'O Ka Manawa Nō Kēia...
Synopsis: Movies are all the same now, this is the time for us, as Hawaiians, to get into the various aspects of filmmaking and produce our own stories, whether in the Hawaiian language or not, with our own people.
'Auhea 'oukou e nā makamaka heluhelu mai ka lā puka i Makanoni a i kona welo 'ana i ka mole 'olu o Lehua.
'O ke po'omana'o e kau a'ela ma luna, e 'ike hou 'ia paha ma kēia hope aku, he mea paha ia kolamu e ho'olale aku iā kākou ma nā hana like 'ole. A ke lana nei ka mana'o o ko 'oukou mea kākau, e hiu aku nā kānaka hoihoi ma kahi 'oihana e kū nei i ka pilikia i kēia manawa.
A no laila, ke hō'ike 'ia aku nei i mua o ka lehulehu, 'o ka manawa nō kēia e komo ai kākou i ka 'oihana ki'i 'oni'oni. 'A'ole ma ke 'ano he kanaka hana keaka, 'o ia wale nō, akā, ma ka haku ki'i 'oni'oni, a ma ke 'ano he po'o no ke ki'i 'oni'oni a me ia 'oihana aku ia 'oihana aku e pili ana i ka hana ki'i 'oni'oni.
'O kahi mea i ulu ai kēia mana'o i loko o ko 'oukou mea kākau, 'o ia ko'u nānā 'ana aku nei i kekahi mau ki'i 'oni'oni i nā pule i ka'a hope aku nei, a ua kū'aki nō au i ia mau ki'i 'oni'oni, me ka 'ōlelo 'ana aku, he ho'opau kālā wale nō ia.
'O kahi ki'i 'oni'oni a ko 'oukou mea kākau i nānā aku ai 'o ia 'o Mikiona Hiki 'Ole III, 'o ia ho'i 'o MI 3, a 'a'ohe wahi mea a ulu o ka hoi. Mai hiamoe nō ka maka i ka nānā 'ana aku, a ke 'ole au e kuhihewa, lohe 'ia kahi ihu i ka nonō 'ana. 'Eā, e aho ka ho'olimalima 'ana i ka DVD o ka mua, 'o Mikiona Hiki 'Ole. E nānā 'ia paha ka mua he 3 manawa, a i ke kolu o ka manawa, 'oi aku ana ka hoihoi ma mua o "MI 3."
A 'o kekahi ki'i 'oni'oni i nānā 'ia aku nei, ma ke pā DVD na'e, 'o ia 'o Firewall. Ua 'ike 'ia 'o Harrison Ford ma ia hana like, he mau manawa, 'a'ole paha e pau i ka helu. Ua hele a manakā.
A ma muli o ke kūlana hoihoi 'ole o kēia mau ki'i 'oni'oni, ke mana'o nei ko 'oukou mea kākau, 'o ka wā nō kēia e komo aku ai kākou i loko o nā 'oihana ki'i 'oni'oni, a i 'ole ia, e paipai aku ai i nā 'ohana, nā hoa a me nā keiki e komo aku, a e hana 'ia paha kahi mau mo'olelo o kākou, nā mo'olelo mai nā kūpuna mai paha, he nui lehulehu ia mau mo'olelo, a e ulu nō ka hoi o nā kānaka puni ki'i 'oni'oni ke nānā aku.
A he mea 'ole ka 'ōlelo e puka ana, ma ka 'ōlelo Hawai'i paha, e aho ia, no ka mea, hele nui nā kānaka e nānā iā Crouching Tiger Hidden Dragon, 'a'ole i pilikia i ka heluhelu 'ana ma ka 'ōlelo haole.
Ma o ia hana e lohe 'ia ai paha nā leo o ko kākou mau kūpuna, a me ko kākou mau leo kekahi, a e a'o 'ia ai ho'i ko kākou mau mo'olelo e nā kānaka a puni ke ao nei.
['O ka wā nō ho'i kēia e mahalo aku ai iā 'oe e 'Anakala Walter Ritte a me nā kānaka a pau i huliamahi ma ke kū'ē 'ana aku i ka palapala ho'okuleana ma ke kalo. Ma muli o ko 'oukou 'eleu ma ka hana i ho'opau 'ia ai ia mana'o kohu 'ole o ke kula nui o Hawai'i. Ola 'o Hāloa!]
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
'O Ka Manawa Nö Këia...
Synopsis: Movies are all the same now, this is the time for us, as Hawaiians, to get into the various aspects of filmmaking and produce our own stories, whether in the Hawaiian language or not, with our own people.
'Auhea 'oukou e nä makamaka heluhelu mai ka lä puka i Makanoni a i kona welo 'ana i ka mole 'olu o Lehua.
'O ke po'omana'o e kau a'ela ma luna, e 'ike hou 'ia paha ma këia hope aku, he mea paha ia kolamu e ho'olale aku iä käkou ma nä hana like 'ole. A ke lana nei ka mana'o o ko 'oukou mea käkau, e hiu aku nä känaka hoihoi ma kahi 'oihana e kü nei i ka pilikia i këia manawa.
A no laila, ke hö'ike 'ia aku nei i mua o ka lehulehu, 'o ka manawa nö këia e komo ai käkou i ka 'oihana ki'i 'oni'oni. 'A'ole ma ke 'ano he kanaka hana keaka, 'o ia wale nö, akä, ma ka haku ki'i 'oni'oni, a ma ke 'ano he po'o no ke ki'i 'oni'oni a me ia 'oihana aku ia 'oihana aku e pili ana i ka hana ki'i 'oni'oni.
'O kahi mea i ulu ai këia mana'o i loko o ko 'oukou mea käkau, 'o ia ko'u nänä 'ana aku nei i kekahi mau ki'i 'oni'oni i nä pule i ka'a hope aku nei, a ua kü'aki nö au i ia mau ki'i 'oni'oni, me ka 'ölelo 'ana aku, he ho'opau kälä wale nö ia.
'O kahi ki'i 'oni'oni a ko 'oukou mea käkau i nänä aku ai 'o ia 'o Mikiona Hiki 'Ole III, 'o ia ho'i 'o MI 3, a 'a'ohe wahi mea a ulu o ka hoi. Mai hiamoe nö ka maka i ka nänä 'ana aku, a ke 'ole au e kuhihewa, lohe 'ia kahi ihu i ka nonö 'ana. 'Eä, e aho ka ho'olimalima 'ana i ka DVD o ka mua, 'o Mikiona Hiki 'Ole. E nänä 'ia paha ka mua he 3 manawa, a i ke kolu o ka manawa, 'oi aku ana ka hoihoi ma mua o "MI 3."
A 'o kekahi ki'i 'oni'oni i nänä 'ia aku nei, ma ke pä DVD na'e, 'o ia 'o Firewall. Ua 'ike 'ia 'o Harrison Ford ma ia hana like, he mau manawa, 'a'ole paha e pau i ka helu. Ua hele a manakä.
A ma muli o ke külana hoihoi 'ole o këia mau ki'i 'oni'oni, ke mana'o nei ko 'oukou mea käkau, 'o ka wä nö këia e komo aku ai käkou i loko o nä 'oihana ki'i 'oni'oni, a i 'ole ia, e paipai aku ai i nä 'ohana, nä hoa a me nä keiki e komo aku, a e hana 'ia paha kahi mau mo'olelo o käkou, nä mo'olelo mai nä küpuna mai paha, he nui lehulehu ia mau mo'olelo, a e ulu nö ka hoi o nä känaka puni ki'i 'oni'oni ke nänä aku.
A he mea 'ole ka 'ölelo e puka ana, ma ka 'ölelo Hawai'i paha, e aho ia, no ka mea, hele nui nä känaka e nänä iä Crouching Tiger Hidden Dragon, 'a'ole i pilikia i ka heluhelu 'ana ma ka 'ölelo haole.
Ma o ia hana e lohe 'ia ai paha nä leo o ko käkou mau küpuna, a me ko käkou mau leo kekahi, a e a'o 'ia ai ho'i ko käkou mau mo'olelo e nä känaka a puni ke ao nei.
['O ka wä nö ho'i këia e mahalo aku ai iä 'oe e 'Anakala Walter Ritte a me nä känaka a pau i huliamahi ma ke kü'ë 'ana aku i ka palapala ho'okuleana ma ke kalo. Ma muli o ko 'oukou 'eleu ma ka hana i ho'opau 'ia ai ia mana'o kohu 'ole o ke kula nui o Hawai'i. Ola 'o Häloa!]
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|
