He Aloha No Kawai Cockett
Synopsis: Kawai Cockett, one of Hawai'
i's finest singers of traditional Hawaiian music, died on Sept. 20.
Keawe Lopes
He wahi mea ho'omana'o kēia no Kawai Cockett. He kupa 'o ia no ia mokupuni kaulana iā Hina a hānau 'ia maila 'o ia i ka lā 24 o Kepakemapa m.h. 1938, na Francis me Carrie Ae'a Anderson, he mamo ali'i nō ho'i na Ka Mō'ī 'o Lili'uokalani. I kona wā i hānau 'ia ai, ua lawe hānai 'ia 'o Kawai Cockett e kona 'anakala, he hoa hānau 'o ia no kona makuakāne lūa'i. He mea ma'a mau ka ho'okani pila 'ana o nā kupa 'āina o Moloka'i, a me ia nō i 'a'apo koke mai ai ua Kawai nei i ka ho'okani pila 'ana. 'O ia kālena i loa'a iā ia, 'o ia nō ka mea i kaulana ai kēia pu'ukani i aloha nui 'ia.
I kona wā 'ōpio, ua 'ike 'ia nō kēia kālena i pa'a iā ia e nā kūpuna kaulana i ka ho'okani pila. 'O John Kamealoha Almeida kekahi o ia mau kūpuna, a ua lilo nō 'o Kawai Cockett i haumāna nāna. Eia nō ho'i nā inoa o nā kūpuna 'ē a'e, nā loea ho'i i kōkua iā Kawai Cockett i kona ho'okani pila 'ana: 'o Alice Namakelua, Katherine Maunakea, Hoakalei Kamau'u, Ma'iki Aiu-Lake, Sally Wood, Henry Pā a me George Holokai. Eia nō na'e, 'o Pauline Kekahuna kekahi o nā pu'ukani i hānai pono aku iā Kawai Cockett i kona wā e o'o mai ana ma kēia hanana. I ka m.h. 1969, ua pa'a maila kāna pāleo mua loa i kapa 'ia 'o Beautiful Kaua'i, 'o ia nō ho'i ka makahiki i launa ai Hawai'i a puni me ia. Mai ia manawa mai nō, kuku'i 'ia a'ela ka lono o nei Hawai'i kaulana i ka ho'okani pila a me ka hīmeni 'ana nō ho'i.
Nui ko mākou mahalo i kēia pu'ukani iā Kawai Cockett no kona kūpa'a i ka ho'okani 'ana i nā mele o ke au i hala a'e nei. No ia kumu i kono 'ia ai 'o ia i ka Ho'okani Mānoa. He 'ahamele ia e kāko'o 'ia nei e Ka Waihona o Ke Aloha, ka Mele Institute o Kawaihuelani, Ka Hālau 'Ōlelo Hawai'i o Ke Kula Nui o Hawai'i ma Mānoa. Ua hau'oli lua 'ole nō ho'i mākou i kona kipa 'ana mai i ka lā 26 o 'Aukake m.h. 2005 me ke kāko'o ho'i o Keoni lāua 'o Brandon Souza, kāna mau haumāna ho'okani pila. Nui nō ho'i ko mākou mahalo i kāna wahine 'o Kamala Cockett a me kāna keiki kāne 'o Ha'aheo Cockett i ka ho'oku'u 'ana mai i kā lāua mea aloha, e ho'okani pila no Ho'okani Mānoa.
Ua hala nō 'o Kawai Cockett i ka lā 20 o Kepakemapa. Ua lu'ulu'u maila Hanalei i ka ua nui a kaumaha ho'i i ka ua noe o Alaka'i, ua mau nō na'e 'o Beautiful Kaua'i ma o nei pu'u i ke kani mau loa.
He mele ho'oheno kēia no Kawai Cockett.
"Leo Kama'āina"
Na Keawe Lopes me Keoni Souza
Ua nahe maila e ka heahea
I 'olu ai nei loko
A he loko noho nō i ka 'olu
O ka lokomaika'i
Ua kipa, ua noho a ua nanea
I nei leo kama'āina
He leo hi'ipoi 'ia
O ka waipahē
Ha'aheo ia home pumehana
I ka Hakulani
Me he lā 'o ke kipa 'ana
I ka māla aloha
|
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
He Aloha No Kawai Cockett
Synopsis: Kawai Cockett, one of Hawai'
i's finest singers of traditional Hawaiian music, died on Sept. 20.
Keawe Lopes
He wahi mea ho'omana'o këia no Kawai Cockett. He kupa 'o ia no ia mokupuni kaulana iä Hina a hänau 'ia maila 'o ia i ka lä 24 o Kepakemapa m.h. 1938, na Francis me Carrie Ae'a Anderson, he mamo ali'i nö ho'i na Ka Mö'ï 'o Lili'uokalani. I kona wä i hänau 'ia ai, ua lawe hänai 'ia 'o Kawai Cockett e kona 'anakala, he hoa hänau 'o ia no kona makuakäne lüa'i. He mea ma'a mau ka ho'okani pila 'ana o nä kupa 'äina o Moloka'i, a me ia nö i 'a'apo koke mai ai ua Kawai nei i ka ho'okani pila 'ana. 'O ia kälena i loa'a iä ia, 'o ia nö ka mea i kaulana ai këia pu'ukani i aloha nui 'ia.
I kona wä 'öpio, ua 'ike 'ia nö këia kälena i pa'a iä ia e nä küpuna kaulana i ka ho'okani pila. 'O John Kamealoha Almeida kekahi o ia mau küpuna, a ua lilo nö 'o Kawai Cockett i haumäna näna. Eia nö ho'i nä inoa o nä küpuna 'ë a'e, nä loea ho'i i kökua iä Kawai Cockett i kona ho'okani pila 'ana: 'o Alice Namakelua, Katherine Maunakea, Hoakalei Kamau'u, Ma'iki Aiu-Lake, Sally Wood, Henry Pä a me George Holokai. Eia nö na'e, 'o Pauline Kekahuna kekahi o nä pu'ukani i hänai pono aku iä Kawai Cockett i kona wä e o'o mai ana ma këia hanana. I ka m.h. 1969, ua pa'a maila käna päleo mua loa i kapa 'ia 'o Beautiful Kaua'i, 'o ia nö ho'i ka makahiki i launa ai Hawai'i a puni me ia. Mai ia manawa mai nö, kuku'i 'ia a'ela ka lono o nei Hawai'i kaulana i ka ho'okani pila a me ka hïmeni 'ana nö ho'i.
Nui ko mäkou mahalo i këia pu'ukani iä Kawai Cockett no kona küpa'a i ka ho'okani 'ana i nä mele o ke au i hala a'e nei. No ia kumu i kono 'ia ai 'o ia i ka Ho'okani Mänoa. He 'ahamele ia e käko'o 'ia nei e Ka Waihona o Ke Aloha, ka Mele Institute o Kawaihuelani, Ka Hälau 'Ölelo Hawai'i o Ke Kula Nui o Hawai'i ma Mänoa. Ua hau'oli lua 'ole nö ho'i mäkou i kona kipa 'ana mai i ka lä 26 o 'Aukake m.h. 2005 me ke käko'o ho'i o Keoni läua 'o Brandon Souza, käna mau haumäna ho'okani pila. Nui nö ho'i ko mäkou mahalo i käna wahine 'o Kamala Cockett a me käna keiki käne 'o Ha'aheo Cockett i ka ho'oku'u 'ana mai i kä läua mea aloha, e ho'okani pila no Ho'okani Mänoa.
Ua hala nö 'o Kawai Cockett i ka lä 20 o Kepakemapa. Ua lu'ulu'u maila Hanalei i ka ua nui a kaumaha ho'i i ka ua noe o Alaka'i, ua mau nö na'e 'o Beautiful Kaua'i ma o nei pu'u i ke kani mau loa.
He mele ho'oheno këia no Kawai Cockett.
"Leo Kama'äina"
Na Keawe Lopes me Keoni Souza
Ua nahe maila e ka heahea
I 'olu ai nei loko
A he loko noho nö i ka 'olu
O ka lokomaika'i
Ua kipa, ua noho a ua nanea
I nei leo kama'äina
He leo hi'ipoi 'ia
O ka waipahë
Ha'aheo ia home pumehana
I ka Hakulani
Me he lä 'o ke kipa 'ana
I ka mäla aloha
|
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|