— ADVERTISEMENT —
Starbulletin.com



Kauakukalahale







Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.



I mua Hawai‘i!

Synopsis: Two new Hawaiian graduate programs at the University of Hawai'i at Mänoa, the MA in Hawaiian and the MA in Hawaiian Studies.

Aloha mai e nä hoa makamaka o Kauakükalahale, ka 'elele näna e kükala aku i ka mea ho'ouluhua na'au, a me ka mea hö'olu'olu na'au, i ka nü kaumaha, a pëlä pü me ka nü 'oli. 'O ka nü 'oli ke 'ike 'ia ana ma këia kolamu 'ölelo Hawai'i i këia Läpule nani. Piha hau'oli nö mäkou i ka lohe 'ana aku nei i kahi manu e kani leo a'e ana, "I mua käkou e nä Hawai'i! I mua a e inu i ka wai 'awa-'awa, 'a'ohe hope e ho'i ai!" A i mua nö i hele ai a i mua nö e holo mau ana.

E nïnau mai auane'i kekahi, he aha këia nü e 'oli'oli ai ka na'au. 'O ia nö ho'i këia, ua 'äpono 'ia aku nei he 2 polokalamu laeo'o hou e mälama 'ia ana ma ke Kulanui o Hawai'i ma Mänoa, 'o ia ho'i, ka polokalamau laeo'o o ka Hälau 'Ölelo Hawai'i, i kapa 'ia 'o ka MA in Hawaiian, a me ka polokala-mu laeo'o o ka Hälau 'Ike Hawai'i, i kapa 'ia ho'i 'o ka MA in Hawaiian Studies.

'O nä haumäna e mana'o nei e kauinoa, e ho'oili mua i luna o ka 'ao'ao punaewele o ke ke'ena kula loea ma hawaii.edu/graduatestudies a e kaomi iä "Admissions", e kauinoa (Login), a huli aku i ka polokalamu "MA in Hawaiian" a i ka "MA in Hawaiian Studies" paha, a loa'a, a laila, e hoopihapiha i ia palapala. (Wahi a kahi luna o ia ke'ena, e aho ka hoopiha palapala 'ana ma ka punaewele, a ma laila e ho'ouna 'ia ai, ma kahi o ka ho'oili 'ana iho i ka palapala pdf, ho'opiha 'ia, a pa'i 'ia a ho'iho'i 'ia aku i ua ke'ena lä.) E pa'a pono nä koina o ia ke'ena a me nä koina o ka polokalamu äu e koho ai (ka polokalamu laeo'o o ka Hälau 'Ölelo Hawai'i a i 'ole ka Hälau 'Ike Hawai'i) ma mua o ka ho'okomo 'ia 'ana. 'O ka lä palenapau, 'o ka lä mua ia o Iune, he pono ke pa'a nä mea a pau i ke ke'ena kula loea ke hiki aku i ia lä.

Inä he nïnau käu, a ua ulu paha ka mana'o e komo ma ka polokalamu laeo'o o ka Hälau 'Ölelo Hawai'i, e kelepona aku iä Kaliko Baker ma ka helu 956-3555.

A inä he nïnau käu, a he 'i'ini paha e komo ma ka polokalamu Hälau 'Ike Hawai'i, e kelepona aku i ka Hälau 'Ike Hawai'i ma ka helu 973-0989.

Ke loa'a mai kekahi mau mea e pili ana i këia mau polokalamu, na këia 'elele paha e kükala aku i mua o ka lehulehu.

He lö'ihi nö ke alahele ma këia holo 'ana o nä polokalamu a i 'elua, mai ka wä i kupu ai ka mana'o a i këia wä a käkou e 'ike maka nei i nä hua e pau ai nä lä makapehu o käkou. A no laila, he wä këia e hä'awi ai i ke aloha a me ka mahalo i nä känaka a pau i alu like a i käko'o paha ma ka ho'oulu 'ana i këia mau polokalamu 'elua i mea e holo mua ai ka Hawai'i. Mahalo a nui, a e ho'olaha aku i këia mau polokalamu iä läkou lä a iä läkou nei a laha. 'O ia ihola i lohe 'oe.

Ke aloha nö.





E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

I mua Hawai‘i!

Synopsis: Two new Hawaiian graduate programs at the University of Hawai'i at Mānoa, the MA in Hawaiian and the MA in Hawaiian Studies.

Aloha mai e nā hoa makamaka o Kauakūkalahale, ka 'elele nāna e kūkala aku i ka mea ho'ouluhua na'au, a me ka mea hō'olu'olu na'au, i ka nū kaumaha, a pēlā pū me ka nū 'oli. 'O ka nū 'oli ke 'ike 'ia ana ma kēia kolamu 'ōlelo Hawai'i i kēia Lāpule nani. Piha hau'oli nō mākou i ka lohe 'ana aku nei i kahi manu e kani leo a'e ana, "I mua kākou e nā Hawai'i! I mua a e inu i ka wai 'awa-'awa, 'a'ohe hope e ho'i ai!" A i mua nō i hele ai a i mua nō e holo mau ana.

E nīnau mai auane'i kekahi, he aha kēia nū e 'oli'oli ai ka na'au. 'O ia nō ho'i kēia, ua 'āpono 'ia aku nei he 2 polokalamu laeo'o hou e mālama 'ia ana ma ke Kulanui o Hawai'i ma Mānoa, 'o ia ho'i, ka polokalamau laeo'o o ka Hālau 'Ōlelo Hawai'i, i kapa 'ia 'o ka MA in Hawaiian, a me ka polokala-mu laeo'o o ka Hālau 'Ike Hawai'i, i kapa 'ia ho'i 'o ka MA in Hawaiian Studies.

'O nā haumāna e mana'o nei e kauinoa, e ho'oili mua i luna o ka 'ao'ao punaewele o ke ke'ena kula loea ma hawaii.edu/graduatestudies a e kaomi iā "Admissions", e kauinoa (Login), a huli aku i ka polokalamu "MA in Hawaiian" a i ka "MA in Hawaiian Studies" paha, a loa'a, a laila, e hoopihapiha i ia palapala. (Wahi a kahi luna o ia ke'ena, e aho ka hoopiha palapala 'ana ma ka punaewele, a ma laila e ho'ouna 'ia ai, ma kahi o ka ho'oili 'ana iho i ka palapala pdf, ho'opiha 'ia, a pa'i 'ia a ho'iho'i 'ia aku i ua ke'ena lā.) E pa'a pono nā koina o ia ke'ena a me nā koina o ka polokalamu āu e koho ai (ka polokalamu laeo'o o ka Hālau 'Ōlelo Hawai'i a i 'ole ka Hālau 'Ike Hawai'i) ma mua o ka ho'okomo 'ia 'ana. 'O ka lā palenapau, 'o ka lā mua ia o Iune, he pono ke pa'a nā mea a pau i ke ke'ena kula loea ke hiki aku i ia lā.

Inā he nīnau kāu, a ua ulu paha ka mana'o e komo ma ka polokalamu laeo'o o ka Hālau 'Ōlelo Hawai'i, e kelepona aku iā Kaliko Baker ma ka helu 956-3555.

A inā he nīnau kāu, a he 'i'ini paha e komo ma ka polokalamu Hālau 'Ike Hawai'i, e kelepona aku i ka Hālau 'Ike Hawai'i ma ka helu 973-0989.

Ke loa'a mai kekahi mau mea e pili ana i kēia mau polokalamu, na kēia 'elele paha e kūkala aku i mua o ka lehulehu.

He lō'ihi nō ke alahele ma kēia holo 'ana o nā polokalamu a i 'elua, mai ka wā i kupu ai ka mana'o a i kēia wā a kākou e 'ike maka nei i nā hua e pau ai nā lā makapehu o kākou. A no laila, he wā kēia e hā'awi ai i ke aloha a me ka mahalo i nā kānaka a pau i alu like a i kāko'o paha ma ka ho'oulu 'ana i kēia mau polokalamu 'elua i mea e holo mua ai ka Hawai'i. Mahalo a nui, a e ho'olaha aku i kēia mau polokalamu iā lākou lā a iā lākou nei a laha. 'O ia ihola i lohe 'oe.

Ke aloha nō.





E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | | PRINTER-FRIENDLY VERSION
E-mail to City Desk

BACK TO TOP



© Honolulu Star-Bulletin -- https://archives.starbulletin.com

— ADVERTISEMENT —
— ADVERTISEMENTS —


— ADVERTISEMENTS —