Küpopou
Ke Aolama
Synopsis: News bits from the past week -- Reckless driver at the airport; Rosa Parks passes away; Native Hawaiian groups want to be included in discussion on God images found in Kohanaiki; gas prices will drop again; Wahine is volleyball player of the week.
Holo pupule. -- Ho'oku'i aku nei kekahi kanaka i kona ka'a i kahi ki'i ukana o ke kahua ho'olulu mokulele i ka Läpule nei. A ma loko o laila, kalaiwa akula 'o ia he 100 'ïä, a i ia manawa, hopu 'ia akula 'o ia e nä kia'i o ia wahi. 'O ka mea nui, 'a'ohe ola i pö'ino. 'O Michael Abella ka inoa o ke kolohe. 'A'ole 'o ia ma lalo o ka malu o ka wai 'ona, akä ke noi'i 'ia nei, inä ma lalo ia o ka malu o ka lä'au 'ino.
Wahine kü i ka pono. --Ua moe aku nei 'o Rosa Parks i ka moe kapu o Niolopua i ka Pö'akahi i hala. Ua piha nä makahiki he 92 iä ia. 'O Parks, 'o ia ka wahine kaulana i ke kü 'ana i ka pono. Ma ka lä mua o Këkëmapa o ka makahiki 1955, e kau ana 'o Parks ma luna o ke ka'a 'öhua, a e noho ana ma kahi noho, a kauoha akula kekahi kanaka haole e kü 'o Parks, i noho aku ua kanaka haole lä, eia na'e, hö'ole akula 'o Parks, a ma muli o ia hö'ole 'ana, ua hopu 'ia 'o ia, ho'opa'ahao 'ia, a ho'opa'i 'ia. Ma ia hope mai, ua huliamahi känaka ma ke kü'ë 'ana i ke kau ka'a lawe 'öhua, 381 lä.
Hilihewa kahi mana'o ke 'ole ke kükäkükä. -- Loa'a aku nei kekahi mau akua ki'i i ka hui näna e kükulu nei ma Kohanaiki. A he mana'o ko kekahi mau hui o ka 'ao'ao komohana o Hawai'i moku, 'o läkou kekahi ma ke kükäkükä 'ana i ka mea e hana ai i ia mau mea. 'O ia mau hui, 'o ia nö 'o Kohanaiki 'Ohana, Pono I Ke Kanawai a me Na Keiki He'e Nalu O Hawai'i. Ua loa'a he 20 akua ki'i a 'oi aku, he 3 a 4 paha kapua'i ka lö'ihi. Wahi a ia mau hui, 'a'ole no Rutter, ka hui kükulu, nä akua ki'i. Akä wahi a kekahi kanaka i hai 'ia e Rutter, ke kükäkükä 'ia nei kekahi mau Hawai'i nona ia 'äina, a e noho nei paha i ia 'äina.
Ho'opiha hau'oli. -- E ho'ëmi hou 'ia ana ka 'auhau kakalina i këia pule a'e, he 18 paha keneka ma O'ahu nei. A no laila, ma kekahi mau wahi kü'ai kakalina, he $2.70 paha o ke kälani. I këlä mahina aku nei, ua pi'i loa aku ka 'auhau kakalina a i ka $3.59 o ke kälani.
E nänä wahine a'e nö, 'a'ole 'o ia nei e loa'a. -- Kau aku nei 'o Julianna Sanders i ka hano häweo, 'o ia ka mea pä'ani kinipöpö pa'ilima 'oi o ka 'Ahahui 'Älapa Komohana o ka pule. A pi'i a'ela 'o Hawai'i, 'o ia ka hui helu 10 o ke ao nei. 'O Nebaraka ka hui helu 'ekahi, a 'o Wakinekona ka hui helu 'elua.
Ho'okani Mänoa
'Auhea 'oukou e nä hoa makamaka puni mele Hawai'i. E 'oni aku ka moku i ke Kulanui o Hawai'i ma Mänoa i këia Pö'alima no ka ho'onanea 'ana i ka pu'ukani o ia ahiahi, 'o ia ho'i, 'o Ku'uipo Kumukahi.
Ho'omaka 'o Ho'okani Mänoa i ka hola 7:00 o ke ahiahi, a i ka hola 9:30 e hä'awi aloha ai. Mälama 'ia nei 'ahamele ma Mänoa Gardens.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP
Kūpopou
Ke Aolama
Synopsis: News bits from the past week -- Reckless driver at the airport; Rosa Parks passes away; Native Hawaiian groups want to be included in discussion on God images found in Kohanaiki; gas prices will drop again; Wahine is volleyball player of the week.
Holo pupule. -- Ho'oku'i aku nei kekahi kanaka i kona ka'a i kahi ki'i ukana o ke kahua ho'olulu mokulele i ka Lāpule nei. A ma loko o laila, kalaiwa akula 'o ia he 100 'īā, a i ia manawa, hopu 'ia akula 'o ia e nā kia'i o ia wahi. 'O ka mea nui, 'a'ohe ola i pō'ino. 'O Michael Abella ka inoa o ke kolohe. 'A'ole 'o ia ma lalo o ka malu o ka wai 'ona, akā ke noi'i 'ia nei, inā ma lalo ia o ka malu o ka lā'au 'ino.
Wahine kū i ka pono. --Ua moe aku nei 'o Rosa Parks i ka moe kapu o Niolopua i ka Pō'akahi i hala. Ua piha nā makahiki he 92 iā ia. 'O Parks, 'o ia ka wahine kaulana i ke kū 'ana i ka pono. Ma ka lā mua o Kēkēmapa o ka makahiki 1955, e kau ana 'o Parks ma luna o ke ka'a 'ōhua, a e noho ana ma kahi noho, a kauoha akula kekahi kanaka haole e kū 'o Parks, i noho aku ua kanaka haole lā, eia na'e, hō'ole akula 'o Parks, a ma muli o ia hō'ole 'ana, ua hopu 'ia 'o ia, ho'opa'ahao 'ia, a ho'opa'i 'ia. Ma ia hope mai, ua huliamahi kānaka ma ke kū'ē 'ana i ke kau ka'a lawe 'ōhua, 381 lā.
Hilihewa kahi mana'o ke 'ole ke kūkākūkā. -- Loa'a aku nei kekahi mau akua ki'i i ka hui nāna e kūkulu nei ma Kohanaiki. A he mana'o ko kekahi mau hui o ka 'ao'ao komohana o Hawai'i moku, 'o lākou kekahi ma ke kūkākūkā 'ana i ka mea e hana ai i ia mau mea. 'O ia mau hui, 'o ia nō 'o Kohanaiki 'Ohana, Pono I Ke Kanawai a me Na Keiki He'e Nalu O Hawai'i. Ua loa'a he 20 akua ki'i a 'oi aku, he 3 a 4 paha kapua'i ka lō'ihi. Wahi a ia mau hui, 'a'ole no Rutter, ka hui kūkulu, nā akua ki'i. Akā wahi a kekahi kanaka i hai 'ia e Rutter, ke kūkākūkā 'ia nei kekahi mau Hawai'i nona ia 'āina, a e noho nei paha i ia 'āina.
Ho'opiha hau'oli. -- E ho'ēmi hou 'ia ana ka 'auhau kakalina i kēia pule a'e, he 18 paha keneka ma O'ahu nei. A no laila, ma kekahi mau wahi kū'ai kakalina, he $2.70 paha o ke kālani. I kēlā mahina aku nei, ua pi'i loa aku ka 'auhau kakalina a i ka $3.59 o ke kālani.
E nānā wahine a'e nō, 'a'ole 'o ia nei e loa'a. -- Kau aku nei 'o Julianna Sanders i ka hano hāweo, 'o ia ka mea pā'ani kinipōpō pa'ilima 'oi o ka 'Ahahui 'Ālapa Komohana o ka pule. A pi'i a'ela 'o Hawai'i, 'o ia ka hui helu 10 o ke ao nei. 'O Nebaraka ka hui helu 'ekahi, a 'o Wakinekona ka hui helu 'elua.
Ho'okani Mānoa
'Auhea 'oukou e nā hoa makamaka puni mele Hawai'i. E 'oni aku ka moku i ke Kulanui o Hawai'i ma Mānoa i kēia Pō'alima no ka ho'onanea 'ana i ka pu'ukani o ia ahiahi, 'o ia ho'i, 'o Ku'uipo Kumukahi.
Ho'omaka 'o Ho'okani Mānoa i ka hola 7:00 o ke ahiahi, a i ka hola 9:30 e hā'awi aloha ai. Mālama 'ia nei 'ahamele ma Mānoa Gardens.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.