Nei ke ōla'i!
Synopsis: Last Sunday's earthquake showed us how dependent we are on gas and electricity and how unprepared we are for such events.
Kerry Laiana Wong
Ia'u i ka ho'oipo 'ana me Niolopua i ke kēhau kakahiaka o kēlā Lāpule i ka'ahope aku nei, 'o ka nakeke honua ihola nō ia o ku'u wahi moe me ke kani kapalulu pū 'ana mai o kahi leo e wawalo ana i ka 'ohu noe o ke alo pali. 'A'ohe wahi 'ano o ka huahua'i a loa'a mai i ka puoho 'ana a'e o ia moe. He kūhulukū na'e ka loa'a no ka ho'omapopo 'ana ē he nāueue 'ana kā kēlā na ka honua pono'ī iho nō. He kau nō kā ho'i ka weli!
I ia manawa nō, ma ka hale o ko'u mau mākua hūnōwai, puka maila kahi hoa noho i waho o kona hale me ka hō'ā'ā 'ana mai o ka maka a me ke kāhea pū 'ana mai o ka leo ha'ina pōpilikia. Hele a mea, 'eā, he pōkā pahū nukelea kēlā i ho'olele 'ia mai e Kōlea mā. Pēlā 'i'o nō ko ia ala kuhi a kau ho'i kona weli. Aloha nō ke kuhi hewa!
'A'ole na'e e hiki ke ho'ohalahala. He nui a lehulehu nā kānaka i 'ike 'ole i ke 'ano maoli o ia ulia pōpilikia i kupu wale maila. Ua maopopo iā kākou i kēia manawa, akā, i ia manawa nō e nāueue ana ka honua a nakeke ana nā hale a me nā pono nō ho'i a pau o loko, 'o nā holoholona wale nō kai 'ike. He ōla'i kā ho'i kēlā! A ua 'ike 'ē nō ho'i lākou ma mua aku o kona ho'omaka 'ana.
Aloha nō ka na'aupō o kākou kānaka. Ma'a kākou i ka noho 'olu'olu ma ko kākou mau hale a i ke kalaiwa paha i ko kākou mau ka'a. 'O ka nui na'e o ko kākou kauka'i i ia mea he uila a me kona kōko'olua 'o ke kakalina, hemahema wale nō ka nohona ke nele i ka loa'a 'ole o ia mau mea. Pilikia maoli kekahi po'e i ka ua mea he mākaukau 'ole. 'Oi aku ka mākaukau o ka po'e nele hale e noho ana ma kahakai. I ka nei 'ana o ke ōla'i, 'a'ohe o lākou mea e nele ai. 'O kākou po'e mea hale na'e, 'o ia nō paha ka po'e nele.
Aloha nō ho'i kahi keiki mākaukau 'ole, 'o au. Ua emi loa ke kakalina o ke ka'a. 'A'ohe wahi kālā o ka pāisi kālā. 'A'ohe lēkiō. Noho wale nō au i ka hale, nānā i ke ki'i 'ele'ele a 'oni'oni 'ole. Laki nō au 'a'ole i pio ke kelepona pa'a lima. Pēlā i maopopo ai no ka hemo 'ana o kekahi mau halekū'ai. I ka hele 'ana na'e i ke kū'ai hau, wai, a me kekahi mau iho no nā kukui pa'a lima, 'ikea ka lālani kanaka e kakali ana 'o ke komo aku i loko. I nānā hou aku ka hana, aia kekahi kanaka e puka ana ma ka halekū'ai ua piha kona ka'a mākeke i nā pahu 'ōmole wai. Ma ia hope iho, lohe au ma ka lēkiō o ke ka'a no kekahi po'e e kū'ai ana i nā pahu 'ōmole wai no $15. He keu ke aloha 'ole o ka 'ānunu!
Eia mai na'e ka hūpō o nā hūpō. I ka Pō'akahi nei, ua hele a lē'ī nā halekū'ai, i ka nuku nā kānaka. E ho'olako ana lākou i nā mea e pono ai ke ola ke kupu hou mai kekahi pōpilikia. 'Eā, aia ka mākaukau a hana 'ia ma mua o ka wā pōpilikia!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Nei ke öla'i!
Synopsis: Last Sunday's earthquake showed us how dependent we are on gas and electricity and how unprepared we are for such events.
Kerry Laiana Wong
Ia'u i ka ho'oipo 'ana me Niolopua i ke këhau kakahiaka o këlä Läpule i ka'ahope aku nei, 'o ka nakeke honua ihola nö ia o ku'u wahi moe me ke kani kapalulu pü 'ana mai o kahi leo e wawalo ana i ka 'ohu noe o ke alo pali. 'A'ohe wahi 'ano o ka huahua'i a loa'a mai i ka puoho 'ana a'e o ia moe. He kühulukü na'e ka loa'a no ka ho'omapopo 'ana ë he näueue 'ana kä këlä na ka honua pono'ï iho nö. He kau nö kä ho'i ka weli!
I ia manawa nö, ma ka hale o ko'u mau mäkua hünöwai, puka maila kahi hoa noho i waho o kona hale me ka hö'ä'ä 'ana mai o ka maka a me ke kähea pü 'ana mai o ka leo ha'ina pöpilikia. Hele a mea, 'eä, he pökä pahü nukelea këlä i ho'olele 'ia mai e Kölea mä. Pëlä 'i'o nö ko ia ala kuhi a kau ho'i kona weli. Aloha nö ke kuhi hewa!
'A'ole na'e e hiki ke ho'ohalahala. He nui a lehulehu nä känaka i 'ike 'ole i ke 'ano maoli o ia ulia pöpilikia i kupu wale maila. Ua maopopo iä käkou i këia manawa, akä, i ia manawa nö e näueue ana ka honua a nakeke ana nä hale a me nä pono nö ho'i a pau o loko, 'o nä holoholona wale nö kai 'ike. He öla'i kä ho'i këlä! A ua 'ike 'ë nö ho'i läkou ma mua aku o kona ho'omaka 'ana.
Aloha nö ka na'aupö o käkou känaka. Ma'a käkou i ka noho 'olu'olu ma ko käkou mau hale a i ke kalaiwa paha i ko käkou mau ka'a. 'O ka nui na'e o ko käkou kauka'i i ia mea he uila a me kona köko'olua 'o ke kakalina, hemahema wale nö ka nohona ke nele i ka loa'a 'ole o ia mau mea. Pilikia maoli kekahi po'e i ka ua mea he mäkaukau 'ole. 'Oi aku ka mäkaukau o ka po'e nele hale e noho ana ma kahakai. I ka nei 'ana o ke öla'i, 'a'ohe o läkou mea e nele ai. 'O käkou po'e mea hale na'e, 'o ia nö paha ka po'e nele.
Aloha nö ho'i kahi keiki mäkaukau 'ole, 'o au. Ua emi loa ke kakalina o ke ka'a. 'A'ohe wahi kälä o ka päisi kälä. 'A'ohe lëkiö. Noho wale nö au i ka hale, nänä i ke ki'i 'ele'ele a 'oni'oni 'ole. Laki nö au 'a'ole i pio ke kelepona pa'a lima. Pëlä i maopopo ai no ka hemo 'ana o kekahi mau halekü'ai. I ka hele 'ana na'e i ke kü'ai hau, wai, a me kekahi mau iho no nä kukui pa'a lima, 'ikea ka lälani kanaka e kakali ana 'o ke komo aku i loko. I nänä hou aku ka hana, aia kekahi kanaka e puka ana ma ka halekü'ai ua piha kona ka'a mäkeke i nä pahu 'ömole wai. Ma ia hope iho, lohe au ma ka lëkiö o ke ka'a no kekahi po'e e kü'ai ana i nä pahu 'ömole wai no $15. He keu ke aloha 'ole o ka 'änunu!
Eia mai na'e ka hüpö o nä hüpö. I ka Pö'akahi nei, ua hele a lë'ï nä halekü'ai, i ka nuku nä känaka. E ho'olako ana läkou i nä mea e pono ai ke ola ke kupu hou mai kekahi pöpilikia. 'Eä, aia ka mäkaukau a hana 'ia ma mua o ka wä pöpilikia!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|
