By Küpopou
Ke Aolama
Synopsis: News shorts from the past week. Public hearings on the cases fighting Native Hawaiian programs; Rainbow Wahine easy win over Utah State; UH Mänoa faculty meeting on UARC; Rainbow quarterback honored.
Kü i ka pono. E mälama 'ia a'e ana kekahi mau häläwai hö'ike mana'o no nä hihia 'elua e kü'ë ana i nä polokalamu Kanaka Maoli. 'O ka mua, 'o ia ka hihia John Doe kü'ë i nä kula 'o Kamehameha. Ke kü'ë 'ia nei ka lula ho'okomo keiki o ia kula. I këia manawa, 'ae mua 'ia ke keiki Hawai'i. A 'o ka lua o ka hihia, Arakaki kü'ë iä Lingle. Ke kü'ë 'ia nei ka hana a ke Ke'ena Kuleana Hawai'i a me ke Ke'ena 'Äina Ho'opulapula, 'o ia ho'i, he kökua i ke Kanaka Maoli wale nö. 'O ia mau hihia 'elua, aia nö i mua o ka 'aha ho'okolokolo ka'apuni 9 o 'Amelika no nä ho'opi'i hou. A no laila e kü i ka pono, a e hele aku i ka häläwai no ka hö'ike 'ana aku i nä mana'o e mau ai nä polokalamu käko'o Hawai'i.
I ka Pö'akahi (10-24), e mälama 'ia ana ka häläwai ma ka hale 'aina o ke Kula Ki'eki'e o Nänäkuli, mai ka hola 7:00 o ke ahiahi a i ka hola 9:00. I ka Pö'alua, ma ka hale hana keaka a hulahula o ke Kulanui Kaiäulu o Kaua'i, mai ka hola 5:30 o ka 'auinalä a i ka hola 7:30. Ma ka Pö'akolu, aia ma ke Kapikala ma Honolulu nei, mai ka hola 6:00 o ka 'auinalä a i ka hola 8:00. Ma ka Pö'ahä, ma ka hale 'aina o ke Kula Ki'eki'e o Baldwin, ma Maui, mai ka hola 5:30 o ka 'auinalä a i ka hola 7:30. Ma ka lä 28 o 'Okakopa, aia ka häläwai ma Key Project ma O'ahu nei, mai ka hola 7:00 o ke ahiahi a i ka hola 9:00. Ma ka lä 29, ma ka hale 'aina o ke Kula Ki'eki'e o Konawaena, mai ka hola 10:00 o ke awakea a i ka hola 12:00. A 'o ka mea hope loa, ma ka lä 30, ma ka hale 'aina o ke Kula Ki'eki'e o Hilo, mai ka hola 3 o ka 'auinalä a i ka hola 5:00.
Kü'ë i ka hewa. Kü'ë ka 'äuna kumu o ke Kulanui o Hawai'i ma Mänoa i ke kükulu 'ia 'ana o ka UARC, ke kikowaena noi'i o ka 'oihana moku o 'Amelika Hui pü 'ia ma ia kulanui. He 100 mau kumu kai hele i ka häläwai i mälama 'ia aku nei i ka Pö'akolu nei, a he kü'ë läkou i ka UARC.
'A'ohe nao 'ai i ka päpa'a. Luku aku nei nä Wähine Änuenue i ko Uta State i ka Pö'ahä nei ma loko o nä pä'ani he 'ekolu wale nö, he 30 i ka 20, he 30 i ka 28, he 30 i ka 19. 'A'ole i kana mai ka maika'i o ka pä'ani 'ana o Sarah Mason, he 15 äna ho'opio. 'O Tara Hittle a me Juliana Sanders kekahi i 'eleu ma ka ho'opio 'ana, he 10 ho'opio päkahi. I këia manawa, ke kü kilakila aku nei nä Wähine ma ka 'Ahahui 'Älapa Komohana, he 8 lanakila, a 'a'ohe wahi hä'ule. [Kü'ë aku nei nä Wähine Änuenue iä Sana Jose State i ka pö nei, 'a'ole na'e i pau ka ho'okükü i ka wä i hana 'ia ai këia kolamu.]
Lima Ikaika. Kau aku nei 'o Colt Brennan i ka hano häweo, 'o ia ka mea pä'ani 'oi o ka 'ao'ao külele o ka 'Ahahui 'Älapa Komohana o ka pule. 'O Brennan ke 'alihikülele o nä Änuenue, a he keu kona lima a ka ikaika, ua kiloi 'o ia i ke kinipöpö, he 515 'ïä ma ka lanakila 'ana aku ma luna o Nü Mekiko State ma këlä Pö'aono aku nei, a he 'ehiku 'aiholo.
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP
|
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.
|
|
|
By Kūpopou
Ke Aolama
Synopsis: News shorts from the past week. Public hearings on the cases fighting Native Hawaiian programs; Rainbow Wahine easy win over Utah State; UH Mānoa faculty meeting on UARC; Rainbow quarterback honored.
Kū i ka pono. E mālama 'ia a'e ana kekahi mau hālāwai hō'ike mana'o no nā hihia 'elua e kū'ē ana i nā polokalamu Kanaka Maoli. 'O ka mua, 'o ia ka hihia John Doe kū'ē i nā kula 'o Kamehameha. Ke kū'ē 'ia nei ka lula ho'okomo keiki o ia kula. I kēia manawa, 'ae mua 'ia ke keiki Hawai'i. A 'o ka lua o ka hihia, Arakaki kū'ē iā Lingle. Ke kū'ē 'ia nei ka hana a ke Ke'ena Kuleana Hawai'i a me ke Ke'ena 'Āina Ho'opulapula, 'o ia ho'i, he kōkua i ke Kanaka Maoli wale nō. 'O ia mau hihia 'elua, aia nō i mua o ka 'aha ho'okolokolo ka'apuni 9 o 'Amelika no nā ho'opi'i hou. A no laila e kū i ka pono, a e hele aku i ka hālāwai no ka hō'ike 'ana aku i nā mana'o e mau ai nā polokalamu kāko'o Hawai'i.
I ka Pō'akahi (10-24), e mālama 'ia ana ka hālāwai ma ka hale 'aina o ke Kula Ki'eki'e o Nānākuli, mai ka hola 7:00 o ke ahiahi a i ka hola 9:00. I ka Pō'alua, ma ka hale hana keaka a hulahula o ke Kulanui Kaiāulu o Kaua'i, mai ka hola 5:30 o ka 'auinalā a i ka hola 7:30. Ma ka Pō'akolu, aia ma ke Kapikala ma Honolulu nei, mai ka hola 6:00 o ka 'auinalā a i ka hola 8:00. Ma ka Pō'ahā, ma ka hale 'aina o ke Kula Ki'eki'e o Baldwin, ma Maui, mai ka hola 5:30 o ka 'auinalā a i ka hola 7:30. Ma ka lā 28 o 'Okakopa, aia ka hālāwai ma Key Project ma O'ahu nei, mai ka hola 7:00 o ke ahiahi a i ka hola 9:00. Ma ka lā 29, ma ka hale 'aina o ke Kula Ki'eki'e o Konawaena, mai ka hola 10:00 o ke awakea a i ka hola 12:00. A 'o ka mea hope loa, ma ka lā 30, ma ka hale 'aina o ke Kula Ki'eki'e o Hilo, mai ka hola 3 o ka 'auinalā a i ka hola 5:00.
Kū'ē i ka hewa. Kū'ē ka 'āuna kumu o ke Kulanui o Hawai'i ma Mānoa i ke kūkulu 'ia 'ana o ka UARC, ke kikowaena noi'i o ka 'oihana moku o 'Amelika Hui pū 'ia ma ia kulanui. He 100 mau kumu kai hele i ka hālāwai i mālama 'ia aku nei i ka Pō'akolu nei, a he kū'ē lākou i ka UARC.
'A'ohe nao 'ai i ka pāpa'a. Luku aku nei nā Wāhine Ānuenue i ko Uta State i ka Pō'ahā nei ma loko o nā pā'ani he 'ekolu wale nō, he 30 i ka 20, he 30 i ka 28, he 30 i ka 19. 'A'ole i kana mai ka maika'i o ka pā'ani 'ana o Sarah Mason, he 15 āna ho'opio. 'O Tara Hittle a me Juliana Sanders kekahi i 'eleu ma ka ho'opio 'ana, he 10 ho'opio pākahi. I kēia manawa, ke kū kilakila aku nei nā Wāhine ma ka 'Ahahui 'Ālapa Komohana, he 8 lanakila, a 'a'ohe wahi hā'ule. [Kū'ē aku nei nā Wāhine Ānuenue iā Sana Jose State i ka pō nei, 'a'ole na'e i pau ka ho'okūkū i ka wā i hana 'ia ai kēia kolamu.]
Lima Ikaika. Kau aku nei 'o Colt Brennan i ka hano hāweo, 'o ia ka mea pā'ani 'oi o ka 'ao'ao kūlele o ka 'Ahahui 'Ālapa Komohana o ka pule. 'O Brennan ke 'alihikūlele o nā Ānuenue, a he keu kona lima a ka ikaika, ua kiloi 'o ia i ke kinipōpō, he 515 'īā ma ka lanakila 'ana aku ma luna o Nū Mekiko State ma kēlā Pō'aono aku nei, a he 'ehiku 'aiholo.
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
