He aloha no Nakila
Synopsis: A mele in rememberance of the recently departed and beloved Dwayne Nakila Steele.
He Hali'a Aloha No Dwayne Nakila Steele
He kanikau aloha, he minamina, he hali'a iā 'oe
E Nakila, e ka pou hana o kauhale nei
Ua nalohia aku, ua niau palanehe a'ela
I ke ala 'ula a Kāne 'oe i ke'eke'ehi aku ai
'Ehu'ehu 'o hope nei i ka niuaua
Neoneo ke kūlana ou ho'okahi iho nō
'O ka hoa 'ai i ka 'ono o ka 'imi na'auao
I hahai i ka hāweoweo o ka lama kū mamao
'O ke kuhikuhipu'uone 'oe nāna i kukuhi
I nā kahua pono e kūkulu a'e ai
'O ka hō'eu kāu a uluhia nā hoa
'Imihia 'o uka, 'o ka pou 'oe, ke o'a, ke ako
Kū a ako 'ia i ka lā ho'okahi
Me kō alu pū aku i ka hana lōkahi
Kūkahi ke 'ano ou, e ke hoa
I hoa pili na'e i ka nui a lehu
Hoa hana e 'auamo pū ai i ka luhi
He makamaka aloha e ho'ola'i pū ai
He aikāne, he pūnana na ke onaona
Onaona kou 'ala e māpu mau ana
A puīa ka hale kanaka 'ole
Ho'olana i ka mana'o o ka wahine, me nā keiki
Ke kini lau makamaka aloha e ālohaloha nei
I waiho 'ia maila, na ke aloha e hi'ipoli
A hi'ipoli 'ia 'oe lā ma ke apo o nā kūpuna
I ke apo hiwa lani o ke Akua mau
E pūlamahia mau me ko hi'ikua lā
Eia ko hi'ialo, ke hi'i mau nei
I kō aka aloha, kuni 'ia i nā pu'uwai kini a mano
Māna'ona'o i ka nele, i ka lilo
Mana'olana i ka ho'oilina aloha
Āu e Nakila, e waiho mai ai
Aloha nō 'oe, e Nakila Steele ē
He Aloha
Synopsis: Aloha for the family of the recently departed Dwayne Nakila Steele, a person who supported a variety of Hawaiian language projects.
Aloha mai e nā makamaka heluhelu mai ka lā puka mai i Ha'eha'e, a i kona welo 'ana i ka mole 'olu o Lehua. Aloha nō kahi nūhou i lohe 'ia mai nei no kahi kanaka i ho'i aku nei e moe i ka hiamoe kapu o Niolopua. 'O Dwayne Nakila Steele ka inoa o ua kanaka nei, a eia ko Kauakūkalahale ke hā'awi aku nei i kona 'ohana i ke aloha i loko o kēia wā i ha'alele mai ai kahi mea i aloha nui 'ia.
Ua pōmaika'i ka polokalamu 'ōlelo Hawai'i ma ke kula nui o Hawai'i ma Mānoa i kona kāko'o 'ana mai i kekahi mau papahana 'ōlelo Hawai'i. 'O kekahi, 'o ia ka papahana mānaleo o ia polokalamu. Ua holomua nō kekahi mau papahana ma muli o ia kāko'o mai.
Iā 'oe e Nakila a me kou 'ohana ko mākou aloha.
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
He aloha no Nakila
Synopsis: A mele in rememberance of the recently departed and beloved Dwayne Nakila Steele.
He Hali'a Aloha No Dwayne Nakila Steele
He kanikau aloha, he minamina, he hali'a iä 'oe
E Nakila, e ka pou hana o kauhale nei
Ua nalohia aku, ua niau palanehe a'ela
I ke ala 'ula a Käne 'oe i ke'eke'ehi aku ai
'Ehu'ehu 'o hope nei i ka niuaua
Neoneo ke külana ou ho'okahi iho nö
'O ka hoa 'ai i ka 'ono o ka 'imi na'auao
I hahai i ka häweoweo o ka lama kü mamao
'O ke kuhikuhipu'uone 'oe näna i kukuhi
I nä kahua pono e kükulu a'e ai
'O ka hö'eu käu a uluhia nä hoa
'Imihia 'o uka, 'o ka pou 'oe, ke o'a, ke ako
Kü a ako 'ia i ka lä ho'okahi
Me kö alu pü aku i ka hana lökahi
Kükahi ke 'ano ou, e ke hoa
I hoa pili na'e i ka nui a lehu
Hoa hana e 'auamo pü ai i ka luhi
He makamaka aloha e ho'ola'i pü ai
He aikäne, he pünana na ke onaona
Onaona kou 'ala e mäpu mau ana
A puïa ka hale kanaka 'ole
Ho'olana i ka mana'o o ka wahine, me nä keiki
Ke kini lau makamaka aloha e älohaloha nei
I waiho 'ia maila, na ke aloha e hi'ipoli
A hi'ipoli 'ia 'oe lä ma ke apo o nä küpuna
I ke apo hiwa lani o ke Akua mau
E pülamahia mau me ko hi'ikua lä
Eia ko hi'ialo, ke hi'i mau nei
I kö aka aloha, kuni 'ia i nä pu'uwai kini a mano
Mäna'ona'o i ka nele, i ka lilo
Mana'olana i ka ho'oilina aloha
Äu e Nakila, e waiho mai ai
Aloha nö 'oe, e Nakila Steele ë
He Aloha
Synopsis: Aloha for the family of the recently departed Dwayne Nakila Steele, a person who supported a variety of Hawaiian language projects.
Aloha mai e nä makamaka heluhelu mai ka lä puka mai i Ha'eha'e, a i kona welo 'ana i ka mole 'olu o Lehua. Aloha nö kahi nühou i lohe 'ia mai nei no kahi kanaka i ho'i aku nei e moe i ka hiamoe kapu o Niolopua. 'O Dwayne Nakila Steele ka inoa o ua kanaka nei, a eia ko Kauakükalahale ke hä'awi aku nei i kona 'ohana i ke aloha i loko o këia wä i ha'alele mai ai kahi mea i aloha nui 'ia.
Ua pömaika'i ka polokalamu 'ölelo Hawai'i ma ke kula nui o Hawai'i ma Mänoa i kona käko'o 'ana mai i kekahi mau papahana 'ölelo Hawai'i. 'O kekahi, 'o ia ka papahana mänaleo o ia polokalamu. Ua holomua nö kekahi mau papahana ma muli o ia käko'o mai.
Iä 'oe e Nakila a me kou 'ohana ko mäkou aloha.
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|