o ko läkou mau kino a kohu peke ka hoa like o ko Änuenue. Eia hou, 'a'ohe kime i hapa mai ka heluna o nä 'älapa i ko Änuenue. He 25 wale nö ka heluna. A no ia mea ho'i, he mea mau i nä keiki o Änuenue ka pä'ani 'ana ma nä 'ano külana like 'ole a ma nä 'ao'ao 'elua nö ho'i o ka laina ho'ouka. 'O ia ho'i, 'o ka 'ao'ao külele a me ka 'ao'ao küpale.
I ke küpale pono 'ana a ko Änuenue 'ao'ao küpale, lilo mai ke kinipöpö i kona 'ao'ao külele. 'O ia nö ka wä e ha'alele ai ka 'ao'ao külele o ka hoa paio i ke kahua pä'ani. Iä läkou lä ma waho o ka palena e ho'omaha ana a e kali ana ho'i 'o ka lilo hou mai o ke kinipöpö, he mau keiki 'oko'a nö ke kü maila ma ko läkou 'ao'ao küpale. 'O nä keiki o Änuenue na'e, noho pa'a ma ke kahua ua mäkaukau 'o ka 'a'ako hou aku i ka hana külele. A no ka ikaika o ua po'e keiki lä, i loko nö o ka loa'a 'ole he wä e ho'omaha ai, 'a'ohe wahi pauaho a kani mai paha o ka hoe. 'O ke kupanaha ia o nä kupanaha!
'Auhea e Nä Koa o Änuenue, ua inu nui 'oukou i ka wai 'awa'awa i loko o këlä mau makahiki 'ekolu i ka'ahope aku nei, a ua noke aku nö na'e i ka holo 'ana i mua. He mea ia no 'oukou e kü ha'aheo ai i nä kau a kau. 'O ia ihola nö ka hana! A ma këia hope aku, 'o ia 'ano nö o 'oukou. 'o ia ana ka mea e kü ai i ka moku!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|