I Ali'i Ke Ali'i I Ke Kanaka
KAUAKUKALAHALE
Kekeha Solis
Synopsis: The Ali'i were reminded through an 'ōlelo no'eau that the people were important, so should CEOs of companies be reminded that their workers and their customers are important.
'O ke po'o mana'o e kau a'ela i luna a'e nei, he 'ōlelo ia i kuluma i ka wā ma mua. A 'o ia ihola paha ka mea i mālama ai ke ali'i "i ke kanaka nui ame ke kanaka iki; ke kanaka ulakolako o ka noho ana ame ke kanaka hemahema a nele o ka noho ana."
He mea ia 'ōlelo no'eau e hō'ike ana ē he mea nui ke kanaka, 'a'ole e nānā ke ali'i i kona pono wale iho nō. A inā he ali'i kekahi e kū a'ela i kēia mau lā, e maliu 'o ia i ua 'ōlelo no'eau nei a 'o ia ihola ka mea e ali'i ai. 'A'ole na'e paha i pili ia 'ōlelo no'eau i ke kūlana ali'i wale nō. He hiki paha ke ho'opili aku i nā 'ano kūlana luna like 'ole. 'O ka luna nui paha o ka hui 'oihana kekahi. Ke lilo ua 'ōlelo no'eau nei i mākia no ka luna nui o kekahi hui 'oihana, 'a'ole e hūhewa kāna hana ma ka ho'okele 'ana i ia hui. 'O ka mālama i nā limahana a me nā kānaka kū'ai, 'o ia ka mea e kau nui ai ka mana'o. A na ia mākia 'o ia e alaka'i ma nā māhele a pau o ia hui 'oihana a e waiwai auane'i ia, e like ho'i me nā ali'i o ke au kahiko i maopopo he mea nui ke kanaka. E laupa'i nā kānaka, a e ulakolako ka 'āina.
Inā e lilo ua 'ōlelo no'eau nei i mea 'ole, 'a'ole e mālama 'ia ke kanaka, ka limahana ho'i, a he mea minamina ia. He puni kālā wale nō paha ke alaka'i i ka na'au a me ka no'ono'o me ka nānā 'ole i ka pono o ke kanaka. E like ho'i me ka hana a ka hale kū'ai 'o Circuit City, ka ho'opau 'ana ho'i i nā limahana i nui ka uku hola. Ua ho'opa'i 'ia kā ua mau limahana nei i loko o ka hana maika'i a lākou.
'O ia wale iho nō ka hana i no'ono'o 'ia? Pehea lā ka hana a ka luna nui o ia hui? Uku 'ia he $8,000,000 a 'oi aku i kēlā makahiki aku nei, a he ho'okahi wale nō āna ala i no'ono'o ai, e pono ai ia hui? 'A'ole ia luna nui ho'okahi ka mea nāna i kūkulu i ia hui. Na na limahana ka nui o ka hana. Inā 'a'ole nā limahana, inā lā 'a'ole paha ia hui.
A no laila, e maika'i paha ke no'ono'o ka luna nui i mau ala e pono ai kona hui, a me nā limahana a pau o ia hui me ke kāpae 'ole 'ia o kekahi. A he ha'awina paha ia no nā luna nui a pau e a'o mai ai. I ali'i ke ali'i i ke kanaka.
Ho'okani Manoa
Synopsis: Ho'okani Mānoa Finale concert at UHM's Andrews Amphitheater on April 28. $5 with UH student ID, $10 without UH student ID.
'Auhea 'oukou e nā hoa puni mele Hawai'i. E naue aku i ka Andrew's Amphitheater o ke Kulanui o Hawai'i ma Mānoa i ka lā 28 o 'Apelila, he Pō'aono ia. E mālama 'ia ana ma ua lā nei ka 'ahamele hope loa o ka Ho'okani Mānoa. E nui ana nā pu'ukani kaulana ma laila. Eia mai ka papa inoa o nā kāhuli leo le'a e honehone ana, 'o Robi Kahakalau, 'o Aaron Mahi, 'o Martin Pahinui, 'o George Kuo, 'o Ainsley Halemanu, 'o Kimo Alama Keaulana, 'o Jeff Teves, 'o Paul Kim, ka 'Ohana Lim, 'o Weldon Kekauoha, 'o Chad Takatsugi a me Keao Costa. E ho'omaka i ka hola 5:00 o ka 'auinalā, a e hā'awi aloha i ka hola 10:00.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
I Ali'i Ke Ali'i I Ke Kanaka
KAUAKUKALAHALE
Kekeha Solis
Synopsis: The Ali'i were reminded through an 'ölelo no'eau that the people were important, so should CEOs of companies be reminded that their workers and their customers are important.
'O ke po'o mana'o e kau a'ela i luna a'e nei, he 'ölelo ia i kuluma i ka wä ma mua. A 'o ia ihola paha ka mea i mälama ai ke ali'i "i ke kanaka nui ame ke kanaka iki; ke kanaka ulakolako o ka noho ana ame ke kanaka hemahema a nele o ka noho ana."
He mea ia 'ölelo no'eau e hö'ike ana ë he mea nui ke kanaka, 'a'ole e nänä ke ali'i i kona pono wale iho nö. A inä he ali'i kekahi e kü a'ela i këia mau lä, e maliu 'o ia i ua 'ölelo no'eau nei a 'o ia ihola ka mea e ali'i ai. 'A'ole na'e paha i pili ia 'ölelo no'eau i ke külana ali'i wale nö. He hiki paha ke ho'opili aku i nä 'ano külana luna like 'ole. 'O ka luna nui paha o ka hui 'oihana kekahi. Ke lilo ua 'ölelo no'eau nei i mäkia no ka luna nui o kekahi hui 'oihana, 'a'ole e hühewa käna hana ma ka ho'okele 'ana i ia hui. 'O ka mälama i nä limahana a me nä känaka kü'ai, 'o ia ka mea e kau nui ai ka mana'o. A na ia mäkia 'o ia e alaka'i ma nä mähele a pau o ia hui 'oihana a e waiwai auane'i ia, e like ho'i me nä ali'i o ke au kahiko i maopopo he mea nui ke kanaka. E laupa'i nä känaka, a e ulakolako ka 'äina.
Inä e lilo ua 'ölelo no'eau nei i mea 'ole, 'a'ole e mälama 'ia ke kanaka, ka limahana ho'i, a he mea minamina ia. He puni kälä wale nö paha ke alaka'i i ka na'au a me ka no'ono'o me ka nänä 'ole i ka pono o ke kanaka. E like ho'i me ka hana a ka hale kü'ai 'o Circuit City, ka ho'opau 'ana ho'i i nä limahana i nui ka uku hola. Ua ho'opa'i 'ia kä ua mau limahana nei i loko o ka hana maika'i a läkou.
'O ia wale iho nö ka hana i no'ono'o 'ia? Pehea lä ka hana a ka luna nui o ia hui? Uku 'ia he $8,000,000 a 'oi aku i këlä makahiki aku nei, a he ho'okahi wale nö äna ala i no'ono'o ai, e pono ai ia hui? 'A'ole ia luna nui ho'okahi ka mea näna i kükulu i ia hui. Na na limahana ka nui o ka hana. Inä 'a'ole nä limahana, inä lä 'a'ole paha ia hui.
A no laila, e maika'i paha ke no'ono'o ka luna nui i mau ala e pono ai kona hui, a me nä limahana a pau o ia hui me ke käpae 'ole 'ia o kekahi. A he ha'awina paha ia no nä luna nui a pau e a'o mai ai. I ali'i ke ali'i i ke kanaka.
Ho'okani Manoa
Synopsis: Ho'okani Mänoa Finale concert at UHM's Andrews Amphitheater on April 28. $5 with UH student ID, $10 without UH student ID.
'Auhea 'oukou e nä hoa puni mele Hawai'i. E naue aku i ka Andrew's Amphitheater o ke Kulanui o Hawai'i ma Mänoa i ka lä 28 o 'Apelila, he Pö'aono ia. E mälama 'ia ana ma ua lä nei ka 'ahamele hope loa o ka Ho'okani Mänoa. E nui ana nä pu'ukani kaulana ma laila. Eia mai ka papa inoa o nä kähuli leo le'a e honehone ana, 'o Robi Kahakalau, 'o Aaron Mahi, 'o Martin Pahinui, 'o George Kuo, 'o Ainsley Halemanu, 'o Kimo Alama Keaulana, 'o Jeff Teves, 'o Paul Kim, ka 'Ohana Lim, 'o Weldon Kekauoha, 'o Chad Takatsugi a me Keao Costa. E ho'omaka i ka hola 5:00 o ka 'auinalä, a e hä'awi aloha i ka hola 10:00.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|