Ka Grammy Hawai'i: Pehea lā e pono ai?
Synopsis: This is the continuation of last week's column about the Hawaiian Grammy. More artists from Hawaii's music profession should register for the NARAS (National Academy of Recording Arts and Sciences) if we hope to effect change in the way candidates are nominated and winners are chosen.
'O ke kolu kēia o ka makahiki i mālama 'ia ai ka wae'ano Grammy Hawai'i a 'a'ohe wahi koho 'ia o kekahi sēdē i lohe 'ia ai ka 'ōlelo Hawai'i. No ke aha lā ho'i i koho 'ole 'ia ai? Ma muli wale nō o ka mana koho pāloka nui o ka po'e no waho o Hawai'i. Kohu mea lā, no ka po'e 'ike 'ole i ka mo'omeheu a me ka 'ōlelo Hawai'i ka mana koho. Ho'okahi haneli wale nō mākou nā lālā koho pāloko o NARAS ma Hawai'i nei, akā he 17,000 lālā pau loa o ia 'aha. 'A'ole lākou a pau e koho pāloka ma ka wae'ano Grammy Hawai'i, akā he koho nō kekahi o lākou.
'O kekahi pilikia, wae mua 'ia nā sēdē o ka wae'ano Hawai'i e kekahi kōmike e noho ana ma Kaleponi. Ha'i 'ia mai mākou ma ka wā i ho'okumu 'ia ai ka wae'ano Grammy Hawai'i, e kono 'ia ana kekahi kanaka 'ōlelo Hawai'i nāna e noho ma ia kōmike, eia na'e, mai ia wā mai a hiki i kēia lā nō, 'a'ole mākou 'ike no ke kō a me ka 'ole o ia mana'o. Ma ko mākou nīnau 'ana aku, 'o ka 'au'a wale maila nō ia a ko NARAS i ka hō'ike mai.
I kēia makahiki, ua lanakila hou kekahi sēdē kīkā kīhō'alu a pi'i hou mai ka ukiuki o mākou. He 'eono hīmeni 'ōlelo Hawai'i o ia sēdē, 'a'ole na'e ia he mea e maha ai ko'u na'au, no ka mea, 'a'ole i hā'awi 'ia ka Grammy i kekahi kanaka a kalapu hīmeni paha. 'Oiai he mau sēdē hō'ili'ilina kēia i ho'ohui 'ia ai nā mele a ka po'e he nui, hā'awi 'ia aku ka Grammy na ka luna ho'opuka o ka sēdē. 'A'ole i hā'awi 'ia i ka po'e ho'okani a hīmeni ma ka sēdē!
Āhea e ho'ohanohano kūpono 'ia ai ka po'e nāna e hīmeni a ho'okani pila ma ka Grammy Hawai'i? Āhea lā ho'i! 'O ka ho'oponopono 'ana i ke 'ano o ka wae 'ana i nā moho, 'o ia ka mea e pono ai, a no laila, he mea nui ia no mākou, nā lālā koho pāloka o Hawai'i nei, e kūkākūkā ai me ka po'e alaka'i o NARAS. 'A'ole na'e e lawa inā 'o mākou wale nō. 'Auhea 'oukou e ka po'e o ka pā'oihana puolo Hawai'i, ua hiki nō ke komo ma ia 'aha ma o ke kāinoa wale 'ana nō. Pēlā e lohe 'ia ai ko 'oukou leo e ka papa alaka'i o NARAS. 'A'ohe hana nui ke alu 'ia. Aia ka palapala kāinoa ma ke kahua pa'a o NARAS - www.grammy.com.
E loli ana paha nā koina wae moho, 'a'ole paha? A pehea ho'i ka mana koho pāloka? Koe aku ia. Inā na'e e hulikua 'ia kēia kauleo 'ana a kākou, he hulikua nō ia i ka 'ōlelo Hawai'i. A inā pēlā, he makehewa nō paha ka mau 'ana o ka wae'ano Hawai'i. 'O ia ihola ko'u wahi mana'o.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ka Grammy Hawai'i: Pehea lä e pono ai?
Synopsis: This is the continuation of last week's column about the Hawaiian Grammy. More artists from Hawaii's music profession should register for the NARAS (National Academy of Recording Arts and Sciences) if we hope to effect change in the way candidates are nominated and winners are chosen.
'O ke kolu këia o ka makahiki i mälama 'ia ai ka wae'ano Grammy Hawai'i a 'a'ohe wahi koho 'ia o kekahi sëdë i lohe 'ia ai ka 'ölelo Hawai'i. No ke aha lä ho'i i koho 'ole 'ia ai? Ma muli wale nö o ka mana koho päloka nui o ka po'e no waho o Hawai'i. Kohu mea lä, no ka po'e 'ike 'ole i ka mo'omeheu a me ka 'ölelo Hawai'i ka mana koho. Ho'okahi haneli wale nö mäkou nä lälä koho päloko o NARAS ma Hawai'i nei, akä he 17,000 lälä pau loa o ia 'aha. 'A'ole läkou a pau e koho päloka ma ka wae'ano Grammy Hawai'i, akä he koho nö kekahi o läkou.
'O kekahi pilikia, wae mua 'ia nä sëdë o ka wae'ano Hawai'i e kekahi kömike e noho ana ma Kaleponi. Ha'i 'ia mai mäkou ma ka wä i ho'okumu 'ia ai ka wae'ano Grammy Hawai'i, e kono 'ia ana kekahi kanaka 'ölelo Hawai'i näna e noho ma ia kömike, eia na'e, mai ia wä mai a hiki i këia lä nö, 'a'ole mäkou 'ike no ke kö a me ka 'ole o ia mana'o. Ma ko mäkou nïnau 'ana aku, 'o ka 'au'a wale maila nö ia a ko NARAS i ka hö'ike mai.
I këia makahiki, ua lanakila hou kekahi sëdë kïkä kïhö'alu a pi'i hou mai ka ukiuki o mäkou. He 'eono hïmeni 'ölelo Hawai'i o ia sëdë, 'a'ole na'e ia he mea e maha ai ko'u na'au, no ka mea, 'a'ole i hä'awi 'ia ka Grammy i kekahi kanaka a kalapu hïmeni paha. 'Oiai he mau sëdë hö'ili'ilina këia i ho'ohui 'ia ai nä mele a ka po'e he nui, hä'awi 'ia aku ka Grammy na ka luna ho'opuka o ka sëdë. 'A'ole i hä'awi 'ia i ka po'e ho'okani a hïmeni ma ka sëdë!
Ähea e ho'ohanohano küpono 'ia ai ka po'e näna e hïmeni a ho'okani pila ma ka Grammy Hawai'i? Ähea lä ho'i! 'O ka ho'oponopono 'ana i ke 'ano o ka wae 'ana i nä moho, 'o ia ka mea e pono ai, a no laila, he mea nui ia no mäkou, nä lälä koho päloka o Hawai'i nei, e kükäkükä ai me ka po'e alaka'i o NARAS. 'A'ole na'e e lawa inä 'o mäkou wale nö. 'Auhea 'oukou e ka po'e o ka pä'oihana puolo Hawai'i, ua hiki nö ke komo ma ia 'aha ma o ke käinoa wale 'ana nö. Pëlä e lohe 'ia ai ko 'oukou leo e ka papa alaka'i o NARAS. 'A'ohe hana nui ke alu 'ia. Aia ka palapala käinoa ma ke kahua pa'a o NARAS - www.grammy.com.
E loli ana paha nä koina wae moho, 'a'ole paha? A pehea ho'i ka mana koho päloka? Koe aku ia. Inä na'e e hulikua 'ia këia kauleo 'ana a käkou, he hulikua nö ia i ka 'ölelo Hawai'i. A inä pëlä, he makehewa nö paha ka mau 'ana o ka wae'ano Hawai'i. 'O ia ihola ko'u wahi mana'o.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|
