Ho'okono i ka nui manu
Synopsis: Perhaps we should not only recruit teachers from America, but we should also recruit for the governor's position, senators, representatives and so forth.
Kekeha Solis
Aloha mai e nā makamaka heluhelu o Kauakūkalahale. Hau'oli ko'u na'au i ka heluhelu 'ana aku nei iā Kauakūkalahale o ka Lāpule i hala, 'o ia ho'i ke kolamu i kapa 'ia 'o "Ho'i ke Kōlea i Kahiki," kahi ho'i i nīnau mai ai ka mea kākau, "No ke aha i huli koke aku ai ko kākou nānā 'ana i ka 'āina haole e 'imi ai i ha'ina no kēia pilikia?" 'O ia paha kekahi o nā nīnau nui o Hawai'i nei. A ua mahalo 'ia ke akamai o ia mea kākau ma nā mea i hāpai 'ia ma ia kolamu, a e like ho'i me ka 'ōlelo a ke Ali'i Liholiho, "Na wai ho'i ka 'ole o ke akamai, he alanui i ma'a i ka hele 'ia e o'u mau mākua."
'O kahi mea minamina, 'a'ole he mea hou ka 'imi 'ana i nā kumu kula o nā 'āina 'ē, e hele mai i Hawai'i nei e a'o ai i kā kākou po'e keiki. I kēlā me kēia makahiki paha, kupu mai kēia pilikia, 'o ia ho'i, 'o ka pōkole o nā kumu o nā kula aupuni o kākou.
'Eā, inā i "hānai pono 'ia" nā 'ōpiopio o Hawai'i nei i nā makahiki pōkole i ka'a hope aku nei, me ka ho'owalewale 'ana e lilo i kumu kula, inā ua lawa pono nā kumu kula o Hawai'i nei. Akā me he mea lā, 'a'ohe paha 'ono o ka maunu e ho'ohana 'ia nei, e 'aki'aki ai ka i'a.
A ma ka pule nei i hala, noho ihola au me ka nūnēnūnē 'ana a'e no ka pono a me ka pono 'ole paha o ka 'imi 'ana a me ka hai 'ana paha i nā kumu kula o 'Amelika, e hele mai i Hawai'i nei, a e hana ma nā kula o nei pae 'āina ma ka lilo 'ana i kumu na nā keiki a kākou. A ma hope o kekahi mau hola pōkole wale nō, komo ihola ka mana'o i loko o kou mea kākau, he mea maika'i loa paha ia hana, ka 'imi 'ana i ko waho e ho'okō ai i ko kākou kuleana.
Akā, 'a'ole 'o nā kumu kula wale nō ke 'imi a hai 'ia, 'o ka hana kūpono paha, e 'imi 'ia ma nā 'āina 'ē he kia'āina no Hawai'i nei, 'a'ole kākou e koho mai loko mai o nā moho i noho a kupa ma nei pae 'āina. Pēia pū me nā kūlana kālai'āina 'ē aku, 'o ka luna maka'āinana 'oe, 'o ke kenekoa 'oe, 'o ia mau kūlana, 'oiai na nā kumu kula 'Amelika lākou i a'o.
'Eā, he kāka'ikahi wale nō nā manu 'ōiwi o Hawai'i nei i kēia manawa, ua nalowale ka nui, a he nui hewahewa ke Kōlea e 'ike 'ia nei ma Hawai'i a puni. Ke lilo nei paha 'o Hawai'i nei i 'āina hānau no ke Kōlea. A he mea kēia e kō koke ai ia mana'o.
A no laila, e 'imi kākou i nā kānaka no nā kūlana like 'ole o ke aupuni o Hawai'i ma 'Amelika. No ka mea, 'o ia paha ka mea e makemake 'ia nei.
'O ia ihola i lohe 'oukou. Me 'oukou ke aloha a me ka mahalo, e nā makamaka heluhelu, no ka ho'omanawanui 'ana i ka heluhelu i nā mana'o kuhihewa o ko 'oukou mea kākau. Eia nō ko Mānoa keiki ke ho'i aku nei. Ua ahiahi.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ho'okono i ka nui manu
Synopsis: Perhaps we should not only recruit teachers from America, but we should also recruit for the governor's position, senators, representatives and so forth.
Kekeha Solis
Aloha mai e nä makamaka heluhelu o Kauakükalahale. Hau'oli ko'u na'au i ka heluhelu 'ana aku nei iä Kauakükalahale o ka Läpule i hala, 'o ia ho'i ke kolamu i kapa 'ia 'o "Ho'i ke Kölea i Kahiki," kahi ho'i i nïnau mai ai ka mea käkau, "No ke aha i huli koke aku ai ko käkou nänä 'ana i ka 'äina haole e 'imi ai i ha'ina no këia pilikia?" 'O ia paha kekahi o nä nïnau nui o Hawai'i nei. A ua mahalo 'ia ke akamai o ia mea käkau ma nä mea i häpai 'ia ma ia kolamu, a e like ho'i me ka 'ölelo a ke Ali'i Liholiho, "Na wai ho'i ka 'ole o ke akamai, he alanui i ma'a i ka hele 'ia e o'u mau mäkua."
'O kahi mea minamina, 'a'ole he mea hou ka 'imi 'ana i nä kumu kula o nä 'äina 'ë, e hele mai i Hawai'i nei e a'o ai i kä käkou po'e keiki. I këlä me këia makahiki paha, kupu mai këia pilikia, 'o ia ho'i, 'o ka pökole o nä kumu o nä kula aupuni o käkou.
'Eä, inä i "hänai pono 'ia" nä 'öpiopio o Hawai'i nei i nä makahiki pökole i ka'a hope aku nei, me ka ho'owalewale 'ana e lilo i kumu kula, inä ua lawa pono nä kumu kula o Hawai'i nei. Akä me he mea lä, 'a'ohe paha 'ono o ka maunu e ho'ohana 'ia nei, e 'aki'aki ai ka i'a.
A ma ka pule nei i hala, noho ihola au me ka nünënünë 'ana a'e no ka pono a me ka pono 'ole paha o ka 'imi 'ana a me ka hai 'ana paha i nä kumu kula o 'Amelika, e hele mai i Hawai'i nei, a e hana ma nä kula o nei pae 'äina ma ka lilo 'ana i kumu na nä keiki a käkou. A ma hope o kekahi mau hola pökole wale nö, komo ihola ka mana'o i loko o kou mea käkau, he mea maika'i loa paha ia hana, ka 'imi 'ana i ko waho e ho'okö ai i ko käkou kuleana.
Akä, 'a'ole 'o nä kumu kula wale nö ke 'imi a hai 'ia, 'o ka hana küpono paha, e 'imi 'ia ma nä 'äina 'ë he kia'äina no Hawai'i nei, 'a'ole käkou e koho mai loko mai o nä moho i noho a kupa ma nei pae 'äina. Pëia pü me nä külana kälai'äina 'ë aku, 'o ka luna maka'äinana 'oe, 'o ke kenekoa 'oe, 'o ia mau külana, 'oiai na nä kumu kula 'Amelika läkou i a'o.
'Eä, he käka'ikahi wale nö nä manu 'öiwi o Hawai'i nei i këia manawa, ua nalowale ka nui, a he nui hewahewa ke Kölea e 'ike 'ia nei ma Hawai'i a puni. Ke lilo nei paha 'o Hawai'i nei i 'äina hänau no ke Kölea. A he mea këia e kö koke ai ia mana'o.
A no laila, e 'imi käkou i nä känaka no nä külana like 'ole o ke aupuni o Hawai'i ma 'Amelika. No ka mea, 'o ia paha ka mea e makemake 'ia nei.
'O ia ihola i lohe 'oukou. Me 'oukou ke aloha a me ka mahalo, e nä makamaka heluhelu, no ka ho'omanawanui 'ana i ka heluhelu i nä mana'o kuhihewa o ko 'oukou mea käkau. Eia nö ko Mänoa keiki ke ho'i aku nei. Ua ahiahi.
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|