Ho'okani Mänoa
Synopsis: The last Ho'okani Mänoa concert of the fall semester has arrived. Mähiehie will be performing Friday, Dec. 2. The concert begins at 7 p.m.
'Auhea 'oukou e nä hoa puni mele Hawai'i, ho'okahi wale nö 'ahamele Ho'okani Mänoa koe, 'oiai, ke hiki koke aku nei i ka hopena o ke kau kula. E mälama 'ia ana ka Ho'okani Mänoa hope loa ma këia Pö'alima, ka lä 2 o Këkëmapa. E naue aku i ke Kulanui o Hawai'i ma Mänoa i ka hola 7:00 o ia ahiahi, a e hau'oli ana ka pepeiao i ka lohe 'ana i nä leo nahenahe o ka hui hïmeni 'o Mähiehie, 'o ia nä leo o Sam Kaina, Mark Tank, Helene Woodward a me Lanihuli Lee, 'o ke kähuli leo le'a ka hoa like. A manuahi ka hele 'ana i këia 'aha mele.
He mo'olelo
Synopsis: Continuation of the story about the origin of Päkäkä heiau.
(Ho'omau 'ia)
Ia po, ua hoea mai la he ino nui maluna o ka aina apau o Waihee, ua wehe ia na ipuka o Kulanihakoi a haule mai la ka pakaua eloelo, a o ka mea kupanaha no nae he ulaula me he koko ala na pakaua, a no 20 po ame 20 ao o ka noke ana a ka ua, a ua hana ino ia ka aina o Waihee e ka wai halana ame na wahi e ae o Maui, a ua awaawa ka aina, a ua kahe mai la ka wai me ka ikaika, a he wai koko no, a hoohanee ae la i ka pa pohaku a Haumea i kukulu hoopuni ai mawaho o ke kumulaau, a lawe aku la i ua kumulaau holookoa nei i ka moana kai uliuli, moana kai popolohua a Kane.
No eono mahina ka paialewa ia ana o ua kumulaau nei e këaümiki lana o Këaüha, a ua lawe ia aku la a hoopae ma ke one o Kailua, (a ua kapa ia no hoi ia wahi mahope mai o Kaïäkëakua, mamuli o ka pae ana o keia kumulaau akua.)
I ka ike ana o kanaka i keia kumulaau ame kona lala, ua hoomaopopo pu mai la lakou i ke muimuia e na ano i'a like ole, a e lole ana na i'a maluna o ka lala nui. I ka ike ana o ke alii e noho ana ma Kailua i ka mumulu io o ka i'a ma ka lala nui o ua kumulaau nei, ua kii mai la oia a oki i ka lala nui a kalai iho la i akua lawaia nona, a kapa iho la i ka inoa o Makalei, ke akua hoonaona i'a o Hawaii nei, a ua lilo io no hoi ia i akua ai laau hoonaona i'a no na kanaka lawaia mahope mai, a e hoonaona ia ana me na mea ala like ole. I ka wa no hoi i lilo ai ua laau nei i ke kai mai Waihee mai, ua haki no he lala malaila, a ua loaa i kekahi alii, a ua hana ia no i laau mamaka e auamo ai i na mea kaumaha, a ua kapa ia no hoi ia laau mamaka akua, o Kükëolöewa, a o ke akua no hoi ia o ka poe mamaka i na mea kaumaha.
O ke kino o ka laau ua hoi hou no i ka hohonu o ka moana, a e lawe ia ana i o a i o ma kahi kokoke no nae i na Waieha, oia hoi mawaho mai no o kona wahi i kanu ia ai e Haumea.
('A'ole i pau)
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP
Ho'okani Mānoa
Synopsis: The last Ho'okani Mānoa concert of the fall semester has arrived. Māhiehie will be performing Friday, Dec. 2. The concert begins at 7 p.m.
'Auhea 'oukou e nā hoa puni mele Hawai'i, ho'okahi wale nō 'ahamele Ho'okani Mānoa koe, 'oiai, ke hiki koke aku nei i ka hopena o ke kau kula. E mālama 'ia ana ka Ho'okani Mānoa hope loa ma kēia Pō'alima, ka lā 2 o Kēkēmapa. E naue aku i ke Kulanui o Hawai'i ma Mānoa i ka hola 7:00 o ia ahiahi, a e hau'oli ana ka pepeiao i ka lohe 'ana i nā leo nahenahe o ka hui hīmeni 'o Māhiehie, 'o ia nā leo o Sam Kaina, Mark Tank, Helene Woodward a me Lanihuli Lee, 'o ke kāhuli leo le'a ka hoa like. A manuahi ka hele 'ana i kēia 'aha mele.
He mo'olelo
Synopsis: Continuation of the story about the origin of Pākākā heiau.
(Ho'omau 'ia)
Ia po, ua hoea mai la he ino nui maluna o ka aina apau o Waihee, ua wehe ia na ipuka o Kulanihakoi a haule mai la ka pakaua eloelo, a o ka mea kupanaha no nae he ulaula me he koko ala na pakaua, a no 20 po ame 20 ao o ka noke ana a ka ua, a ua hana ino ia ka aina o Waihee e ka wai halana ame na wahi e ae o Maui, a ua awaawa ka aina, a ua kahe mai la ka wai me ka ikaika, a he wai koko no, a hoohanee ae la i ka pa pohaku a Haumea i kukulu hoopuni ai mawaho o ke kumulaau, a lawe aku la i ua kumulaau holookoa nei i ka moana kai uliuli, moana kai popolohua a Kane.
No eono mahina ka paialewa ia ana o ua kumulaau nei e kēaūmiki lana o Kēaūha, a ua lawe ia aku la a hoopae ma ke one o Kailua, (a ua kapa ia no hoi ia wahi mahope mai o Kaīākēakua, mamuli o ka pae ana o keia kumulaau akua.)
I ka ike ana o kanaka i keia kumulaau ame kona lala, ua hoomaopopo pu mai la lakou i ke muimuia e na ano i'a like ole, a e lole ana na i'a maluna o ka lala nui. I ka ike ana o ke alii e noho ana ma Kailua i ka mumulu io o ka i'a ma ka lala nui o ua kumulaau nei, ua kii mai la oia a oki i ka lala nui a kalai iho la i akua lawaia nona, a kapa iho la i ka inoa o Makalei, ke akua hoonaona i'a o Hawaii nei, a ua lilo io no hoi ia i akua ai laau hoonaona i'a no na kanaka lawaia mahope mai, a e hoonaona ia ana me na mea ala like ole. I ka wa no hoi i lilo ai ua laau nei i ke kai mai Waihee mai, ua haki no he lala malaila, a ua loaa i kekahi alii, a ua hana ia no i laau mamaka e auamo ai i na mea kaumaha, a ua kapa ia no hoi ia laau mamaka akua, o Kūkēolōewa, a o ke akua no hoi ia o ka poe mamaka i na mea kaumaha.
O ke kino o ka laau ua hoi hou no i ka hohonu o ka moana, a e lawe ia ana i o a i o ma kahi kokoke no nae i na Waieha, oia hoi mawaho mai no o kona wahi i kanu ia ai e Haumea.
('A'ole i pau)
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
