— ADVERTISEMENT —
Starbulletin.com



Kauakukalahale







Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.



Ho‘omäke‘aka

Synopsis: A few comical stories.


Aloha mai e nä makamaka heluhelu, eia mai kahi mau mo'olelo ho'omäke'aka e ho'onanea ai i ka heluhelu. O kekahi, no loko mai o ka nupepa kahiko, a o kekahi, na kekahi kanaka lapuwale ia o këia au e ka'a aku nei. A o ka mea mua nana e leka uila mai iä rsolis@hawaii.edu me ka hoike ana mai, 'o ka mo'olelo hea ka mea kahiko, a me ke kumu äna e kuhi nei pela. 'O ka mea näna ka hä'ina pololei, e lilo iä ia ka makana-- 'o ka puke 'Ölelo No'eau.

Penei nä mo'olelo.


Oiai kekahi wahi kanaka i hele aku ai i kahi o kona haku, ua nana pono mai la kona haku iaia me ke ano okalakala; ia wa, pane aku la ua wahi kanaka nei, Hauoli maoli au i ko'u ike ana mai nei ia oe he mau nanaina olioli kou i kou ike ana ae nei paha ia'u. Pehea i akaka ai ia oe ua olioli au? i ninau aku ai kona haku. No ka aa hoi o kou mau maka me he maka liona la. Kahaha! Pehea hoi i akaka ai ia oe, ua like ko'u maka me ko ka liona, oiai, aohe oe i ike i ka liona? Ka, ua ike no hoi au i ka liona e holoholo ia ana e kekahi wahi kanaka ma ke alanui ae nei no hoi la, he aa no hoi na maka, a loloa no hoi na pepeiao. Ka, aole aku la paha ia he liona, he kekake paha. Ina pela, ua like loa no kou mau maka me ko ke kekake, a like ole nae hoi ma na pepeiao o olua, oiai, he loloa hoi ko iala, he kihikihi hoi kou. Ia wa, pii ino ae la ka inaina o ua haku nei, a palamimo ana hoi kela, heo ana me ka haaloulou hele ana.


Oiai kekahi wahi kanaka mahi ai e noho ana ma ke awawa o Nuuanu, hoomaka iho la ka hoea a na mikionali ilaila e noho ai. Lawe pu ia me lakou na holoholona o kela me keia ano, o ka pipi oe, o ke kao oe, oia mau ano. Mamuli oia mau hoa noho hou o ua kanaka mahi ai nei, o Kahiliaawahua, poina loa iho la kona mau akua, na akua hoi nana oia i kokua. Ia wa, puka aku la ua o Kahiliaawahua i waho, o ka wa ia i oo ai ke kalo. I huki mai ko ia nei hana i ke kalo mua, he palaho wale iho no ke ano. Oia huki no apau ke kalo i ka hukiia. A he palaho no ka lua, ke kolu, a me ia kalo aku ia kalo aku. O ka mea mau, he mohaha pono ke kalo. Noonoo ae la oia nei i ke kumu o keia mea anoe ana e ike aku nei. Oi noonoo ae ua kanaka mahi ai nei a komo iho la ka manao iloko ona no kona mau akua. Aole oia i hoomana iki ia lakou i na mahina i kaa hope aku nei. O kona alana koke akula noia i ka ai i na akua ona. I lawa no a pau ka pule ana aku, kali ana o Kahiliaawahua o ka loaa ana o kahi hoailona e ikeia ai ka oluolu o na akua. Oi kali ua Kahiliaawahua a ike aku la i na holoholona he nui, aole e pau i ka helu, i ka hele palua mai, oia no oe o ke kai hele palua o na holoholona i ka hale lana nunui o Noa. Hoea mua mai i ona la he elua pipi, he kane a me kana wahine, kio mai la a hele loa ana. Maalo ana na holoholona a pau ia ia nei me ke kio pu ana mai ma mua ona. A "pakaku ke Kiowao o Nuuanu, hana lepo ukele ka hopena."





E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ho‘omāke‘aka

Synopsis: A few comical stories.


Aloha mai e nā makamaka heluhelu, eia mai kahi mau mo'olelo ho'omāke'aka e ho'onanea ai i ka heluhelu. O kekahi, no loko mai o ka nupepa kahiko, a o kekahi, na kekahi kanaka lapuwale ia o kēia au e ka'a aku nei. A o ka mea mua nana e leka uila mai iā rsolis@hawaii.edu me ka hoike ana mai, 'o ka mo'olelo hea ka mea kahiko, a me ke kumu āna e kuhi nei pela. 'O ka mea nāna ka hā'ina pololei, e lilo iā ia ka makana-- 'o ka puke 'Ōlelo No'eau.

Penei nā mo'olelo.


Oiai kekahi wahi kanaka i hele aku ai i kahi o kona haku, ua nana pono mai la kona haku iaia me ke ano okalakala; ia wa, pane aku la ua wahi kanaka nei, Hauoli maoli au i ko'u ike ana mai nei ia oe he mau nanaina olioli kou i kou ike ana ae nei paha ia'u. Pehea i akaka ai ia oe ua olioli au? i ninau aku ai kona haku. No ka aa hoi o kou mau maka me he maka liona la. Kahaha! Pehea hoi i akaka ai ia oe, ua like ko'u maka me ko ka liona, oiai, aohe oe i ike i ka liona? Ka, ua ike no hoi au i ka liona e holoholo ia ana e kekahi wahi kanaka ma ke alanui ae nei no hoi la, he aa no hoi na maka, a loloa no hoi na pepeiao. Ka, aole aku la paha ia he liona, he kekake paha. Ina pela, ua like loa no kou mau maka me ko ke kekake, a like ole nae hoi ma na pepeiao o olua, oiai, he loloa hoi ko iala, he kihikihi hoi kou. Ia wa, pii ino ae la ka inaina o ua haku nei, a palamimo ana hoi kela, heo ana me ka haaloulou hele ana.


Oiai kekahi wahi kanaka mahi ai e noho ana ma ke awawa o Nuuanu, hoomaka iho la ka hoea a na mikionali ilaila e noho ai. Lawe pu ia me lakou na holoholona o kela me keia ano, o ka pipi oe, o ke kao oe, oia mau ano. Mamuli oia mau hoa noho hou o ua kanaka mahi ai nei, o Kahiliaawahua, poina loa iho la kona mau akua, na akua hoi nana oia i kokua. Ia wa, puka aku la ua o Kahiliaawahua i waho, o ka wa ia i oo ai ke kalo. I huki mai ko ia nei hana i ke kalo mua, he palaho wale iho no ke ano. Oia huki no apau ke kalo i ka hukiia. A he palaho no ka lua, ke kolu, a me ia kalo aku ia kalo aku. O ka mea mau, he mohaha pono ke kalo. Noonoo ae la oia nei i ke kumu o keia mea anoe ana e ike aku nei. Oi noonoo ae ua kanaka mahi ai nei a komo iho la ka manao iloko ona no kona mau akua. Aole oia i hoomana iki ia lakou i na mahina i kaa hope aku nei. O kona alana koke akula noia i ka ai i na akua ona. I lawa no a pau ka pule ana aku, kali ana o Kahiliaawahua o ka loaa ana o kahi hoailona e ikeia ai ka oluolu o na akua. Oi kali ua Kahiliaawahua a ike aku la i na holoholona he nui, aole e pau i ka helu, i ka hele palua mai, oia no oe o ke kai hele palua o na holoholona i ka hale lana nunui o Noa. Hoea mua mai i ona la he elua pipi, he kane a me kana wahine, kio mai la a hele loa ana. Maalo ana na holoholona a pau ia ia nei me ke kio pu ana mai ma mua ona. A "pakaku ke Kiowao o Nuuanu, hana lepo ukele ka hopena."





E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | |
E-mail to City Desk

BACK TO TOP



© Honolulu Star-Bulletin -- https://archives.starbulletin.com

— ADVERTISEMENT —
— ADVERTISEMENTS —


— ADVERTISEMENTS —