Ka Imu A Kane
Synopsis: Continuation of the story Ka Imu A Kane.
(Hoæomau æia)
Ia laua no nae e kamailio ana, ku ana ua kanaka nei ma ka puka o ka hale o ke aliiwahine, a ia wa koke no i hoomaopopo aku ai ke aliiwahine, o kona Kaikunane Haku no ia oia o Kane.
Ninau mai la o Kane i ke kaikuahine; Pehea ka noho ana o ka aina ame na makaainana o ke'lii.
Pane aku la o Kumukea-Kalani: Pilikia ka noho ana o na kanaka i ka wi a ka ai, ua neea mai e ka la a moloo na mea apau aohe mea ulu e ola ai, a ke moe mai nei na ohua apau o ke'lii iloko o ka nawaliwali i ka pololi a ka ai ole.
Ia wa, ua olelo aku la o Kane i ke kaikuahine, auhea oe? e olelo aku oe ina kanaka e pii i ka wahie, hana a nui a ho'a imu, he imu nui e kalua ai ka ai i ai na ohua a me na kanaka o ke'lii a lawa.
Ua hele aku la ke'liiwahine e kauoha i na kanaka e pii i ka wahie, o ka poe hiki ke hele ua pii aku la lakou, ao ka poe palupalu loa aole lakou i hiki ke pii aku.
Ua ku ka paila o ka wahie, a ua ka ia ka imu a nui palena ole, a ho'a ia aku la ua imu nei.
Ua ninau aku la na kanaka i ke aliiwahine; Heaha ka ai o keia imu e kalua ai e Kalani, o ka hana ana a nui palena ole? Aole kakou i ike i ka ai, o ka imu nae ka kuu haku i kauoha mai nei e ho'a.
O ka hele ia a enaena ua imu nei, oia no ka wa o Kane i puka mai ai a hele mai la a ku ma kae o ka imu a kena aku la ina kanaka e ulu ia ka imu. O ka ulu iho la noia o ua imu nei apau, a kena aku la e uhi i ke akulikuli, halii a manoanoa aku ka paila, a ia wa no i moe aku ai o Kane iluna o ka imu.
Kauoha aku la o Kane ina kanaka e uhi i ke akulikuli, i ke pohuehue ame ka makoloa, alaila, uhi ike one. E hoomau i ke kanu ana a hiki i ka wa e pau ai ka pii ana o ua imu nei, alaila, pau ka uhi ana i ke one.
Ua hooko no na kanaka i keia olelo a Kane, me ka hilinai ole, oiai, o ka lakou e noonoo ana, oia no ka palahe o kela kanaka iloko o ka imu a lakou i kalua ai, a ina e mo'a ana aole e hiki ia lakou ke ai i keia kanaka i kalua ia ai.
A ia lakou no nae e wa ana, ua ike ia aku la o Kane i ka pii mai makai mai a hiki i kahi o ua imu nei a na kanaka e wa kamailio ana, a kena mai la e hua'i ka imu ua mo'a. O ka hua'i iho la no ia o ua imu nei.
I ka pau ana o ka imu i ka hua'i ia, aia hoi, e ahu ana iloko o ua imu nei na ano ai like ole, oia hoi, ke kalo, ka uala, ka uhi, ka ulu, ka maia, ka puaa, ka ilio, ka moa a pela'ku.
Ua ai na kanaka ame ke'lii wahine ame na ohua apau a loaa hou ka ikaika a loaa hou ke ola ina mea a pau.
I ka wa i kalua ia ai o Kane i ka imu, ua puka aku la oia iloko o ke kai a puka aku la he wai ma kahi ana i puka ai, he wai hua'i e hua'i ala me ka ikaika a hiki i keia la, a ua kapaia kona inoa o ka wai a Kane ao Awili hoi kekahi inoa, he wai ono ke inu, a he wahi keia e auau ai kekahi poe ma'i no ka hoolana ana.
(æAæole i pau)
[Piha hauæoli ka naæau i ka puka æana mai o Halealoha Ayau. Ke aloha.] L.H.
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
BACK TO TOP
Ka Imu A Kane
Synopsis: Continuation of the story Ka Imu A Kane.
(Hoæomau æia)
Ia laua no nae e kamailio ana, ku ana ua kanaka nei ma ka puka o ka hale o ke aliiwahine, a ia wa koke no i hoomaopopo aku ai ke aliiwahine, o kona Kaikunane Haku no ia oia o Kane.
Ninau mai la o Kane i ke kaikuahine; Pehea ka noho ana o ka aina ame na makaainana o ke'lii.
Pane aku la o Kumukea-Kalani: Pilikia ka noho ana o na kanaka i ka wi a ka ai, ua neea mai e ka la a moloo na mea apau aohe mea ulu e ola ai, a ke moe mai nei na ohua apau o ke'lii iloko o ka nawaliwali i ka pololi a ka ai ole.
Ia wa, ua olelo aku la o Kane i ke kaikuahine, auhea oe? e olelo aku oe ina kanaka e pii i ka wahie, hana a nui a ho'a imu, he imu nui e kalua ai ka ai i ai na ohua a me na kanaka o ke'lii a lawa.
Ua hele aku la ke'liiwahine e kauoha i na kanaka e pii i ka wahie, o ka poe hiki ke hele ua pii aku la lakou, ao ka poe palupalu loa aole lakou i hiki ke pii aku.
Ua ku ka paila o ka wahie, a ua ka ia ka imu a nui palena ole, a ho'a ia aku la ua imu nei.
Ua ninau aku la na kanaka i ke aliiwahine; Heaha ka ai o keia imu e kalua ai e Kalani, o ka hana ana a nui palena ole? Aole kakou i ike i ka ai, o ka imu nae ka kuu haku i kauoha mai nei e ho'a.
O ka hele ia a enaena ua imu nei, oia no ka wa o Kane i puka mai ai a hele mai la a ku ma kae o ka imu a kena aku la ina kanaka e ulu ia ka imu. O ka ulu iho la noia o ua imu nei apau, a kena aku la e uhi i ke akulikuli, halii a manoanoa aku ka paila, a ia wa no i moe aku ai o Kane iluna o ka imu.
Kauoha aku la o Kane ina kanaka e uhi i ke akulikuli, i ke pohuehue ame ka makoloa, alaila, uhi ike one. E hoomau i ke kanu ana a hiki i ka wa e pau ai ka pii ana o ua imu nei, alaila, pau ka uhi ana i ke one.
Ua hooko no na kanaka i keia olelo a Kane, me ka hilinai ole, oiai, o ka lakou e noonoo ana, oia no ka palahe o kela kanaka iloko o ka imu a lakou i kalua ai, a ina e mo'a ana aole e hiki ia lakou ke ai i keia kanaka i kalua ia ai.
A ia lakou no nae e wa ana, ua ike ia aku la o Kane i ka pii mai makai mai a hiki i kahi o ua imu nei a na kanaka e wa kamailio ana, a kena mai la e hua'i ka imu ua mo'a. O ka hua'i iho la no ia o ua imu nei.
I ka pau ana o ka imu i ka hua'i ia, aia hoi, e ahu ana iloko o ua imu nei na ano ai like ole, oia hoi, ke kalo, ka uala, ka uhi, ka ulu, ka maia, ka puaa, ka ilio, ka moa a pela'ku.
Ua ai na kanaka ame ke'lii wahine ame na ohua apau a loaa hou ka ikaika a loaa hou ke ola ina mea a pau.
I ka wa i kalua ia ai o Kane i ka imu, ua puka aku la oia iloko o ke kai a puka aku la he wai ma kahi ana i puka ai, he wai hua'i e hua'i ala me ka ikaika a hiki i keia la, a ua kapaia kona inoa o ka wai a Kane ao Awili hoi kekahi inoa, he wai ono ke inu, a he wahi keia e auau ai kekahi poe ma'i no ka hoolana ana.
(æAæole i pau)
[Piha hauæoli ka naæau i ka puka æana mai o Halealoha Ayau. Ke aloha.] L.H.
This column is coordinated by the Hawaiian Language Department at the University of Hawai'i at Mānoa, supported by UH President Evan Dobelle's Initiative for Achieving Native Hawaiian Academic Excellence.
E ho'ouna 'ia mai nā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
a i 'ole ia, ma ke kelepona:
» 956-2627 (Laiana)
» 956-2624 (Kekeha)
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
|