Da cove
Synopsis: Diamond Head Cove Health Bar is no longer a secret hangout for 'awa drinkers. It attracts people from all over the world.
E nā makamaka heluhelu o Kauakūkalahale e ho'omanawanui nei i ka makeinu a e kakali nei ho'i 'o ka helele'i hou mai o ia ua e kaulana nei mai 'ō a 'ō o ka 'āina, aloha mai nō kākou. 'Auhea 'oukou, e ka po'e inu 'awa, pōmaika'i nō kākou e noho nei ma Honolulu nei i ka lako i ka wai e hoka ai i ka 'awa. Aia nō ma ke kumu pali o Lē'ahi, kahi e 'ale'ale ai nā 'apu 'awa i kēlā me kēia lā, a pēia pū nō me nā pō. 'O ia ho'i ka Diamond Head Cove Health Bar, a 'o ka mea nona ka hale, 'o ia nō 'o Marcus Marcos.
Ma mua o ka hemo 'ana mai o ua hale lā he 'ehā makahiki aku nei, he mea kū'ai mīkini hana kope ua 'o Marcos. 'O ka nui o kona lo'ohia i ke kaumaha ma ka lawelawe 'ana i ia 'ano hana, ua 'ike 'o ia i ke 'ano kūpono 'ole o ia 'oihana, a 'o kona ha'alele loa nō ia. Mea maila kēlā he 'oihana maika'i 'ole ia no ke olakino, a 'o ia ihola nō ke kumu i kupu ai ka mana'o no ka wehe 'ana i kahi hale'āina e kū'ai 'ia ai nā 'ano mea'ai e pono ai ke olakino. Na kona hoa o nā lā u'i, 'o Ernie Cruz Jr., i hō'ike mai no ka maika'i o ia mea he 'awa no ke olakino a 'o ia ihola ka makamua o ko Marcos kū'ai 'ana i ka 'awa. Ma hope o ka pau 'ana o ka Hale Noa, he kani'uhū kai lohe 'ia a me ka 'uī'uī o ka niho o ka po'e inu 'awa. Ma hea lā e hele ai i ka inu 'awa? Kuku'i maila ka lono no kahi hou e hele ai ma ke kumu pali o Lē'ahi a 'o ka ne'epapa akula nō ia o ka 'āuna puni 'awa i laila.
Ma ia manawa mai, ku'i loa akula ke kaulana o ka Diamond Head Cove ma ka honua nei a puni. A 'o kekahi kumu mai, 'o ia nō kahi 'īlio a Marcos i kapa 'ia 'o Pono kona inoa. He 'īlio i akamai i ka he'e nalu a me ka huki 'ana i kona haku ma luna o kona papa huila. 'O ke kupanaha na'e o nā kupanaha, he 'īlio akamai 'o Pono i ka hana makemakika, 'o ia ho'i, 'o ka ho'ohui, ka ho'olawe, ka ho'opu'unaue, a me ka ho'onui, he wai 'au'au wale nō nāna ia mau mea. A no kona akamai loa i ka hana keaka, ua koho 'ia 'o Pono i hāme'e no ka polokalamu kīwī "Lost" i puka maila i ka Pō'akolu nei.
Ho'olaha 'ia ka Diamond Head Cove, Marcos, a me Pono ma o nā pāpaho like 'ole. 'O ka L.A. Times 'oe, 'o ka N.Y. Times, ka Discovery Channel, Pochitama (he polokalamu hō'ike hānaiahuhu ma ke kīwī o Iāpana), nā nūpepa o Honolulu, Iāpana, a me 'Eulopa, a me nā makanina like 'ole he nui. I kēia mau lā, he nui ka po'e malihini nāna e kipa mai iā Marcos mā lāua me Pono a he ho'ā'o nō ho'i i ka inu 'awa. Eia nō ke laha nei ka waiwai o ia mea he 'awa ma 'ō a ma 'ane'i o ka honua. No'u iho, aia ka waiwai i ka ho'ēmi 'ana i nā 'eha like 'ole o ke kino a me kona 'ano ho'onanea ho'i. No kekahi po'e na'e, he mea ia e pale ai ka 'ono a ka pia. Ola nō ke kino!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Da cove
Synopsis: Diamond Head Cove Health Bar is no longer a secret hangout for 'awa drinkers. It attracts people from all over the world.
E nä makamaka heluhelu o Kauakükalahale e ho'omanawanui nei i ka makeinu a e kakali nei ho'i 'o ka helele'i hou mai o ia ua e kaulana nei mai 'ö a 'ö o ka 'äina, aloha mai nö käkou. 'Auhea 'oukou, e ka po'e inu 'awa, pömaika'i nö käkou e noho nei ma Honolulu nei i ka lako i ka wai e hoka ai i ka 'awa. Aia nö ma ke kumu pali o Lë'ahi, kahi e 'ale'ale ai nä 'apu 'awa i këlä me këia lä, a pëia pü nö me nä pö. 'O ia ho'i ka Diamond Head Cove Health Bar, a 'o ka mea nona ka hale, 'o ia nö 'o Marcus Marcos.
Ma mua o ka hemo 'ana mai o ua hale lä he 'ehä makahiki aku nei, he mea kü'ai mïkini hana kope ua 'o Marcos. 'O ka nui o kona lo'ohia i ke kaumaha ma ka lawelawe 'ana i ia 'ano hana, ua 'ike 'o ia i ke 'ano küpono 'ole o ia 'oihana, a 'o kona ha'alele loa nö ia. Mea maila këlä he 'oihana maika'i 'ole ia no ke olakino, a 'o ia ihola nö ke kumu i kupu ai ka mana'o no ka wehe 'ana i kahi hale'äina e kü'ai 'ia ai nä 'ano mea'ai e pono ai ke olakino. Na kona hoa o nä lä u'i, 'o Ernie Cruz Jr., i hö'ike mai no ka maika'i o ia mea he 'awa no ke olakino a 'o ia ihola ka makamua o ko Marcos kü'ai 'ana i ka 'awa. Ma hope o ka pau 'ana o ka Hale Noa, he kani'uhü kai lohe 'ia a me ka 'uï'uï o ka niho o ka po'e inu 'awa. Ma hea lä e hele ai i ka inu 'awa? Kuku'i maila ka lono no kahi hou e hele ai ma ke kumu pali o Lë'ahi a 'o ka ne'epapa akula nö ia o ka 'äuna puni 'awa i laila.
Ma ia manawa mai, ku'i loa akula ke kaulana o ka Diamond Head Cove ma ka honua nei a puni. A 'o kekahi kumu mai, 'o ia nö kahi 'ïlio a Marcos i kapa 'ia 'o Pono kona inoa. He 'ïlio i akamai i ka he'e nalu a me ka huki 'ana i kona haku ma luna o kona papa huila. 'O ke kupanaha na'e o nä kupanaha, he 'ïlio akamai 'o Pono i ka hana makemakika, 'o ia ho'i, 'o ka ho'ohui, ka ho'olawe, ka ho'opu'unaue, a me ka ho'onui, he wai 'au'au wale nö näna ia mau mea. A no kona akamai loa i ka hana keaka, ua koho 'ia 'o Pono i häme'e no ka polokalamu kïwï "Lost" i puka maila i ka Pö'akolu nei.
Ho'olaha 'ia ka Diamond Head Cove, Marcos, a me Pono ma o nä päpaho like 'ole. 'O ka L.A. Times 'oe, 'o ka N.Y. Times, ka Discovery Channel, Pochitama (he polokalamu hö'ike hänaiahuhu ma ke kïwï o Iäpana), nä nüpepa o Honolulu, Iäpana, a me 'Eulopa, a me nä makanina like 'ole he nui. I këia mau lä, he nui ka po'e malihini näna e kipa mai iä Marcos mä läua me Pono a he ho'ä'o nö ho'i i ka inu 'awa. Eia nö ke laha nei ka waiwai o ia mea he 'awa ma 'ö a ma 'ane'i o ka honua. No'u iho, aia ka waiwai i ka ho'ëmi 'ana i nä 'eha like 'ole o ke kino a me kona 'ano ho'onanea ho'i. No kekahi po'e na'e, he mea ia e pale ai ka 'ono a ka pia. Ola nö ke kino!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|