Nou Ke Aloha E Nakila
Synopsis: Admiration for Richard Dwayne Nakila Steele who recently passed. And a song composed for him by Ka'
upena Wong.
I ka lā 19 iho nei o 'Apelila, ua hala akula i ke ala ho'i 'ole mai 'o Richard Dwayne Nakila Steele ma kona hale, 'o Awaiaulu, ma Nu'uanu, O'ahu. He kanaka āiwaiwa 'o ia ma kāna 'oihana iho nō, 'o ke kīpapa alanui ma Grace Pacific Corp., a lilo 'o ia i pou hana ma ke kaiāulu ākea o Hawai'i nei, a ma ka ho'oholomua 'ana i ke kūlana o ka po'e Hawai'i a me ka 'ike Hawai'i. He haumana 'ōlelo Sāmoa 'o Nakila ma Mānoa i ko'u launa mua 'ana me ia, a komo auane'i 'o ia i nā papa 'ōlelo Hawai'i o laila, kahi i ulu nui ai a māhuahua kona aloha no ka 'ōlelo Hawai'i, no ka mo'olelo kahiko o ka 'āina a no ka po'e Hawai'i o kēia lā me ka lā o mua a'e nei. No iwakālua makahiki 'o ia i kū ai i pou hana ma ke kaiāulu Hawai'i.
He hoa kāko'o kūpa'a 'o Nakila i ka 'ōlelo Hawai'i ma nā 'ano like 'ole he nui a manomano. Nāna i ho'ōla hou iā Ka Leo Hawai'i mai ka makahiki 1989-2002, ua ho'o-kahua a ho'olako i nā 'oihana pa'i puke a me nā papahana ho'ona'auao ma o ka 'Ahahui 'Ōlelo Hawai'i, ka 'Aha Pūnana Leo me Awaiaulu, a nāna ho'i i ho'okino mai i ke Kula Ni'ihau ma Kaua'i a ho'okahua mai ka papahana nūpepa, 'o Ho'olaupa'i. 'A'ole hiki ke helu papa 'ia ka nui o kāna mau hana kāko'o, 'oiai he nui hewahewa ka helu o ia mau hana maika'i āna i hana mau ai me ka hō'ike 'ole 'ia o kona inoa. 'O ka hopena maika'i kāna pahuhopu i ka manawa a pau, 'a'ole loa 'o ia 'imi i ka mahalo iā ia iho.
'O ka mea kūpaianaha no ia kanaka, 'a'ole 'o ia i lū kālā wale aku i ka hana maika'i, ua komo pū 'o iala i ka hana i ho'okō 'ia ai ka pahuhopu a ho'oholomua 'ia ka papahana, pū nō me ka po'e limahana. He mea noi'i 'o ia, a ua kikokiko palapala, loihape, kaha 'ōlelo, noi'i, unuhi, ho'oponopono, halihali pono hana a pēlā aku, e kū mau ana me ka mākaukau e hana i ka mea e pono ai. He mahalo palena 'ole ko kākou i kēia hoa pili i pōmaika'i ai kākou a me nā hanauna o mua a'e nei.
Eia iho nei kekahi mele no Nakila i haku 'ia ma ke 'ano he hō'ike aloha e Ka'upena Wong:
"Nana ihola ke Akua i na mea a pau ana i hana'i, aia hoi, ua maikai wale no." (Kinohi 1:31)
Ua nani 'o Nu'uanu i ka malu a la'i,
Hō'olu 'ia e ka ua noe koko'ula.
Aloha a'e ka mana'o, hali'a aloha,
He kanaka lokomaika'i, aloha 'ia.
'O R. Dwayne Nakila Steele kona inoa.
Mahalo 'ia e nā mea apau,
I nānā i "nā hana kū i ke aloha."
Ua hala akula 'o ia, ka hoaloha,
Ua hele ia i ke ala ho'i 'ole mai,
'O kona mau hoa, ka pono a me ka pololei
Ua hele ia, hele i ka 'Aumakua.
' ihola ka Haku: "Mai hoo-kaumahaia ko oukou naau."
"Ma ka hale o ko'u Makua he nui loa na wahi e noho ai."
"Ke hele aku nei au e hoomakaukau i wahi no oukou."
(Ioane XIV:1, 2)
Aloha 'oe, e Nakila, aloha, aloha nō.
Ka'upena Wong
'Apelila 2006
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Nou Ke Aloha E Nakila
Synopsis: Admiration for Richard Dwayne Nakila Steele who recently passed. And a song composed for him by Ka'
upena Wong.
I ka lä 19 iho nei o 'Apelila, ua hala akula i ke ala ho'i 'ole mai 'o Richard Dwayne Nakila Steele ma kona hale, 'o Awaiaulu, ma Nu'uanu, O'ahu. He kanaka äiwaiwa 'o ia ma käna 'oihana iho nö, 'o ke kïpapa alanui ma Grace Pacific Corp., a lilo 'o ia i pou hana ma ke kaiäulu äkea o Hawai'i nei, a ma ka ho'oholomua 'ana i ke külana o ka po'e Hawai'i a me ka 'ike Hawai'i. He haumana 'ölelo Sämoa 'o Nakila ma Mänoa i ko'u launa mua 'ana me ia, a komo auane'i 'o ia i nä papa 'ölelo Hawai'i o laila, kahi i ulu nui ai a mähuahua kona aloha no ka 'ölelo Hawai'i, no ka mo'olelo kahiko o ka 'äina a no ka po'e Hawai'i o këia lä me ka lä o mua a'e nei. No iwakälua makahiki 'o ia i kü ai i pou hana ma ke kaiäulu Hawai'i.
He hoa käko'o küpa'a 'o Nakila i ka 'ölelo Hawai'i ma nä 'ano like 'ole he nui a manomano. Näna i ho'öla hou iä Ka Leo Hawai'i mai ka makahiki 1989-2002, ua ho'o-kahua a ho'olako i nä 'oihana pa'i puke a me nä papahana ho'ona'auao ma o ka 'Ahahui 'Ölelo Hawai'i, ka 'Aha Pünana Leo me Awaiaulu, a näna ho'i i ho'okino mai i ke Kula Ni'ihau ma Kaua'i a ho'okahua mai ka papahana nüpepa, 'o Ho'olaupa'i. 'A'ole hiki ke helu papa 'ia ka nui o käna mau hana käko'o, 'oiai he nui hewahewa ka helu o ia mau hana maika'i äna i hana mau ai me ka hö'ike 'ole 'ia o kona inoa. 'O ka hopena maika'i käna pahuhopu i ka manawa a pau, 'a'ole loa 'o ia 'imi i ka mahalo iä ia iho.
'O ka mea küpaianaha no ia kanaka, 'a'ole 'o ia i lü kälä wale aku i ka hana maika'i, ua komo pü 'o iala i ka hana i ho'okö 'ia ai ka pahuhopu a ho'oholomua 'ia ka papahana, pü nö me ka po'e limahana. He mea noi'i 'o ia, a ua kikokiko palapala, loihape, kaha 'ölelo, noi'i, unuhi, ho'oponopono, halihali pono hana a pëlä aku, e kü mau ana me ka mäkaukau e hana i ka mea e pono ai. He mahalo palena 'ole ko käkou i këia hoa pili i pömaika'i ai käkou a me nä hanauna o mua a'e nei.
Eia iho nei kekahi mele no Nakila i haku 'ia ma ke 'ano he hö'ike aloha e Ka'upena Wong:
"Nana ihola ke Akua i na mea a pau ana i hana'i, aia hoi, ua maikai wale no." (Kinohi 1:31)
Ua nani 'o Nu'uanu i ka malu a la'i,
Hö'olu 'ia e ka ua noe koko'ula.
Aloha a'e ka mana'o, hali'a aloha,
He kanaka lokomaika'i, aloha 'ia.
'O R. Dwayne Nakila Steele kona inoa.
Mahalo 'ia e nä mea apau,
I nänä i "nä hana kü i ke aloha."
Ua hala akula 'o ia, ka hoaloha,
Ua hele ia i ke ala ho'i 'ole mai,
'O kona mau hoa, ka pono a me ka pololei
Ua hele ia, hele i ka 'Aumakua.
' ihola ka Haku: "Mai hoo-kaumahaia ko oukou naau."
"Ma ka hale o ko'u Makua he nui loa na wahi e noho ai."
"Ke hele aku nei au e hoomakaukau i wahi no oukou."
(Ioane XIV:1, 2)
Aloha 'oe, e Nakila, aloha, aloha nö.
Ka'upena Wong
'Apelila 2006
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|