Pūkini Palaoa me ka Pala'ai
Synopsis: This is a recipe for pumpkin-flavored bread pudding.
Lilinoe Wong
'Auhea 'oukou e nā makamaka heluhelu o Kauakūkalahale. Ua 'ono anei i ka pūkini palaoa? No'u iho, kela ku'u 'ono i ia mea. Ma nā hale 'aina kaulana o Honolulu nei, moni ku'u hā'ae i ke kā'alo 'ana mai o ke kuene e pa'a ana ua mea 'ono lā i ka lima. Ha'oha'o nō ko'u no'ono'o, "Pehea lā e hana ai i ia mea?"
I kekahi lā, hui pū au me kekahi wahine i pa'a iā ia ka lekapī no ka pūkini palaoa a kekahi o ua mau hale 'aina kaulana lā. Wahi āna, ua ho'ohiki 'o ia i ka mea nāna kēlā lekapī i hā'awi mai ē 'a'ole 'o ia e hā'awi aku iā ha'i. 'O ka mea 'āpiki na'e, 'a'ohe āna ho'ohiki e hana malū i 'ike 'ole ai ka maka o ha'i. A no laila, iā ia e ho'omākaukau ana i nā mea a pau, nānā pono aku nō ko'u maka a pa'a mai ke ka'ina hana a me nā mea ho'i e pono ai. A ma ia hope aku nō, 'o ka hana aku nō ia o ka lima a pa'a pono mai ia 'ike.
Mai kahiko mai nō kēia ha'awina i ku'u mai ai a ili ma luna o kākou nei. E nānā ka maka, pa'a ka waha, a hana ho'i ka lima! 'O ka'u wale nō i ho'ololi ai, 'o ia ka ho'okomo 'ana i ka pū pala'ai, a he 'ono 'oko'a nō ia! 'Oiai, 'a'ole he lekapī kai loa'a mai, eia nō au ke hō'ike wale aku nei i ka'u i 'ike maka ai.
Nā mea e pono ai:
Pūkini Palaoa me ka Pala'ai
1 1/2 kī'aha waiūpaka pa'akai 'ole (ma ka mehana lumi)
3 kī'aha kōpa'a
1 puna kī pa'akai
9 hua moa i pākā maka'ia
1 puna pākaukau wanila
1 puna pākaukau pauka pala'ai 'ala
3 paina waiū huipa (ma ka mehana lumi)
1 kini 'i'o pala'ai
1 'omo'omo palaoa palani i 'oki'oki 'ia ma nā pāpa'a he 1/2 'īniha
Pauka kinamona
Ke ka'ina hana:
E kahu i ka 'oma ma 400 kekelē ka wela. Kāwili pū i ka waiūpaka, ke kōpa'a, a me ka pa'akai ma loko o kekahi pola nui a loa'a mai he kalima i māmā a 'ae'ae ke 'ano. Kāwili i ka wanila me nā hua moa i pākā maka 'ia. Kāwili mālie i kahi hapa kolu o ia hua moa i loko o ke kalima 'ae'ae, a laila, kāwili mālie i ka waiū huipa i loko o ke kalima 'ae'ae. A hana hou aku nō.
'O ia hana nō a pau nā hua moa i ke kāwili pū 'ia me ke kalima 'ae'ae a me ka waiū huipa. He pūkini hua ke loa'a mai. Kāwili mālie i ka 'i'o pala'ai a me ka pauka pala'ai 'ala i loko o ka pūkini hua a loa'a mai he pūkini pala'ai hua.
E kī'o'e i kēia pūkini ma kekahi pā kini 'oma a kū mai he 1/2 'īniha ka hohonu. Kīpapa i nā pāpa'a palaoa ma loko o ka pūkini a pa'a 'o lalo o ka pā i ka palaoa. Kī'o'e hou i ka pūkini ma luna o nā pāpa'a palaoa a uhi pau 'ia, a laila, kāpī i ke kinamona. Hana hou a pau ka pūkini a me ka palaoa i ke kīpapa 'ia. E kau i ka pā kini i loko o kekahi pā kini i 'oi aku ka nui a i ninini 'ia i ka wai (i mea hākui ho'i). E uhi i ka pepa kini a pa'a.
E waiho 'ia i loko o ka 'oma no ho'okahi hola, a laila, e wehe i ka pepa kini a waiho hou no 15 minuke ma ka 425 kekelē, i pāpa'a ka 'ili o luna. A i ka mo'a maika'i 'ana mai, he 'ono nō a poina ka inoa!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Pükini Palaoa me ka Pala'ai
Synopsis: This is a recipe for pumpkin-flavored bread pudding.
Lilinoe Wong
'Auhea 'oukou e nä makamaka heluhelu o Kauakükalahale. Ua 'ono anei i ka pükini palaoa? No'u iho, kela ku'u 'ono i ia mea. Ma nä hale 'aina kaulana o Honolulu nei, moni ku'u hä'ae i ke kä'alo 'ana mai o ke kuene e pa'a ana ua mea 'ono lä i ka lima. Ha'oha'o nö ko'u no'ono'o, "Pehea lä e hana ai i ia mea?"
I kekahi lä, hui pü au me kekahi wahine i pa'a iä ia ka lekapï no ka pükini palaoa a kekahi o ua mau hale 'aina kaulana lä. Wahi äna, ua ho'ohiki 'o ia i ka mea näna këlä lekapï i hä'awi mai ë 'a'ole 'o ia e hä'awi aku iä ha'i. 'O ka mea 'äpiki na'e, 'a'ohe äna ho'ohiki e hana malü i 'ike 'ole ai ka maka o ha'i. A no laila, iä ia e ho'omäkaukau ana i nä mea a pau, nänä pono aku nö ko'u maka a pa'a mai ke ka'ina hana a me nä mea ho'i e pono ai. A ma ia hope aku nö, 'o ka hana aku nö ia o ka lima a pa'a pono mai ia 'ike.
Mai kahiko mai nö këia ha'awina i ku'u mai ai a ili ma luna o käkou nei. E nänä ka maka, pa'a ka waha, a hana ho'i ka lima! 'O ka'u wale nö i ho'ololi ai, 'o ia ka ho'okomo 'ana i ka pü pala'ai, a he 'ono 'oko'a nö ia! 'Oiai, 'a'ole he lekapï kai loa'a mai, eia nö au ke hö'ike wale aku nei i ka'u i 'ike maka ai.
Nä mea e pono ai:
Pükini Palaoa me ka Pala'ai
1 1/2 kï'aha waiüpaka pa'akai 'ole (ma ka mehana lumi)
3 kï'aha köpa'a
1 puna kï pa'akai
9 hua moa i päkä maka'ia
1 puna päkaukau wanila
1 puna päkaukau pauka pala'ai 'ala
3 paina waiü huipa (ma ka mehana lumi)
1 kini 'i'o pala'ai
1 'omo'omo palaoa palani i 'oki'oki 'ia ma nä päpa'a he 1/2 'ïniha
Pauka kinamona
Ke ka'ina hana:
E kahu i ka 'oma ma 400 kekelë ka wela. Käwili pü i ka waiüpaka, ke köpa'a, a me ka pa'akai ma loko o kekahi pola nui a loa'a mai he kalima i mämä a 'ae'ae ke 'ano. Käwili i ka wanila me nä hua moa i päkä maka 'ia. Käwili mälie i kahi hapa kolu o ia hua moa i loko o ke kalima 'ae'ae, a laila, käwili mälie i ka waiü huipa i loko o ke kalima 'ae'ae. A hana hou aku nö.
'O ia hana nö a pau nä hua moa i ke käwili pü 'ia me ke kalima 'ae'ae a me ka waiü huipa. He pükini hua ke loa'a mai. Käwili mälie i ka 'i'o pala'ai a me ka pauka pala'ai 'ala i loko o ka pükini hua a loa'a mai he pükini pala'ai hua.
E kï'o'e i këia pükini ma kekahi pä kini 'oma a kü mai he 1/2 'ïniha ka hohonu. Kïpapa i nä päpa'a palaoa ma loko o ka pükini a pa'a 'o lalo o ka pä i ka palaoa. Kï'o'e hou i ka pükini ma luna o nä päpa'a palaoa a uhi pau 'ia, a laila, käpï i ke kinamona. Hana hou a pau ka pükini a me ka palaoa i ke kïpapa 'ia. E kau i ka pä kini i loko o kekahi pä kini i 'oi aku ka nui a i ninini 'ia i ka wai (i mea häkui ho'i). E uhi i ka pepa kini a pa'a.
E waiho 'ia i loko o ka 'oma no ho'okahi hola, a laila, e wehe i ka pepa kini a waiho hou no 15 minuke ma ka 425 kekelë, i päpa'a ka 'ili o luna. A i ka mo'a maika'i 'ana mai, he 'ono nö a poina ka inoa!
This column is coordinated by the Hawaiian Language Department at the University of Hawai'i at Mānoa.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|