Nühou
Synopsis: Hui Malama I Na Kupuna O Hawai'i Nei stands firm for our küpuna; burglaries skyrocket in Mililani; surfers bring waves of joy to children; Vote on alcohol ban at Aloha Stadium postponed.
Küpa'a ma hope o nä küpuna. Küpa'a 'o Hui Malama I Na Kupuna O Hawai'i Nei ma hope o nä küpuna. I loko nö o ke kauoha 'ana o ka lunakänäwai David Ezra, e hö'ike pono'ï i nä wahi e waiho nei he 83 mau moepü i lilo i ua Hui nei, ua pa'a ka mana'o mälama kupuna. Wahi a Hui Malama, ua kanu 'ia aku nei ia mau mea kahiko ma kekahi mau ana 'elua o Hawai'i moku, kahi i loa'a ai i kekahi mau mea 'ike hana lima o ke au i hala a lawe wale 'ia i ka makahiki 1905. Hö'ike a'e nei 'o Hui Malama, he mea kü'ë ka 'ölelo a Ezra i ko läkou mana'o iho, ko läkou ho'omana, a me ko läkou aloha 'äina, a aloha kupuna paha. Wahi a nä loio o ia hui, ua like paha ia me ka 'aihue 'ana, a me ka hö'ino 'ana paha. I këia Pö'alua, he pono ke kü kekahi mau känaka o Hui Malama i mua o ka 'aha no ka hö'ike 'ana i ko läkou mana'o. Inä he käko'o iä Hui Malama, e hele aku i ka 'aha ho'okolokolo pekelala ma ka Pö'alua, ka lä 27 o Këkëmapa, i ka hola 10:00 o ke awakea, no ke käko'o 'ana i kekahi mau aloha 'äina/aloha kupuna, 'o ia ho'i, 'o Edward Halealoha Ayau, Esq., 'o Pualani Kanahele Kanakaole, PhD, 'o Charles Maxwell, 'o William Aila, a me Konia Freitas.
Mähuahua nä pikopau'iole. Ke nui loa a'e nei nä pikopau'iole e kokolo akula ma Mi'ilani i këia mau lä. Ma nä pule 'eono i hala iho nei, ua komo hewa 'ia he 85 mau hale o Mililani. Ke nonoi nei ke ke'ena mäka'i i ka lehulehu, ke 'ike 'ia kahi hana kolohe a hana 'ano 'ë paha, e kelepona koke i ke ke'ena mäka'i. A 'o kahi mea e hana 'ia ana, 'o ia ka ho'onui 'ana i ka holo o nä pöpoki ma Mililani i mea e ho'opau ai i këia hana kolohe.
He keu a ka lokomaika'i. Kipa aku nei 'ewalu mau he'enalu loea i ka haukapila 'o Kapi'olani i ka Pö'akolu nei no ka hä'awi aloha Kalikimaka a me ka hä'awi makana 'ana i nä keiki ma'i. Ua piha hau'oli nä keiki i ka 'ike 'ana iä läkou, 'o ia ho'i, 'o Fred Patachhia 'öpio, 'o Marcus Hickman, 'o Sunny Garcia, 'o Danny Fuller, 'o Myles Padaca, 'o Kala Alexander, 'o Makua Rothman a me Reef McIntosh. Ma muli o ka maika'i wale o këia hana, ke mana'o 'ia nei e kipa nä he'enalu i nä keiki o ia haukapila i këlä me këia makahiki.
Mai puni i ka inu wai'ona. Ho'opane'e 'ia ka holo 'ana o ka mana'o o ka Mana o ke Kahua Pä'ani 'o Aloha ma ka päpä a päpä 'ole 'ia 'ana paha o ka inu wai 'ona ma kahi ho'okükü ka'a o ia kahua pä'ani. He mana'o ko nä lälä, e nünë pono 'ia, a no laila, ua ho'opane'e 'ia a ka lä 26 o Ianuali. 'O ka mea 'äpiki, ke päpä 'ia, he hiki nö ke inu 'ia ka wai 'ona ma loko o ke kahua pä'ani.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP
Nūhou
Synopsis: Hui Malama I Na Kupuna O Hawai'i Nei stands firm for our kūpuna; burglaries skyrocket in Mililani; surfers bring waves of joy to children; Vote on alcohol ban at Aloha Stadium postponed.
Kūpa'a ma hope o nā kūpuna. Kūpa'a 'o Hui Malama I Na Kupuna O Hawai'i Nei ma hope o nā kūpuna. I loko nō o ke kauoha 'ana o ka lunakānāwai David Ezra, e hō'ike pono'ī i nā wahi e waiho nei he 83 mau moepū i lilo i ua Hui nei, ua pa'a ka mana'o mālama kupuna. Wahi a Hui Malama, ua kanu 'ia aku nei ia mau mea kahiko ma kekahi mau ana 'elua o Hawai'i moku, kahi i loa'a ai i kekahi mau mea 'ike hana lima o ke au i hala a lawe wale 'ia i ka makahiki 1905. Hō'ike a'e nei 'o Hui Malama, he mea kū'ē ka 'ōlelo a Ezra i ko lākou mana'o iho, ko lākou ho'omana, a me ko lākou aloha 'āina, a aloha kupuna paha. Wahi a nā loio o ia hui, ua like paha ia me ka 'aihue 'ana, a me ka hō'ino 'ana paha. I kēia Pō'alua, he pono ke kū kekahi mau kānaka o Hui Malama i mua o ka 'aha no ka hō'ike 'ana i ko lākou mana'o. Inā he kāko'o iā Hui Malama, e hele aku i ka 'aha ho'okolokolo pekelala ma ka Pō'alua, ka lā 27 o Kēkēmapa, i ka hola 10:00 o ke awakea, no ke kāko'o 'ana i kekahi mau aloha 'āina/aloha kupuna, 'o ia ho'i, 'o Edward Halealoha Ayau, Esq., 'o Pualani Kanahele Kanakaole, PhD, 'o Charles Maxwell, 'o William Aila, a me Konia Freitas.
Māhuahua nā pikopau'iole. Ke nui loa a'e nei nā pikopau'iole e kokolo akula ma Mi'ilani i kēia mau lā. Ma nā pule 'eono i hala iho nei, ua komo hewa 'ia he 85 mau hale o Mililani. Ke nonoi nei ke ke'ena māka'i i ka lehulehu, ke 'ike 'ia kahi hana kolohe a hana 'ano 'ē paha, e kelepona koke i ke ke'ena māka'i. A 'o kahi mea e hana 'ia ana, 'o ia ka ho'onui 'ana i ka holo o nā pōpoki ma Mililani i mea e ho'opau ai i kēia hana kolohe.
He keu a ka lokomaika'i. Kipa aku nei 'ewalu mau he'enalu loea i ka haukapila 'o Kapi'olani i ka Pō'akolu nei no ka hā'awi aloha Kalikimaka a me ka hā'awi makana 'ana i nā keiki ma'i. Ua piha hau'oli nā keiki i ka 'ike 'ana iā lākou, 'o ia ho'i, 'o Fred Patachhia 'ōpio, 'o Marcus Hickman, 'o Sunny Garcia, 'o Danny Fuller, 'o Myles Padaca, 'o Kala Alexander, 'o Makua Rothman a me Reef McIntosh. Ma muli o ka maika'i wale o kēia hana, ke mana'o 'ia nei e kipa nā he'enalu i nā keiki o ia haukapila i kēlā me kēia makahiki.
Mai puni i ka inu wai'ona. Ho'opane'e 'ia ka holo 'ana o ka mana'o o ka Mana o ke Kahua Pā'ani 'o Aloha ma ka pāpā a pāpā 'ole 'ia 'ana paha o ka inu wai 'ona ma kahi ho'okūkū ka'a o ia kahua pā'ani. He mana'o ko nā lālā, e nūnē pono 'ia, a no laila, ua ho'opane'e 'ia a ka lā 26 o Ianuali. 'O ka mea 'āpiki, ke pāpā 'ia, he hiki nō ke inu 'ia ka wai 'ona ma loko o ke kahua pā'ani.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
