E Ao Hawai'i
Synopsis: Another example of why the phrase "military intelligence" qualifies as an oxymoron. The recent crash on the H-1 has provided a blueprint for terrorists who wish to wreak havoc here in Hawai'i. We are indeed eminently safer without a military presence.
Eia nō kākou ua hei i ka 'upena o ia mea he maka'u o hana haeweli 'ia mai auane'i e ko ka 'āina 'ē. 'O ka pū'ali koa 'Amelika na'e, ka mea i na'i mai i ke Aupuni Mō'ī Hawai'i a e kaena nei ho'i i kona ho'omalu 'ana iā kākou, 'o ia nō kā kākou e maka'u ai. Mai nō a mana'o mai ē he pōmaika'i ko lākou lā noho 'ana mai.
I kēia mau lā a kākou e maka'ala nei o loa'a i ka hana 'ino 'ia mai e ka po'e hana haeweli, ua loli ke 'ano o ka nohona. I kēia mau lā, ke maka'ala nei kākou e maka'ala wale ai nō! He mea maopopo, ua pāpā 'ia ka 'aila pale lā 'a'ole e lawe pū 'ia e ke kamahele ke 'e'e aku i luna o ka mokulele no ka hele 'ana i kona huaka'i māka'ika'i, akā, ua 'ae 'ia ke kauō 'ana a ka pū'ali koa i kahi kewe kopalā nunui ma ke alaloa, kahi e 'ulupā ai i ka uapo e kau mai ana ma luna. 'Auhea ka pōmaika'i? Na wai ho'i e 'ole ke kapa 'ia i ka hūpō ua 'ike 'o ia i kēlā uapo i mua ona a ua noke aku nō na'e i ke kalaiwa a ka ho'oku'i 'ana aku i ia mea? 'O Wa'awa'a Iki nō paha ka hoa like.
Ua 'ike like nō kākou i ka hopena o ia hana. 'O ka helele'i ho'i ia o ke kimeki a waiho mōkākī ma 'ō a ma 'ane'i o ke alaloa. A no ka maka'u o hā'ule 'oko'a auane'i ua uapo lā i luna o kekahi po'e e ho'i ana i ko lākou mau hale, ua ho'opa'a 'ia ke alaloa a pupū maila ka holo o nā ka'a. Ua hele a lē'ī Kohala i ka nuku nā kānaka e ho'omanawanui ana i ka lā wela nopu i nā kula o Hālawa. 'O ke ka'a pōulia, he holo pupū wale nō i ke alanui. 'Ehia mea aloha o ka ma'i! A 'o ka po'e nō ho'i e ka'anini ana i ka ua mea he pu'u ki'o a he pu'u mimi paha, aloha nō lākou! Aia ka hō'ea aku o kekahi po'e i ko lākou hale a huli ka i'a o ke kulu aumoe!
Inā pēlā ka hopena o ka hana a ka hūpō, e kau ka weli i ka hana a ka po'e e mana'o nei e hana 'ino iā kākou! Ho'okahi wale nō ho'opahū 'ana i kekahi uapo a pa'a loa nō nā ala ho'i aku a me nā ala hiki mai. Aia ko kākou holo 'ana i 'ō a i 'ane'i a he paikikala a he papa huila paha. Pēlā wale aku nō e hiki ai i ka hana a e ho'i ai i kauhale.
No laila, 'o ko kākou hopohopo 'ana i ka hana 'ino mai a ka po'e o waho, he hopohopo hewa nō paha ia. 'O ka hana a ka pū'ali koa 'Amelika ka mea e hopohopo ai. Inā he mana'o ko kekahi po'e hana haeweli e hana 'ino mai iā kākou, ua kupu mai nō ia mana'o ma muli o ka noho mai o ia pū'ali koa 'Amelika ma Hawai'i nei. 'A'ohe a kākou hana 'ino e pāna'i 'ia mai. Aia nō ko kākou kūlana palekana a ha'alele ua pū'ali koa lā a ha'alele pū me ke aupuni nāna ia i ho'ouna mai!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
E Ao Hawai'i
Synopsis: Another example of why the phrase "military intelligence" qualifies as an oxymoron. The recent crash on the H-1 has provided a blueprint for terrorists who wish to wreak havoc here in Hawai'i. We are indeed eminently safer without a military presence.
Eia nö käkou ua hei i ka 'upena o ia mea he maka'u o hana haeweli 'ia mai auane'i e ko ka 'äina 'ë. 'O ka pü'ali koa 'Amelika na'e, ka mea i na'i mai i ke Aupuni Mö'ï Hawai'i a e kaena nei ho'i i kona ho'omalu 'ana iä käkou, 'o ia nö kä käkou e maka'u ai. Mai nö a mana'o mai ë he pömaika'i ko läkou lä noho 'ana mai.
I këia mau lä a käkou e maka'ala nei o loa'a i ka hana 'ino 'ia mai e ka po'e hana haeweli, ua loli ke 'ano o ka nohona. I këia mau lä, ke maka'ala nei käkou e maka'ala wale ai nö! He mea maopopo, ua päpä 'ia ka 'aila pale lä 'a'ole e lawe pü 'ia e ke kamahele ke 'e'e aku i luna o ka mokulele no ka hele 'ana i kona huaka'i mäka'ika'i, akä, ua 'ae 'ia ke kauö 'ana a ka pü'ali koa i kahi kewe kopalä nunui ma ke alaloa, kahi e 'ulupä ai i ka uapo e kau mai ana ma luna. 'Auhea ka pömaika'i? Na wai ho'i e 'ole ke kapa 'ia i ka hüpö ua 'ike 'o ia i këlä uapo i mua ona a ua noke aku nö na'e i ke kalaiwa a ka ho'oku'i 'ana aku i ia mea? 'O Wa'awa'a Iki nö paha ka hoa like.
Ua 'ike like nö käkou i ka hopena o ia hana. 'O ka helele'i ho'i ia o ke kimeki a waiho mökäkï ma 'ö a ma 'ane'i o ke alaloa. A no ka maka'u o hä'ule 'oko'a auane'i ua uapo lä i luna o kekahi po'e e ho'i ana i ko läkou mau hale, ua ho'opa'a 'ia ke alaloa a pupü maila ka holo o nä ka'a. Ua hele a lë'ï Kohala i ka nuku nä känaka e ho'omanawanui ana i ka lä wela nopu i nä kula o Hälawa. 'O ke ka'a pöulia, he holo pupü wale nö i ke alanui. 'Ehia mea aloha o ka ma'i! A 'o ka po'e nö ho'i e ka'anini ana i ka ua mea he pu'u ki'o a he pu'u mimi paha, aloha nö läkou! Aia ka hö'ea aku o kekahi po'e i ko läkou hale a huli ka i'a o ke kulu aumoe!
Inä pëlä ka hopena o ka hana a ka hüpö, e kau ka weli i ka hana a ka po'e e mana'o nei e hana 'ino iä käkou! Ho'okahi wale nö ho'opahü 'ana i kekahi uapo a pa'a loa nö nä ala ho'i aku a me nä ala hiki mai. Aia ko käkou holo 'ana i 'ö a i 'ane'i a he paikikala a he papa huila paha. Pëlä wale aku nö e hiki ai i ka hana a e ho'i ai i kauhale.
No laila, 'o ko käkou hopohopo 'ana i ka hana 'ino mai a ka po'e o waho, he hopohopo hewa nö paha ia. 'O ka hana a ka pü'ali koa 'Amelika ka mea e hopohopo ai. Inä he mana'o ko kekahi po'e hana haeweli e hana 'ino mai iä käkou, ua kupu mai nö ia mana'o ma muli o ka noho mai o ia pü'ali koa 'Amelika ma Hawai'i nei. 'A'ohe a käkou hana 'ino e päna'i 'ia mai. Aia nö ko käkou külana palekana a ha'alele ua pü'ali koa lä a ha'alele pü me ke aupuni näna ia i ho'ouna mai!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|