'Auhea lā Nā Manakoho?
KAUAKUKALAHALE
Ka'aimalani Spencer
Synopsis: This column touches upon a select few of the many tough choices voters must go through to select a candidate.The emphasis on getting people interested in voting is of main concern.There are many variables in deciding: Who is right for Hawai'i?
Pehea ka mana'o o ka po'e o ke koho pāloka 'ana a'e? Nani ka mana'o i loko o kākou i ke koho 'ana? 'A'ole paha. Pehea lā i 'emi ai ka nui o nā manakoho? Eia kekahi mau kumu: 'A'ole paha lawa ho'okahi koho wale nō i mea e loli ai ka hopena. Noho palaka iho nō kekahi mau kānaka. A i 'ole, 'a'ohe wahi kanaka kūpono e koho ai no ke kūlana kālai'āina, a me ia kumu aku, ia kumu aku. Inā pēlā, i aha auane'i kā kākou mea e hō'eu'eu ai i ka lehulehu i hele 'oko'a lākou i ke koho pāloka? Pono paha e kau a'e kekahi kānāwai hou. A 'o ka mana'o i hāpai 'ia i kēlā pule aku nei e pili ana i ka nui o ka pākeneka, he maika'i.
Ia'u nō a no'ono'o pono i ke kumu o ka hele kāka'ikahi 'ana o nā po'e koho pāloka, ulu wale iho nō kēia i loko o'u, ke kali nei nō paha kākou 'o ka ikaika a'e o ka mana o ka manakoho. Pehea inā hō'ike mōakaaka mau 'ia nā 'ao'ao 'elua a me ko lāua mana'o pono'ī ma ke kīwī a me ka pūnaewele puni honua. Akā na'e, pehea inā hō'ike 'ia ma nā nīnau nui e pili ana i ka Hawai'i. Hō'ike aku i nā 'ao'ao ma kekahi mau kolamu i mea e ho'ohālikelike ai nā kānaka. A laila, hiki i nā po'e a pau ke koho i ke kanaka maika'i e koho ai no ka pono o Hawai'i nei. E 'ō'ili honua ana paha ka nui o nā maka'āinana i nā ke'ena koho pāloka inā hana 'ia pēlā.
Eia ko'u mana'o ulu wale ke kū nei i loko o ko'u po'o. Loa'a nō kekahi mea ho'ohālikelike i kēia manawa, akā ho'i, 'a'ole ia he mea mōakaaka loa. No laila, i aha auane'i kā ke aupuni mea e ho'owalewale ai i nā kānaka ma ke koho pāloka? 'O ke kānāwai hou paha e pili ana i ka nui o ka pākeneka kekahi, a 'o ke kolamu e hō'ike ana i ka mana'o o nā 'ao'ao 'elua ma nā nīnau nui e pili ana i ka Hawai'i kekahi.
Nui nō ka hewa ma ka pae 'āina 'o Hawai'i nei. He mau ho'opa'apa'a e pili ana i ka pono o ke aupuni e la'a ka pono o nā iwi, ka palapala kila no ke kalo, ka pū'ali ka'a kaua stryker, a me nā hale hou ma Moloka'i ma Lā'au a pēlā wale aku. A 'o kekahi nīnau nui i 'ike 'ia aku nei, 'o ia nā haumāna Haole ma nā kula 'o Kamehameha. I ke komo 'ana mai o nā haumāna Haole i loko o ke kula 'o Kamehameha, 'a'ole i kana mai ka ukiuki o ka hapa nui o ka Hawai'i. I ia manawa, noho wale aku nei kekahi o ka po'e Hawai'i me ka mana'o, 'a'ole hiki ke 'alo a'e. 'O kā kekahi 'ao'ao, kū'ē ikaika lākou me ka mana'o, 'a'ole hiki i ia mau wahi keiki ke komo i ke kula i ho'oka'awale 'ia no nā haumāna koko Hawai'i. He ho'opa'apa'a nui nō ia, akā na'e, ho'okahi wale nō ia o nā mea he nui ma Hawai'i nei.
('A'ole i pau.)
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
'Auhea lä Nä Manakoho?
KAUAKUKALAHALE
Ka'aimalani Spencer
Synopsis: This column touches upon a select few of the many tough choices voters must go through to select a candidate.The emphasis on getting people interested in voting is of main concern.There are many variables in deciding: Who is right for Hawai'i?
Pehea ka mana'o o ka po'e o ke koho päloka 'ana a'e? Nani ka mana'o i loko o käkou i ke koho 'ana? 'A'ole paha. Pehea lä i 'emi ai ka nui o nä manakoho? Eia kekahi mau kumu: 'A'ole paha lawa ho'okahi koho wale nö i mea e loli ai ka hopena. Noho palaka iho nö kekahi mau känaka. A i 'ole, 'a'ohe wahi kanaka küpono e koho ai no ke külana kälai'äina, a me ia kumu aku, ia kumu aku. Inä pëlä, i aha auane'i kä käkou mea e hö'eu'eu ai i ka lehulehu i hele 'oko'a läkou i ke koho päloka? Pono paha e kau a'e kekahi känäwai hou. A 'o ka mana'o i häpai 'ia i këlä pule aku nei e pili ana i ka nui o ka päkeneka, he maika'i.
Ia'u nö a no'ono'o pono i ke kumu o ka hele käka'ikahi 'ana o nä po'e koho päloka, ulu wale iho nö këia i loko o'u, ke kali nei nö paha käkou 'o ka ikaika a'e o ka mana o ka manakoho. Pehea inä hö'ike möakaaka mau 'ia nä 'ao'ao 'elua a me ko läua mana'o pono'ï ma ke kïwï a me ka pünaewele puni honua. Akä na'e, pehea inä hö'ike 'ia ma nä nïnau nui e pili ana i ka Hawai'i. Hö'ike aku i nä 'ao'ao ma kekahi mau kolamu i mea e ho'ohälikelike ai nä känaka. A laila, hiki i nä po'e a pau ke koho i ke kanaka maika'i e koho ai no ka pono o Hawai'i nei. E 'ö'ili honua ana paha ka nui o nä maka'äinana i nä ke'ena koho päloka inä hana 'ia pëlä.
Eia ko'u mana'o ulu wale ke kü nei i loko o ko'u po'o. Loa'a nö kekahi mea ho'ohälikelike i këia manawa, akä ho'i, 'a'ole ia he mea möakaaka loa. No laila, i aha auane'i kä ke aupuni mea e ho'owalewale ai i nä känaka ma ke koho päloka? 'O ke känäwai hou paha e pili ana i ka nui o ka päkeneka kekahi, a 'o ke kolamu e hö'ike ana i ka mana'o o nä 'ao'ao 'elua ma nä nïnau nui e pili ana i ka Hawai'i kekahi.
Nui nö ka hewa ma ka pae 'äina 'o Hawai'i nei. He mau ho'opa'apa'a e pili ana i ka pono o ke aupuni e la'a ka pono o nä iwi, ka palapala kila no ke kalo, ka pü'ali ka'a kaua stryker, a me nä hale hou ma Moloka'i ma Lä'au a pëlä wale aku. A 'o kekahi nïnau nui i 'ike 'ia aku nei, 'o ia nä haumäna Haole ma nä kula 'o Kamehameha. I ke komo 'ana mai o nä haumäna Haole i loko o ke kula 'o Kamehameha, 'a'ole i kana mai ka ukiuki o ka hapa nui o ka Hawai'i. I ia manawa, noho wale aku nei kekahi o ka po'e Hawai'i me ka mana'o, 'a'ole hiki ke 'alo a'e. 'O kä kekahi 'ao'ao, kü'ë ikaika läkou me ka mana'o, 'a'ole hiki i ia mau wahi keiki ke komo i ke kula i ho'oka'awale 'ia no nä haumäna koko Hawai'i. He ho'opa'apa'a nui nö ia, akä na'e, ho'okahi wale nö ia o nä mea he nui ma Hawai'i nei.
('A'ole i pau.)
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|