E nihi ka holo
Kauakūkalahale
Kekeha Solis
Synopsis: Instead of making laws protecting pedestrians in crosswalks, we should look at other ways to protect pedestrians.
'Auhea 'oukou e nā ko'ele wāwae a puni 'o Hawai'i nei, i nā mahina i hala iho nei, ua hele hou paha a maka'u i ke kau 'ana i nā wa'a kaulua he 'umi ihu a holoholo ma nā pīpā alanui o ke kaona. Kāpae 'ia aku paha ka maka'u, no ka mea, i ka pule nei i hala, pūlima a'e nei ke kia'āina Linda Lingle i ka pila no ka pono o ka po'e ko'ele wāwae, a lilo ai ua pila nei i kānāwai. 'O ua kānāwai hou nei, he mea paha ia e palekana ai nā ko'ele wāwae.
Penei ua kānāwai hou lā: he pono ke ka'a ke kū, inā he ko'ele wāwae ko ke kā'ei ko'ele wāwae ma ka 'ao'ao like o ke ka'a, a inā he hele mai kahi ko'ele wāwae mai kekahi 'ao'ao mai a kokoke loa i ke ka'a, e kū ke ka'a. He kanono maoli ka ho'opa'i o ke kiaka'a i kēia manawa ke 'a'e i nei kānāwai. 'O ka ho'opa'i, ke haki ua kānāwai lā, he $150 i ka manawa mua, ke haki hou i loko o ka makahiki ho'okahi, he $300 a e ho'omalu 'ia ka laikini kalaiwa no nā lā he 90. A e pi'i hou nō ka ho'opi'i i ke kolu o ka manawa e haki ai ke kānāwai.
'Eā, 'a'ole paha 'o ke kānāwai ka mea e pau ai ka ho'oku'i 'ia a me ka make 'ana paha o ke ko'ele wāwae. Ua hana 'ia kahi kānāwai no ka pono o ke ko'ele wāwae i ka makahiki 2005, a 'o ia mau nō ka ho'oku'i 'ia 'ana o ke ko'ele wāwae, 'a'ole i pau.
Eia paha ka mea e pono ai kākou ma Hawai'i nei, 'o nā ka'a holo mālie wale nō ke komo mai i kēia pae 'āina nei o kākou, nā ka'a wale nō e holo he 25 mile o ka hola a emi iho. E hana 'ia ka 'enekini i 'ole ai ke ka'a e holo 'āwīwī. A 'o ia 'ano ka'a wale nō ke kalaiwa 'ia ma nā alanui o kākou.
E 'ōlelo auane'i paha kekahi po'e puni holo pupule, a holo 'ino paha, he mea make nō ho'i ke ka'a holo mālie, e like ho'i me ia keiki i holo 'ia ma ke ala hale ka'a o kekahi 'ohana i nā lā i hala aku nei. A no laila e kau leo aku nei ko 'oukou mea kākau, ke kalaiwa 'oukou i ke ka'a, ma mua o ke kau 'ana aku i luna o ke ka'a, e hele a puni ke ka'a me ka maka'ala i 'ike i ka loa'a o ke keiki a me ka loa'a 'ole paha. 'O ia hana, he mea ia e mālama 'ia ai nā lei poina 'ole a kākou, 'o ia ho'i nā keiki aloha nui 'ia.
E ka makamaka heluhelu, e ho'i hou ke kama'ilio i ke ka'a holo mālie. 'O kekahi pōmaika'i, 'a'ole paha e pilikia loa ke kalaiwa kekahi ma lalo o ka malu o ka wai'ona. I ka wā e holo ai ke ka'a he 25 mile o ka hola, he hiki ke 'eha ke kanaka ma ka ulia ka'a, akā 'a'ole paha e kūkonukonu ka 'eha.
Inā ho'okō 'ia kēia mana'o, e nui paha nā ka'a holo ma ka uila a me ka 'aila pū. 'Eā, i loko nō o kēia wā o ka 'aila pipi'i, he mea maika'i nō ho'i ia, 'oiai, 'a'ole e pau koke ka 'aila a me ke kenikeni o ka pākeke.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
E nihi ka holo
Kauakükalahale
Kekeha Solis
Synopsis: Instead of making laws protecting pedestrians in crosswalks, we should look at other ways to protect pedestrians.
'Auhea 'oukou e nä ko'ele wäwae a puni 'o Hawai'i nei, i nä mahina i hala iho nei, ua hele hou paha a maka'u i ke kau 'ana i nä wa'a kaulua he 'umi ihu a holoholo ma nä pïpä alanui o ke kaona. Käpae 'ia aku paha ka maka'u, no ka mea, i ka pule nei i hala, pülima a'e nei ke kia'äina Linda Lingle i ka pila no ka pono o ka po'e ko'ele wäwae, a lilo ai ua pila nei i känäwai. 'O ua känäwai hou nei, he mea paha ia e palekana ai nä ko'ele wäwae.
Penei ua känäwai hou lä: he pono ke ka'a ke kü, inä he ko'ele wäwae ko ke kä'ei ko'ele wäwae ma ka 'ao'ao like o ke ka'a, a inä he hele mai kahi ko'ele wäwae mai kekahi 'ao'ao mai a kokoke loa i ke ka'a, e kü ke ka'a. He kanono maoli ka ho'opa'i o ke kiaka'a i këia manawa ke 'a'e i nei känäwai. 'O ka ho'opa'i, ke haki ua känäwai lä, he $150 i ka manawa mua, ke haki hou i loko o ka makahiki ho'okahi, he $300 a e ho'omalu 'ia ka laikini kalaiwa no nä lä he 90. A e pi'i hou nö ka ho'opi'i i ke kolu o ka manawa e haki ai ke känäwai.
'Eä, 'a'ole paha 'o ke känäwai ka mea e pau ai ka ho'oku'i 'ia a me ka make 'ana paha o ke ko'ele wäwae. Ua hana 'ia kahi känäwai no ka pono o ke ko'ele wäwae i ka makahiki 2005, a 'o ia mau nö ka ho'oku'i 'ia 'ana o ke ko'ele wäwae, 'a'ole i pau.
Eia paha ka mea e pono ai käkou ma Hawai'i nei, 'o nä ka'a holo mälie wale nö ke komo mai i këia pae 'äina nei o käkou, nä ka'a wale nö e holo he 25 mile o ka hola a emi iho. E hana 'ia ka 'enekini i 'ole ai ke ka'a e holo 'äwïwï. A 'o ia 'ano ka'a wale nö ke kalaiwa 'ia ma nä alanui o käkou.
E 'ölelo auane'i paha kekahi po'e puni holo pupule, a holo 'ino paha, he mea make nö ho'i ke ka'a holo mälie, e like ho'i me ia keiki i holo 'ia ma ke ala hale ka'a o kekahi 'ohana i nä lä i hala aku nei. A no laila e kau leo aku nei ko 'oukou mea käkau, ke kalaiwa 'oukou i ke ka'a, ma mua o ke kau 'ana aku i luna o ke ka'a, e hele a puni ke ka'a me ka maka'ala i 'ike i ka loa'a o ke keiki a me ka loa'a 'ole paha. 'O ia hana, he mea ia e mälama 'ia ai nä lei poina 'ole a käkou, 'o ia ho'i nä keiki aloha nui 'ia.
E ka makamaka heluhelu, e ho'i hou ke kama'ilio i ke ka'a holo mälie. 'O kekahi pömaika'i, 'a'ole paha e pilikia loa ke kalaiwa kekahi ma lalo o ka malu o ka wai'ona. I ka wä e holo ai ke ka'a he 25 mile o ka hola, he hiki ke 'eha ke kanaka ma ka ulia ka'a, akä 'a'ole paha e kükonukonu ka 'eha.
Inä ho'okö 'ia këia mana'o, e nui paha nä ka'a holo ma ka uila a me ka 'aila pü. 'Eä, i loko nö o këia wä o ka 'aila pipi'i, he mea maika'i nö ho'i ia, 'oiai, 'a'ole e pau koke ka 'aila a me ke kenikeni o ka päkeke.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|