— ADVERTISEMENT —
Starbulletin.com



Kauakukalahale







Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.



By Küpopou

Ka Ho‘okükü Hula

Synopsis: Should there be a Mr. Aloha Hula contest in the Merry Monarch Hula Festival.

Aloha mai e nä makamaka heluhelu mai ka puka 'ana mai o ka lä i Makanoni, a i kona welo 'ana i ka mole 'olu o Lehua. Ua nanea maoli ka nänä 'ana i ka ho'okükü hula kaulana loa o ka 'äina, a o ka honua nei nö ho'i paha, i kapa 'ia 'o ka ho'okükü hula 'o ka Merrie Monarch. Ma ka pö Pö'ahä nei, ka lä mua o ua ho'okükü nei, ua 'olu maoli nö i ka hula nä kino o nä moho no ka Miki Aloha Hula. A 'a'ole o kana mai ka u'i o läkou moho. A ma ka pö Pö'alima nei, ka pö ho'i i hula 'ia ai ka hula kahiko e nä hälau hula mai 'ö a 'ö o ka 'äina, nä wähine, a me nä käne nö ho'i kekahi, ua maika'i wale, hemolele i ka mälie. A pëlä pü nö me ka hula 'auana i hula 'ia aku nei i ka pö nei e nä käne a me nä wähine o ia mau hula hälau. 'A'ole i kükala 'ia nä hälau i lilo ka makana i ka manawa i käkau 'ia ai nei mo'olelo, akä he mahalo ka mea käkau iä läkou, nä kumu a me nä haumäna no ko läkou aloha i ka hula, a me ka ho'omau 'ana i ia hana mai nä küpuna mai.

Ho'okahi na'e mea mina-mina a kou mea käkau i 'ike ai, a 'o käna mea ia o ke käkau 'ana mai nei i këia leka nei. 'O ia mea minamina, 'o ia ka mälama 'ole 'ia 'ana aku o kahi ho'okükü hula no nä käne, kahi ho'i e ho'okükü ho'okahi ai nä käne o nä hälau like 'ole i wahi e 'ike ai i ke käne 'oi ma ka hula, a e kapa 'ia ai 'o ia, 'o ia ka Mika Aloha Hula. Ua loa'a maila ko nä wähine ho'okükü hula kahi, kahi e lilo ai ka makana i ka wahine 'oi loa ma ka hula kahiko a me ka hula 'auana. A aloha nö nä käne i ka ho'opoina 'ia a i ka ho'okae 'ia nö paha, he mamo na Kamapua'a. Akä e like me kä käkou mea o ka 'ike 'ana i këlä me këia makahiki, he mea 'ë ka maika'i o ka hula 'ana o nä käne ma nä ho'okükü o nä hälau. He mana'o nö ho'i paha ko nä käne e hö'ike i ko läkou aloha i ka hula.

A no laila, i 'ehä paha lä ho'okükü o ua ho'okükü hula nei 'o ka Merry Monarch, 'o ia paha ka mea e pono ai. 'O ia ho'i, e ho'oka'awale 'ia he ho'okahi pule holo'oko'a i wä e hö'ike 'ia ai ka hula a puni ka honua. 'O ka hö'ike o ka Pö'akolu, ma ka Pö'alua paha e mälama 'ia ai. A 'o ka ho'okükü Miki Aloha Hula, ma ka Pö'akolu paha e mälama 'ia ai. A 'o ka Pö'ahä, lilo ia i lä e mälama 'ia ai ka ho'okükü hou no nä käne, 'o ia ho'i ka ho'okükü Mika Aloha Hula. A 'o ka Pö'alima a me ka Pö'aono, no nä hälau ia, e like me ka mea mau.

Aia nö paha ka mälama 'ia 'ana o ka ho'okükü Mika Aloha Hula a nui nä leo paipai i nä känaka näna e mälama i ka ho'okükü hula 'o ka Merrie Monarch.

A ke 'oki aku nei au ma 'ane'i me ka hä'awi aloha 'ana iä 'oukou e nä makamaka heluhelu a loa'a hou kahi lumi ka'awale o këia kolamu 'ölelo Hawai'i, o Kauakükalahale ma këia nüpepa nei. Ke ho'i aku nei ko Puahia keiki, ua ahiahi.





E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

By Kūpopou

Ka Ho‘okūkū Hula

Synopsis: Should there be a Mr. Aloha Hula contest in the Merry Monarch Hula Festival.

Aloha mai e nā makamaka heluhelu mai ka puka 'ana mai o ka lā i Makanoni, a i kona welo 'ana i ka mole 'olu o Lehua. Ua nanea maoli ka nānā 'ana i ka ho'okūkū hula kaulana loa o ka 'āina, a o ka honua nei nō ho'i paha, i kapa 'ia 'o ka ho'okūkū hula 'o ka Merrie Monarch. Ma ka pō Pō'ahā nei, ka lā mua o ua ho'okūkū nei, ua 'olu maoli nō i ka hula nā kino o nā moho no ka Miki Aloha Hula. A 'a'ole o kana mai ka u'i o lākou moho. A ma ka pō Pō'alima nei, ka pō ho'i i hula 'ia ai ka hula kahiko e nā hālau hula mai 'ō a 'ō o ka 'āina, nā wāhine, a me nā kāne nō ho'i kekahi, ua maika'i wale, hemolele i ka mālie. A pēlā pū nō me ka hula 'auana i hula 'ia aku nei i ka pō nei e nā kāne a me nā wāhine o ia mau hula hālau. 'A'ole i kūkala 'ia nā hālau i lilo ka makana i ka manawa i kākau 'ia ai nei mo'olelo, akā he mahalo ka mea kākau iā lākou, nā kumu a me nā haumāna no ko lākou aloha i ka hula, a me ka ho'omau 'ana i ia hana mai nā kūpuna mai.

Ho'okahi na'e mea mina-mina a kou mea kākau i 'ike ai, a 'o kāna mea ia o ke kākau 'ana mai nei i kēia leka nei. 'O ia mea minamina, 'o ia ka mālama 'ole 'ia 'ana aku o kahi ho'okūkū hula no nā kāne, kahi ho'i e ho'okūkū ho'okahi ai nā kāne o nā hālau like 'ole i wahi e 'ike ai i ke kāne 'oi ma ka hula, a e kapa 'ia ai 'o ia, 'o ia ka Mika Aloha Hula. Ua loa'a maila ko nā wāhine ho'okūkū hula kahi, kahi e lilo ai ka makana i ka wahine 'oi loa ma ka hula kahiko a me ka hula 'auana. A aloha nō nā kāne i ka ho'opoina 'ia a i ka ho'okae 'ia nō paha, he mamo na Kamapua'a. Akā e like me kā kākou mea o ka 'ike 'ana i kēlā me kēia makahiki, he mea 'ē ka maika'i o ka hula 'ana o nā kāne ma nā ho'okūkū o nā hālau. He mana'o nō ho'i paha ko nā kāne e hō'ike i ko lākou aloha i ka hula.

A no laila, i 'ehā paha lā ho'okūkū o ua ho'okūkū hula nei 'o ka Merry Monarch, 'o ia paha ka mea e pono ai. 'O ia ho'i, e ho'oka'awale 'ia he ho'okahi pule holo'oko'a i wā e hō'ike 'ia ai ka hula a puni ka honua. 'O ka hō'ike o ka Pō'akolu, ma ka Pō'alua paha e mālama 'ia ai. A 'o ka ho'okūkū Miki Aloha Hula, ma ka Pō'akolu paha e mālama 'ia ai. A 'o ka Pō'ahā, lilo ia i lā e mālama 'ia ai ka ho'okūkū hou no nā kāne, 'o ia ho'i ka ho'okūkū Mika Aloha Hula. A 'o ka Pō'alima a me ka Pō'aono, no nā hālau ia, e like me ka mea mau.

Aia nō paha ka mālama 'ia 'ana o ka ho'okūkū Mika Aloha Hula a nui nā leo paipai i nā kānaka nāna e mālama i ka ho'okūkū hula 'o ka Merrie Monarch.

A ke 'oki aku nei au ma 'ane'i me ka hā'awi aloha 'ana iā 'oukou e nā makamaka heluhelu a loa'a hou kahi lumi ka'awale o kēia kolamu 'ōlelo Hawai'i, o Kauakūkalahale ma kēia nūpepa nei. Ke ho'i aku nei ko Puahia keiki, ua ahiahi.





E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | | PRINTER-FRIENDLY VERSION
E-mail to City Desk

BACK TO TOP



© Honolulu Star-Bulletin -- https://archives.starbulletin.com

— ADVERTISEMENT —
— ADVERTISEMENTS —


— ADVERTISEMENTS —