Kaka'a ka Pōhaku, Uliuli ka Lā'au

I ka hemo 'ana mai o ka lole wāwae o kahi Lopaka, ua kani a'ela ka leo ho'ōho o kamali'i me ke kuhikuhi pū aku o nā lima i kahi e 'ōku'u ana 'o Lopaka, "Ē! Ke ki'o nei ē! Ke ki'o nei ho'i! Auē ka ho'opailua ē! Kū nō ho'i ke pilo i ka māhanahana!"

I lohe aku ka hana o ua keiki nei i kēia 'ōlelo ho'ohenehene a kamali'i, pi'i a'ela ka 'ula i ka papālina o Lopaka. Nui kona hilahila 'a'ole ho'i o kana mai.

I ka pau 'ana o kāna hana, kū hou a'ela 'o Lopaka i luna a ho'omaka akula 'o ia e 'imi aku i mea hāleu ma ia wahi kokoke aku nō. I ka loa'a koke 'ole mai o kahi lau palupalu, lālau ihola 'o ia i kahi la'alā'au i mea hāleu.

I nānā aku ka hana o kamali'i a 'ike i ka pu'u lepo e waiho nei, ua 'ano 'ē kā ho'i ke 'ano. He 'ōma'oma'o ke kohu i ka nānā aku! Pēia ho'i ke kohu o ka lā'au hāleu!

Ho'omau akula ka 'ōlelo ho'ohenehene a kamali'i i ka 'ī 'ana aku, "Kupanaha! Kupanaha maoli nō! He kūkae 'ōma'oma'o!"

I ka lohe 'ia mai o kēia 'ōlelo, pi'i a'ela ka 'ula o ka 'ā'ī a pane akula 'o Lopaka ma ke 'ano 'ōlelo ho'ākāka, "'Eā, he laulau ka 'ai o ka pō nei. 'O ia ka hopena o ka 'ai 'ana i ka lū'au. He 'ōma'oma'o ke kūkae. 'A'ole 'oukou 'ike?"

I ia manawa, 'o ka puwalu pū a'ela nō ia o ke oli a mākou kamali'i i ka ho'ohenehene aku iā Lopaka, "Kaka'a ka pōhaku, uliuli ka lā'au! Kaka'a ka pōhaku, uliuli ka lā'au!"

A lohe 'ia kēia oli, kahu ihola ka 'ena i ka maka o Lopaka. Huki a'ela nō 'o ia i kona lole wāwae, a me ka lā'au hāleu e pa'a ana i ka lima, 'o kona alualu maila nō ia iā mākou kamali'i. I ia manawa nō, 'uā ka pihe o ko mākou leo, "Aīīīī! E holo e nā keiki! E māmā ho'i ka holo!"

'A'ole nō i li'uli'u ia alualu 'ana mai a Lopaka, ua 'ike 'ia ka māmā o ka holo o nā keiki nui. 'A'ole nō e loa'a mai iā Lopaka i ke alualu. No laila, ua huli akula kona holo 'ana a ho'omaka 'o ia e alualu i kekahi keiki li'ili'i a mālie ho'i o ka holo. 'O ia 'o Keoni, ke kaikaina o Lopaka.

'O ia alualu nō ia a Lopaka iā Keoni a hapa loa mai ka mamao e ka'awale ai lāua. I ia manawa nō, kiloi akula 'o Lopaka i ka lā'au i o Keoni lā. Lohe 'ia ke kani 'oē a ka lā'au e lele pokaka'a ana i ka lewa. Mea 'ole ka māmā o ka holo i mua o ko ka lele o ka lā'au a 'o ka pā maila nō ia o ke kua o Keoni i kahi po'o o ua lā'au nei i hāpala 'ia i ke kūkae.

Aloha nō kahi Keoni. 'Aohe ona pale'ili, a no laila, ua hele a hāpala 'ia ka 'ili o kona kua i ke kūkae 'ōma'oma'o. A no ka pōkole nō ho'i o kona mau lima, 'a'ohe ona mea e palepale ai a kāwele ai paha i ua pala kūkae nei.

'A'ohe mana'o menemene o mākou iā Keoni i ia manawa. Ua ho'ohenehene akula na'e iā ia i ke kapa 'ana aku iā ia i ka pala kūkae. Ho'omaka 'o ia e uē a 'o kona holo akula nō ia i ka hale. Aloha nō nā keiki li'ili'i o ia mau lā. 'A'ole lawa ka māmā o ka holo!

Pīpī holo ka'ao

Kaka'a ka Pöhaku, Uliuli ka Lä'au

I ka hemo 'ana mai o ka lole wäwae o kahi Lopaka, ua kani a'ela ka leo ho'öho o kamali'i me ke kuhikuhi pü aku o nä lima i kahi e 'öku'u ana 'o Lopaka, "Ë! Ke ki'o nei ë! Ke ki'o nei ho'i! Auë ka ho'opailua ë! Kü nö ho'i ke pilo i ka mähanahana!"

I lohe aku ka hana o ua keiki nei i këia 'ölelo ho'ohenehene a kamali'i, pi'i a'ela ka 'ula i ka papälina o Lopaka. Nui kona hilahila 'a'ole ho'i o kana mai.

I ka pau 'ana o käna hana, kü hou a'ela 'o Lopaka i luna a ho'omaka akula 'o ia e 'imi aku i mea häleu ma ia wahi kokoke aku nö. I ka loa'a koke 'ole mai o kahi lau palupalu, lälau ihola 'o ia i kahi la'alä'au i mea häleu.

I nänä aku ka hana o kamali'i a 'ike i ka pu'u lepo e waiho nei, ua 'ano 'ë kä ho'i ke 'ano. He 'öma'oma'o ke kohu i ka nänä aku! Pëia ho'i ke kohu o ka lä'au häleu!

Ho'omau akula ka 'ölelo ho'ohenehene a kamali'i i ka 'ï 'ana aku, "Kupanaha! Kupanaha maoli nö! He kükae 'öma'oma'o!"

I ka lohe 'ia mai o këia 'ölelo, pi'i a'ela ka 'ula o ka 'ä'ï a pane akula 'o Lopaka ma ke 'ano 'ölelo ho'äkäka, "'Eä, he laulau ka 'ai o ka pö nei. 'O ia ka hopena o ka 'ai 'ana i ka lü'au. He 'öma'oma'o ke kükae. 'A'ole 'oukou 'ike?"

I ia manawa, 'o ka puwalu pü a'ela nö ia o ke oli a mäkou kamali'i i ka ho'ohenehene aku iä Lopaka, "Kaka'a ka pöhaku, uliuli ka lä'au! Kaka'a ka pöhaku, uliuli ka lä'au!"

A lohe 'ia këia oli, kahu ihola ka 'ena i ka maka o Lopaka. Huki a'ela nö 'o ia i kona lole wäwae, a me ka lä'au häleu e pa'a ana i ka lima, 'o kona alualu maila nö ia iä mäkou kamali'i. I ia manawa nö, 'uä ka pihe o ko mäkou leo, "Aïïïï! E holo e nä keiki! E mämä ho'i ka holo!"

'A'ole nö i li'uli'u ia alualu 'ana mai a Lopaka, ua 'ike 'ia ka mämä o ka holo o nä keiki nui. 'A'ole nö e loa'a mai iä Lopaka i ke alualu. No laila, ua huli akula kona holo 'ana a ho'omaka 'o ia e alualu i kekahi keiki li'ili'i a mälie ho'i o ka holo. 'O ia 'o Keoni, ke kaikaina o Lopaka.

'O ia alualu nö ia a Lopaka iä Keoni a hapa loa mai ka mamao e ka'awale ai läua. I ia manawa nö, kiloi akula 'o Lopaka i ka lä'au i o Keoni lä. Lohe 'ia ke kani 'oë a ka lä'au e lele pokaka'a ana i ka lewa. Mea 'ole ka mämä o ka holo i mua o ko ka lele o ka lä'au a 'o ka pä maila nö ia o ke kua o Keoni i kahi po'o o ua lä'au nei i häpala 'ia i ke kükae.

Aloha nö kahi Keoni. 'Aohe ona pale'ili, a no laila, ua hele a häpala 'ia ka 'ili o kona kua i ke kükae 'öma'oma'o. A no ka pökole nö ho'i o kona mau lima, 'a'ohe ona mea e palepale ai a käwele ai paha i ua pala kükae nei.

'A'ohe mana'o menemene o mäkou iä Keoni i ia manawa. Ua ho'ohenehene akula na'e iä ia i ke kapa 'ana aku iä ia i ka pala kükae. Ho'omaka 'o ia e uë a 'o kona holo akula nö ia i ka hale. Aloha nö nä keiki li'ili'i o ia mau lä. 'A'ole lawa ka mämä o ka holo!

Pïpï holo ka'ao