— ADVERTISEMENT —
Starbulletin.com



Kauakukalahale







Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.



Na wai ka ‘ole
o ke akamai

Synopsis: Congratulations to the students who are graduating next week from their universities this semester.

Aloha mai e nä makamaka heluhelu, ua hiki hou mai ke Käpaki, a he hiki mai koe o ka lä e puka ai nä haumäna lae pua o ke Kulanui o Hawai'i, 'o këia Läpule a'e nö ia. 'O kahi mea e 'oli'oli ai ka na'au, eia nö kekahi mau keiki Hawai'i e puka mai ana, mai ka polokalamu lae pua, a i 'ole ka lae o'o a lae 'ula paha. A ke mähuahua a'ela nö ko läkou nui i këlä me këia makahiki. I mua käkou e nä Hawai'i a loa'a ka lei o ka lanakila.

A 'auhea 'oukou e nä haumäna e puka ana i këia pule a'e, a me nä haumäna i puka akula i nä makahiki i ka'a hope a'e nei, a me nä haumäna e puka aku ana ma këia hope aku, he wahi mahalo këia iä 'oukou no ko 'oukou ho'omanawanui 'ana mai a me ka pa'u 'ana aku i ka hana i mea e loa'a pono ai ka lei o ka lanakila. A pëlä pü me ka mahalo 'ana i ko 'oukou akamai. 'Eä, ke lohe 'oukou i kahi 'ölelo mahalo i ko 'oukou akamai, mai nö a ho'okano mai ka no'ono'o me ka pane pü 'ana aku i ka mea näna ia mahalo, "'Ae, he keu au o ke keiki akamai, 'a'ohe lua e like ai," a pëlä aku, e like ho'i paha me kä käkou mea e 'ike ai i kekahi manawa. A 'a'ole nö ho'i e hö'ole i ke kanaka nona ia mana'o mahalo, ma ka 'ölelo 'ana a'e, "'A'ole, 'a'ole au he kanaka akamai." Mai 'ölelo iki pëlä, no ka mea, he akamai 'i'o nö 'oukou.

E aho paha ka 'ölelo 'ana e like me ka 'ölelo a kekahi o nä ali'i aloha o ke au i hala, 'o ia ho'i, 'o Liholiho. I ka wä i mahalo 'ia ai kona akamai, penei käna mea o ka ho'opuka 'ana aku,

""Na wai ho'i ka 'ole o ke akamai, he ala ia i ma'a i ka hele 'ia e o'u mau küpuna."

A 'o ia mau hua e kau a'e nei ma luna, 'a'ole ia he 'ölelo ho'opunipuni, he kü nö ia i ka 'oia'i'o. 'Eä, 'a'ole i kana mai ka 'ike o ko käkou mau küpuna, a no laila, ke ho'opuka 'ia ua mau 'ölelo nei a Liholiho, he hö'ike ia i ko käkou mahalo i nä küpuna. 'A'ohe ona mana'o ho'oki'eki'e, a ho'okano ho'i, a no laila, he pane maika'i nö paha ia i ka manawa e mahalo 'ia ai ko 'oukou akamai. 'O ia ihola, i lohe 'oukou.

Iä 'oukou ke aloha o nä luna ho'oponopono o Kauakükalahale.

[Hulö! Hulö!! Piha hau'oli nö ho'i ko mäkou na'au i ka lohe 'ana, e puka ana kekahi o nä kumu 'ölelo Hawai'i o ke Kulanui o Hawai'i i këia Läpule a'e, 'o ia nö 'o Kahikina de Silva. Ua pa'a akula iä ia ke kekelë lae o'o ma ke ke'ena 'ölelo Pelekane.

A 'o kahi, mai poina, ua mäkaukau nä polokalamu laeo'o o ka Hälau 'Ölelo Hawai'i a me ka Hälau 'Ike Hawai'i, a e ho'omaka ana ia mau polokalamu i ke kau hä'ulelau. A no laila, inä he mana'o kou e komo aku i kekahi o ia mau polokalamu, e kelepona i ka Hälau 'Ölelo Hawai'i ma ka helu 956-3555 a i ka Hälau 'Ike Hawai'i paha ma ka helu 973-0989.]





E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Na wai ka ‘ole
o ke akamai

Synopsis: Congratulations to the students who are graduating next week from their universities this semester.

Aloha mai e nā makamaka heluhelu, ua hiki hou mai ke Kāpaki, a he hiki mai koe o ka lā e puka ai nā haumāna lae pua o ke Kulanui o Hawai'i, 'o kēia Lāpule a'e nō ia. 'O kahi mea e 'oli'oli ai ka na'au, eia nō kekahi mau keiki Hawai'i e puka mai ana, mai ka polokalamu lae pua, a i 'ole ka lae o'o a lae 'ula paha. A ke māhuahua a'ela nō ko lākou nui i kēlā me kēia makahiki. I mua kākou e nā Hawai'i a loa'a ka lei o ka lanakila.

A 'auhea 'oukou e nā haumāna e puka ana i kēia pule a'e, a me nā haumāna i puka akula i nā makahiki i ka'a hope a'e nei, a me nā haumāna e puka aku ana ma kēia hope aku, he wahi mahalo kēia iā 'oukou no ko 'oukou ho'omanawanui 'ana mai a me ka pa'u 'ana aku i ka hana i mea e loa'a pono ai ka lei o ka lanakila. A pēlā pū me ka mahalo 'ana i ko 'oukou akamai. 'Eā, ke lohe 'oukou i kahi 'ōlelo mahalo i ko 'oukou akamai, mai nō a ho'okano mai ka no'ono'o me ka pane pū 'ana aku i ka mea nāna ia mahalo, "'Ae, he keu au o ke keiki akamai, 'a'ohe lua e like ai," a pēlā aku, e like ho'i paha me kā kākou mea e 'ike ai i kekahi manawa. A 'a'ole nō ho'i e hō'ole i ke kanaka nona ia mana'o mahalo, ma ka 'ōlelo 'ana a'e, "'A'ole, 'a'ole au he kanaka akamai." Mai 'ōlelo iki pēlā, no ka mea, he akamai 'i'o nō 'oukou.

E aho paha ka 'ōlelo 'ana e like me ka 'ōlelo a kekahi o nā ali'i aloha o ke au i hala, 'o ia ho'i, 'o Liholiho. I ka wā i mahalo 'ia ai kona akamai, penei kāna mea o ka ho'opuka 'ana aku,

""Na wai ho'i ka 'ole o ke akamai, he ala ia i ma'a i ka hele 'ia e o'u mau kūpuna."

A 'o ia mau hua e kau a'e nei ma luna, 'a'ole ia he 'ōlelo ho'opunipuni, he kū nō ia i ka 'oia'i'o. 'Eā, 'a'ole i kana mai ka 'ike o ko kākou mau kūpuna, a no laila, ke ho'opuka 'ia ua mau 'ōlelo nei a Liholiho, he hō'ike ia i ko kākou mahalo i nā kūpuna. 'A'ohe ona mana'o ho'oki'eki'e, a ho'okano ho'i, a no laila, he pane maika'i nō paha ia i ka manawa e mahalo 'ia ai ko 'oukou akamai. 'O ia ihola, i lohe 'oukou.

Iā 'oukou ke aloha o nā luna ho'oponopono o Kauakūkalahale.

[Hulō! Hulō!! Piha hau'oli nō ho'i ko mākou na'au i ka lohe 'ana, e puka ana kekahi o nā kumu 'ōlelo Hawai'i o ke Kulanui o Hawai'i i kēia Lāpule a'e, 'o ia nō 'o Kahikina de Silva. Ua pa'a akula iā ia ke kekelē lae o'o ma ke ke'ena 'ōlelo Pelekane.

A 'o kahi, mai poina, ua mākaukau nā polokalamu laeo'o o ka Hālau 'Ōlelo Hawai'i a me ka Hālau 'Ike Hawai'i, a e ho'omaka ana ia mau polokalamu i ke kau hā'ulelau. A no laila, inā he mana'o kou e komo aku i kekahi o ia mau polokalamu, e kelepona i ka Hālau 'Ōlelo Hawai'i ma ka helu 956-3555 a i ka Hālau 'Ike Hawai'i paha ma ka helu 973-0989.]





E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | | PRINTER-FRIENDLY VERSION
E-mail to City Desk

BACK TO TOP



© Honolulu Star-Bulletin -- https://archives.starbulletin.com

— ADVERTISEMENT —
— ADVERTISEMENTS —


— ADVERTISEMENTS —