Biscuit and Blues
Synopsis: Conferences, concerts, and gumbo were just a few of the treats to be had in San Francisco.
I Kapalakiko aku nei au a 'ike i ka nani o ka uapo nunui e kaulana nei a puni ke ao, 'o ia ka 'puka Gula. He 'āina nani uliuli nō ho'i ia i loko nō o ke anu, ka houhou 'ana o ka ua i ka 'ili, a me ka pā mau mai o ka makani. Aia ka pono 'o ka 'a'ahu mai i ka lole ho'opumehena.
He 'aha kūkā ka huaka'i o ka hele 'ana aku nei, a he mau ha'i'ōlelo hoihoi nō i mālama 'ia no ke 'ano o ia mea he ho'ona'auao 'ōiwi. 'O ka American Educational Research Association ka inoa o ua 'aha nei. Ma kahi o 13 kaukani ka nui o ka po'e nāna e kākau inoa no ia 'aha i kēlā me kēia makahiki, a 'o ka hapanui o nā kumuhana e hāpai 'ia ma laila, he hāpai 'ia e ka po'e haole. 'A'ohe o lākou wahi pili i ka po'e 'ōiwi o 'Amelika a o ka Pākīpika paha, akā he mau mana'o ko lākou no ka ho'oponopono 'ana i nā "pilikia" o ka po'e 'ōiwi i ke a'o.
'Elua wale nō hui li'ili'i i loko o ia 'aha nunui nāna e hāpai i nā nīnau no ia mea he ho'ona'auao 'ōiwi, 'o ia nō ka Indigenous Peoples of the Pacific a me ka Indigenous Peoples of the Americas. Ma laila i ho'oka'awale 'ia ai kauwahi kahua no kākou e hō'ike ai i ko kākou mau mana'o no ka ho'ona'auao 'ana i kā kākou po'e keiki pono'ī. 'O ka mea 'āpiki na'e, aia ka nui o nā kahua ha'i'ōlelo e ho'oka'awale 'ia no kēlā me kēia hui i ka nui o nā lālā a me ka nui o nā pepa e ho'ouna 'ia mai ana. 'Auhea 'oukou, e ka po'e e hana nei ma ka 'oihana ho'ona'auao o Hawai'i nei. E komo mai nō paha i loko o kēia 'aha, ma loko ho'i o ua mau hui li'ili'i lā 'elua, i lohe 'ia mai ho'i ka leo o ka po'e 'ōiwi. Hele nō a kupu ka hoihoi, e leka uila iā Keali'i'olu'olu Gora i ka helu lgora@hawaii.edu.
Ua lawa nō paha ke kama'ilio 'ana no ka 'ao'ao 'oihana. Aia nō kekahi 'ao'ao le'ale'a o kēia 'ano 'aha kūkā. Ma hope o ka pau 'ana o nā ha'i'ōlelo o kekahi lā ma Kapalakiko, hele nui akula kekahi o mākou, 'o ia ho'i ka po'e 'ōiwi o 'Amelika, ka po'e Maori, a me ka po'e Hawai'i i ka pā'ina ahiahi ma kekahi hale 'aina i kapa 'ia 'o Biscuits and Blues. Aia ma ka huina o nā alanui 'o Mason a me Geary. He keu ka 'ono a mōkaekae ho'i o ka mea'ai o ua hale 'aina nei a he keu ho'i ka nahenahe o ka leo o kahi wahine pu'ukani haole i akamai i ka hīmeni 'ana i nā mele "blues". He kohu Aretha Franklin ka hoalike ke lohe aku.
'O ka po'e ho'okani pila, he po'e kuke lākou ma nā hale 'aina like 'ole mai 'ō a 'ō o ke kūlanakauhale, a iā lākou e ho'okani ana, aia kekahi ipuhao nunui i mua o ke kahua, kahi e kupa 'ia ana kekahi "gumbo". 'O ka mana'o nui o ia hana 'ana pēlā, i komo aku nō ka 'ono o nā mele i loko o ua kupa "gumbo" nei. Ia'u e ho'onanea ana i ka ho'olohe aku i ka "blues", he mea 'ē ka moni 'ana o ku'u hā'ae. I ia wā, kono 'ia maila kekahi po'e mai loko mai o ke anaina e kū i ke kahua a ho'okani pū me nā mea kuke. I kēlā me kēia malihini i kū ai i ke kahua, ho'okomo 'ia kekahi mea hou i loko o ke kupa. Ma mua o ka pau 'ana o ia 'aha mele, ua kuene maila ka hui hīmeni i "gumbo" na ka po'e a pau o ke anaina. Kela kā ho'i ku'u 'ono i ia 'ano kupa!
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Biscuit and Blues
Synopsis: Conferences, concerts, and gumbo were just a few of the treats to be had in San Francisco.
I Kapalakiko aku nei au a 'ike i ka nani o ka uapo nunui e kaulana nei a puni ke ao, 'o ia ka 'puka Gula. He 'äina nani uliuli nö ho'i ia i loko nö o ke anu, ka houhou 'ana o ka ua i ka 'ili, a me ka pä mau mai o ka makani. Aia ka pono 'o ka 'a'ahu mai i ka lole ho'opumehena.
He 'aha kükä ka huaka'i o ka hele 'ana aku nei, a he mau ha'i'ölelo hoihoi nö i mälama 'ia no ke 'ano o ia mea he ho'ona'auao 'öiwi. 'O ka American Educational Research Association ka inoa o ua 'aha nei. Ma kahi o 13 kaukani ka nui o ka po'e näna e käkau inoa no ia 'aha i këlä me këia makahiki, a 'o ka hapanui o nä kumuhana e häpai 'ia ma laila, he häpai 'ia e ka po'e haole. 'A'ohe o läkou wahi pili i ka po'e 'öiwi o 'Amelika a o ka Päkïpika paha, akä he mau mana'o ko läkou no ka ho'oponopono 'ana i nä "pilikia" o ka po'e 'öiwi i ke a'o.
'Elua wale nö hui li'ili'i i loko o ia 'aha nunui näna e häpai i nä nïnau no ia mea he ho'ona'auao 'öiwi, 'o ia nö ka Indigenous Peoples of the Pacific a me ka Indigenous Peoples of the Americas. Ma laila i ho'oka'awale 'ia ai kauwahi kahua no käkou e hö'ike ai i ko käkou mau mana'o no ka ho'ona'auao 'ana i kä käkou po'e keiki pono'ï. 'O ka mea 'äpiki na'e, aia ka nui o nä kahua ha'i'ölelo e ho'oka'awale 'ia no këlä me këia hui i ka nui o nä lälä a me ka nui o nä pepa e ho'ouna 'ia mai ana. 'Auhea 'oukou, e ka po'e e hana nei ma ka 'oihana ho'ona'auao o Hawai'i nei. E komo mai nö paha i loko o këia 'aha, ma loko ho'i o ua mau hui li'ili'i lä 'elua, i lohe 'ia mai ho'i ka leo o ka po'e 'öiwi. Hele nö a kupu ka hoihoi, e leka uila iä Keali'i'olu'olu Gora i ka helu lgora@hawaii.edu.
Ua lawa nö paha ke kama'ilio 'ana no ka 'ao'ao 'oihana. Aia nö kekahi 'ao'ao le'ale'a o këia 'ano 'aha kükä. Ma hope o ka pau 'ana o nä ha'i'ölelo o kekahi lä ma Kapalakiko, hele nui akula kekahi o mäkou, 'o ia ho'i ka po'e 'öiwi o 'Amelika, ka po'e Maori, a me ka po'e Hawai'i i ka pä'ina ahiahi ma kekahi hale 'aina i kapa 'ia 'o Biscuits and Blues. Aia ma ka huina o nä alanui 'o Mason a me Geary. He keu ka 'ono a mökaekae ho'i o ka mea'ai o ua hale 'aina nei a he keu ho'i ka nahenahe o ka leo o kahi wahine pu'ukani haole i akamai i ka hïmeni 'ana i nä mele "blues". He kohu Aretha Franklin ka hoalike ke lohe aku.
'O ka po'e ho'okani pila, he po'e kuke läkou ma nä hale 'aina like 'ole mai 'ö a 'ö o ke külanakauhale, a iä läkou e ho'okani ana, aia kekahi ipuhao nunui i mua o ke kahua, kahi e kupa 'ia ana kekahi "gumbo". 'O ka mana'o nui o ia hana 'ana pëlä, i komo aku nö ka 'ono o nä mele i loko o ua kupa "gumbo" nei. Ia'u e ho'onanea ana i ka ho'olohe aku i ka "blues", he mea 'ë ka moni 'ana o ku'u hä'ae. I ia wä, kono 'ia maila kekahi po'e mai loko mai o ke anaina e kü i ke kahua a ho'okani pü me nä mea kuke. I këlä me këia malihini i kü ai i ke kahua, ho'okomo 'ia kekahi mea hou i loko o ke kupa. Ma mua o ka pau 'ana o ia 'aha mele, ua kuene maila ka hui hïmeni i "gumbo" na ka po'e a pau o ke anaina. Kela kä ho'i ku'u 'ono i ia 'ano kupa!
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|