No John Ka'imikaua Ke Aloha
Synopsis: The passing of kumu hula John Ka'
imikaua, a man dearly loved by his family, friends, students and acquitances.
Aloha e nā makamaka heluhelu mai ka lā hiki a ka lā kau. A me ke aloha nō kou mea kākau e hō'ike aku nei i kahi lono e kaumaha ai ka na'au. Ua ho'i akula 'o John Ka'imikaua i ka hiamoe kapu o Niolopua i ka Pō'akolu nei.
He wā pōkole wale nō kona noho 'ana me kākou ma kēia ao nei, he 47 makahiki, a hele akula i ke ala ho'i 'ole mai, ua nui nō na'e nā kānaka i pōmaika'i i ka launa pū me ia a pēia pū me nā mea āna i a'o mai ai e pili ana i nā mea kahiko, nā mea o kēia au e holo nei, a me nā mea like 'ole.
A i loko o ia wā pōkole wale nō, ua nui nō ho'i kāna mau hana e mau ai ka hula a me nā oli o Moloka'i. Na Ka-wahine-kapu-hele-i-kapō-Kāne i a'o iā ia i nā hula, nā mo'olelo a me nā oli o ia mokupuni, a ua pa'a ka mana'o o John e ho'omau i ia 'ike e like loa me ka mea i a'o 'ia iā ia. 'A'ole i loli iki kekahi mea.
'O kēia kanaka nui o ke aloha, he kumu hula 'o ia. A 'o Hālau Hula o Kukunaokalā ka inoa o kona hālau, a he 'elua māhele, 'o kekahi, aia ma O'ahu nei, a ma laila i kupu mai ai i ka makahiki 1977 a ua ulu nō a uluwehi. A 'o kekahi, aia ma Moloka'i.
A ma muli o ka nui o kona 'ike ma nā mo'olelo Hawai'i a 'ike Hawai'i, noi pinepine 'ia 'o ia e ha'i 'ōlelo ma nā kumuhana like 'ole i mea e a'o 'ia ai nā kānaka.
He haku mele nō ho'i 'o John, a ua nui loa nā mele nani āna i haku ai. A he leo nahenahe nō ho'i kona. A he ho'okahi āna CD, kahi e lohe 'ia ai nā mo'olelo o Moloka'i, nā mo'olelo e pili ana iā ia, a me nā mo'olelo e pili ana i ka hālau, a 'o ka mea nui, 'o kona aloha a me ka mo'olelo Hawai'i, ua wili pū 'ia.
Ua ha'alele mai 'o John i hope nei, i kāna wahine aloha, 'o Ka'oi, kā lāua kaikamahine hānai, 'o Kianna Mae, kona kaikua'ana, Kevin, a me kona mau kaikuāhine, 'o Mona Pacheco a me Johnelle Ka'imikaua. A ha'alele pū i ka hālau, ua like ia me ka 'ohana, nui ke aloha. A 'o ia kahi mea a kou mea kākou e ho'omana'o nei, 'o ia ke aloha a me ka lōkahi o ia hālau, me he 'ohana lā. Me 'oukou e ka 'ohana a me ka hālau, ko māua aloha i loko o kēia wā kūmākena.
E mālama 'ia ana i ka lā 19 o Iune, kona anaina ho'olewa ma O'ahu nei ma ka Makakilo Stake Center o ka Ho'omana o Iesu Kristo o nā Po'e Ho'āno o nā Lā Hope Nei. Ho'omaka ke kipa 'ana aku i ka hola 8:00 o ke kakahiaka a i ka hola 12:00. A ho'omaka ke anaina ho'olewa i ka hola 1:00. A ma Moloka'i ana nō ho'i e mālama 'ia ai kekahi anaina ho'olewa ma ka lā 21 o Iune ma ka hale pule o ka Ho'omana o Iesu Kristo o nā Po'e Ho'āno o nā Lā Hope Nei. Ho'omaka i ka hola 8:00 o ke kakahiaka.
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
No John Ka'imikaua Ke Aloha
Synopsis: The passing of kumu hula John Ka'
imikaua, a man dearly loved by his family, friends, students and acquitances.
Aloha e nä makamaka heluhelu mai ka lä hiki a ka lä kau. A me ke aloha nö kou mea käkau e hö'ike aku nei i kahi lono e kaumaha ai ka na'au. Ua ho'i akula 'o John Ka'imikaua i ka hiamoe kapu o Niolopua i ka Pö'akolu nei.
He wä pökole wale nö kona noho 'ana me käkou ma këia ao nei, he 47 makahiki, a hele akula i ke ala ho'i 'ole mai, ua nui nö na'e nä känaka i pömaika'i i ka launa pü me ia a pëia pü me nä mea äna i a'o mai ai e pili ana i nä mea kahiko, nä mea o këia au e holo nei, a me nä mea like 'ole.
A i loko o ia wä pökole wale nö, ua nui nö ho'i käna mau hana e mau ai ka hula a me nä oli o Moloka'i. Na Ka-wahine-kapu-hele-i-kapö-Käne i a'o iä ia i nä hula, nä mo'olelo a me nä oli o ia mokupuni, a ua pa'a ka mana'o o John e ho'omau i ia 'ike e like loa me ka mea i a'o 'ia iä ia. 'A'ole i loli iki kekahi mea.
'O këia kanaka nui o ke aloha, he kumu hula 'o ia. A 'o Hälau Hula o Kukunaokalä ka inoa o kona hälau, a he 'elua mähele, 'o kekahi, aia ma O'ahu nei, a ma laila i kupu mai ai i ka makahiki 1977 a ua ulu nö a uluwehi. A 'o kekahi, aia ma Moloka'i.
A ma muli o ka nui o kona 'ike ma nä mo'olelo Hawai'i a 'ike Hawai'i, noi pinepine 'ia 'o ia e ha'i 'ölelo ma nä kumuhana like 'ole i mea e a'o 'ia ai nä känaka.
He haku mele nö ho'i 'o John, a ua nui loa nä mele nani äna i haku ai. A he leo nahenahe nö ho'i kona. A he ho'okahi äna CD, kahi e lohe 'ia ai nä mo'olelo o Moloka'i, nä mo'olelo e pili ana iä ia, a me nä mo'olelo e pili ana i ka hälau, a 'o ka mea nui, 'o kona aloha a me ka mo'olelo Hawai'i, ua wili pü 'ia.
Ua ha'alele mai 'o John i hope nei, i käna wahine aloha, 'o Ka'oi, kä läua kaikamahine hänai, 'o Kianna Mae, kona kaikua'ana, Kevin, a me kona mau kaikuähine, 'o Mona Pacheco a me Johnelle Ka'imikaua. A ha'alele pü i ka hälau, ua like ia me ka 'ohana, nui ke aloha. A 'o ia kahi mea a kou mea käkou e ho'omana'o nei, 'o ia ke aloha a me ka lökahi o ia hälau, me he 'ohana lä. Me 'oukou e ka 'ohana a me ka hälau, ko mäua aloha i loko o këia wä kümäkena.
E mälama 'ia ana i ka lä 19 o Iune, kona anaina ho'olewa ma O'ahu nei ma ka Makakilo Stake Center o ka Ho'omana o Iesu Kristo o nä Po'e Ho'äno o nä Lä Hope Nei. Ho'omaka ke kipa 'ana aku i ka hola 8:00 o ke kakahiaka a i ka hola 12:00. A ho'omaka ke anaina ho'olewa i ka hola 1:00. A ma Moloka'i ana nö ho'i e mälama 'ia ai kekahi anaina ho'olewa ma ka lä 21 o Iune ma ka hale pule o ka Ho'omana o Iesu Kristo o nä Po'e Ho'äno o nä Lä Hope Nei. Ho'omaka i ka hola 8:00 o ke kakahiaka.
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|