He aloha no Haunani B.
Synopsis: The Hawaiian language community has lost another of its leaders. Haunani Bernardino, a well respected musician and Hawaiian language teacher, passed away last Sunday from cancer.
Aloha mai nō kākou e nā makamaka heluhelu o Kauakūkalahale. Ua ku'i mai nei ka lono ho'okaumaha no ka hā'ule 'ana o kekahi hoa makamaka o ka 'ōlelo Hawai'i, 'o ia nō 'o Haunani Bernardino, i hala aku nei i ke ao polohiwa a Kāne. Ke ho'ouna aku nei māua 'o Kekeha i ko māua aloha i ka 'ohana a me kona mau hoa he nui wale mai 'ō a 'ō o nēia pae'āina. Āhea ho'i e hala ai ka lu'ulu'u kaumaha o ka 'īnea?
He kumu 'ōlelo Hawai'i 'o Haunani no nā makahiki he nui. I ka makahiki 1973, ua hai 'ia 'o ia ma ke 'ano i kumu "lecturer" no nā papa 'ōlelo Hawai'i ma ke Kulanui o Hawai'i ma Mānoa. 'O ia lawelawe nō i ia kuleana a ha'alele iā Mānoa i ka makahiki 1990 no ka hele 'ana i Hilo. I kona wā i ha'alele ai, he kumu a'o (instructor) kona kūlana. Ma ia manawa mai a hiki nō i ka loa'a 'ana i ka ma'i, ua hana 'o ia ma ke Kulanui o Hawai'i ma Hilo, a ma ke 'ano ho'i he polopeka.
I loko nō o ia mau makahiki he nui o ke a'o 'ana i ka 'ōlelo Hawai'i ma Hilo, he lele aku nō a lele mai ma waena o Honolulu a me Hilo. I kāna mau papa nō a pau, e ho'i koke mai i Honolulu e mālama ai i kāna mau "keiki", 'o ia ho'i, kāna mau pōpoki. He wahine aloha nui 'o ia i nā pōpoki. I ko'u kipa 'ana i kona hale ma Liliha, ua 'ike maka nō wau i ka 'eu mai o ua mau keiki lā āna.
He wahine kālena nui i ka ho'okani pila a he pu'ukani kaulana nō ho'i. Nani kona akamai i ka ho'okani kīkā, a ua mākaukau nō ho'i i ka ho'okani piano. I nā makahiki ma mua o ka ne'e 'ana i Hilo, he lālā 'o ia no kahi hui himeni kaulana i kapa 'ia 'o Kaimana. 'O lāua nō me Haunani Apoliona. 'O Aaron Mahi ke kōko'okolu. A ma hope ona, ua komo 'o Eldon Akamine ma ia hui. He nahenahe nō nā leo o ia mau Haunani 'elua a ua himeni nō ma nā hale inu he nui o Honolulu. Ua hele a he mea ma'a ko lāua kapa 'ia ma nā inoa 'o Haunani A a me Haunani B.
He haku mele nō ho'i 'o ia, a wahi a ka ho'olaha a ka 'ohana, ua haku 'o Haunani B. i paukū hou no ke mele "Ho'onani i ka Makua Mau" (Doxology) me ka mana'o e himeni 'ia ma Mu'olaulani (Queen Lili'uokalani Children's center) ma ka Pō'alima no ka ho'omana'o 'ana i ka lā hānau o ka Mō'īwahine Lili'uokalani.
Wahi a ka 'ohana, he 'ekolu makahiki o ka ho'omanawanui 'ana i ka ma'i 'a'ai, a ua ho'omaka ka polapola 'ana mai, akā ua ho'omaka ho'i ka 'a'ai 'ia o ke ake pa'a a 'a'ole nō i hākālia, ua hala honua nō. Aloha ē! Aloha nō! Ua 'ike 'ia ka hala 'ana o ka hanauna kupuna, eia nō ke ho'omaka nei ka hala 'ana o nā mamo!
E mālama 'ia ana ka ho'olewa i ka lā 27 o Kepakemapa ma ka hale pule 'o Kawaiaha'o. E hele mai nā hoa kipa i ka hola 4:00 o ka 'auinalā a e ho'omaka ka ho'olewa i ka hola 5:30.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
He aloha no Haunani B.
Synopsis: The Hawaiian language community has lost another of its leaders. Haunani Bernardino, a well respected musician and Hawaiian language teacher, passed away last Sunday from cancer.
Aloha mai nö käkou e nä makamaka heluhelu o Kauakükalahale. Ua ku'i mai nei ka lono ho'okaumaha no ka hä'ule 'ana o kekahi hoa makamaka o ka 'ölelo Hawai'i, 'o ia nö 'o Haunani Bernardino, i hala aku nei i ke ao polohiwa a Käne. Ke ho'ouna aku nei mäua 'o Kekeha i ko mäua aloha i ka 'ohana a me kona mau hoa he nui wale mai 'ö a 'ö o nëia pae'äina. Ähea ho'i e hala ai ka lu'ulu'u kaumaha o ka 'ïnea?
He kumu 'ölelo Hawai'i 'o Haunani no nä makahiki he nui. I ka makahiki 1973, ua hai 'ia 'o ia ma ke 'ano i kumu "lecturer" no nä papa 'ölelo Hawai'i ma ke Kulanui o Hawai'i ma Mänoa. 'O ia lawelawe nö i ia kuleana a ha'alele iä Mänoa i ka makahiki 1990 no ka hele 'ana i Hilo. I kona wä i ha'alele ai, he kumu a'o (instructor) kona külana. Ma ia manawa mai a hiki nö i ka loa'a 'ana i ka ma'i, ua hana 'o ia ma ke Kulanui o Hawai'i ma Hilo, a ma ke 'ano ho'i he polopeka.
I loko nö o ia mau makahiki he nui o ke a'o 'ana i ka 'ölelo Hawai'i ma Hilo, he lele aku nö a lele mai ma waena o Honolulu a me Hilo. I käna mau papa nö a pau, e ho'i koke mai i Honolulu e mälama ai i käna mau "keiki", 'o ia ho'i, käna mau pöpoki. He wahine aloha nui 'o ia i nä pöpoki. I ko'u kipa 'ana i kona hale ma Liliha, ua 'ike maka nö wau i ka 'eu mai o ua mau keiki lä äna.
He wahine kälena nui i ka ho'okani pila a he pu'ukani kaulana nö ho'i. Nani kona akamai i ka ho'okani kïkä, a ua mäkaukau nö ho'i i ka ho'okani piano. I nä makahiki ma mua o ka ne'e 'ana i Hilo, he lälä 'o ia no kahi hui himeni kaulana i kapa 'ia 'o Kaimana. 'O läua nö me Haunani Apoliona. 'O Aaron Mahi ke köko'okolu. A ma hope ona, ua komo 'o Eldon Akamine ma ia hui. He nahenahe nö nä leo o ia mau Haunani 'elua a ua himeni nö ma nä hale inu he nui o Honolulu. Ua hele a he mea ma'a ko läua kapa 'ia ma nä inoa 'o Haunani A a me Haunani B.
He haku mele nö ho'i 'o ia, a wahi a ka ho'olaha a ka 'ohana, ua haku 'o Haunani B. i paukü hou no ke mele "Ho'onani i ka Makua Mau" (Doxology) me ka mana'o e himeni 'ia ma Mu'olaulani (Queen Lili'uokalani Children's center) ma ka Pö'alima no ka ho'omana'o 'ana i ka lä hänau o ka Mö'ïwahine Lili'uokalani.
Wahi a ka 'ohana, he 'ekolu makahiki o ka ho'omanawanui 'ana i ka ma'i 'a'ai, a ua ho'omaka ka polapola 'ana mai, akä ua ho'omaka ho'i ka 'a'ai 'ia o ke ake pa'a a 'a'ole nö i häkälia, ua hala honua nö. Aloha ë! Aloha nö! Ua 'ike 'ia ka hala 'ana o ka hanauna kupuna, eia nö ke ho'omaka nei ka hala 'ana o nä mamo!
E mälama 'ia ana ka ho'olewa i ka lä 27 o Kepakemapa ma ka hale pule 'o Kawaiaha'o. E hele mai nä hoa kipa i ka hola 4:00 o ka 'auinalä a e ho'omaka ka ho'olewa i ka hola 5:30.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|