---

Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here. Reference: Ulukau.org Hawaiian-English Dictionary

By M. Alama

Mälama i ke kanaka nui
me ke kanaka iki

Synopsis: The author suggests possible remedies for the homeless situation here in Hawai'i.

Aloha nö nä känaka home 'ole. 'Imi akula läkou a loa'a kahi 'olu'olu ma nä kahakai a ma nä päka paha o nei pae 'äina. A e noho wale aku ana nö ma laila me ka ho'opilikia 'ole iä ha'i. A eia kä ka lima o ke aupuni e pa'i aku ana i ia mau 'äina, me ka pülumi wale 'ana aku i ua mau känaka lä me he mea lä, he hunehune pelena wale nö. Ma hea lä läkou e noho ai? He mau keiki kä kekahi, he mau mäkua a küpuna paha ko kekahi i hele a kolopupü a haumaka'iole paha, a i kekahi manawa, 'a'ole lawa ke kälä e ho'olimalima ai i hale, a i ke'ena noho paha.

'O kahi mea 'äpiki, he nui paha nä luna o ke aupuni e uku 'ia nei he $90,000 a 'oi aku. A eia nö nä känaka he nui lehulehu e kuewa akula ma Hawai'i nei, a he wahi pupupu hale wale nö paha kä läkou o ka noho 'ana. E aho paha e ho'ëmi 'ia ka uku o nä luna aupuni, a ke 70,000 kälä. A 'o ke koena, e lilo ia no kahi polokalamu kökua i nä känaka home 'ole.

A 'o kahi hana küpono paha ke hana 'ia, 'o ia ho'i ke koi 'ia 'ana o nä känaka kükulu 'äina a me ka hui kükulu 'äina paha, ke kükulu 'ia kahi hökele, a me kahi kahua kolepa paha, he pono ke kükulu pü 'ia kahi hale papa'i no nä känaka home 'ole e noho ai ma ia 'äina ho'okahi nö, a ma kahi kokoke nö paha. A he emi mai ka uku o ka noho 'ana ma ia wahi hale papa'i no ia mau känaka li'ili'i o ke kälä. A 'o kahi, he hiki paha i nä hui nona ka hökele a kahua kolepa ke hai aku i ua mau känaka home 'ole lä. A e makemake ana paha nä 'ao'ao a 'elua ke mälama pono i ka hale papa'i.

'O ke aloha nö paha këia i nä makamaka heluhelu a pëlä pü me nä keiki 'öniu ho'olele hua këpau o ka Hökü Buletina e pa'u nei i ka hana. Mahalo iä 'oukou no ke käko'o 'ana i këia kölamu 'ölelo Hawai'i nei. Eia ko Nu'uanu keiki ke ho'i akula, ua ahiahi.

---

Hali'a Hawai'i

Synopsis: The second night of a free five-event Hawaiian music concert series this semester presented by Kamakaküokalani, featuring the best in Hawaiian music.

Aloha mai e nä hoa puni mele Hawai'i, e naue aku i këia Pö'alima, ka lä 11 o Malaki, i ka Hälau o Haumea ma Kamakaküokalani Hälau 'Ike Hawai'i ma ke Kulanui o Hawai'i ma Mänoa, no ka 'ahamele i kapa 'ia 'o Hali'a Hawai'i. 'O ka lua këia o ka 'ahamele, a 'o nä pu'ukani 'elua o ia ahiahi, 'o ia ana 'o Martin a me Cyril Pahinui. E nanea maoli ana ka pepeiao, ke hele aku i laila. Ho'omaka i ka hola 7 o ke ahiahi a pau i ka hola 8:15. A he manuahi ke komo 'ana.

---

Ulukau.org
Hawaiian-English Dictionary

---

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

---

BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Mālama i ke kanaka nui
me ke kanaka iki

Aloha nō nā kānaka home 'ole. 'Imi akula lākou a loa'a kahi 'olu'olu ma nā kahakai a ma nā pāka paha o nei pae 'āina. A e noho wale aku ana nō ma laila me ka ho'opilikia 'ole iā ha'i. A eia kā ka lima o ke aupuni e pa'i aku ana i ia mau 'āina, me ka pūlumi wale 'ana aku i ua mau kānaka lā me he mea lā, he hunehune pelena wale nō. Ma hea lā lākou e noho ai? He mau keiki kā kekahi, he mau mākua a kūpuna paha ko kekahi i hele a kolopupū a haumaka'iole paha, a i kekahi manawa, 'a'ole lawa ke kālā e ho'olimalima ai i hale, a i ke'ena noho paha.

'O kahi mea 'āpiki, he nui paha nā luna o ke aupuni e uku 'ia nei he $90,000 a 'oi aku. A eia nō nā kānaka he nui lehulehu e kuewa akula ma Hawai'i nei, a he wahi pupupu hale wale nō paha kā lākou o ka noho 'ana. E aho paha e ho'ēmi 'ia ka uku o nā luna aupuni, a ke 70,000 kālā. A 'o ke koena, e lilo ia no kahi polokalamu kōkua i nā kānaka home 'ole.

A 'o kahi hana kūpono paha ke hana 'ia, 'o ia ho'i ke koi 'ia 'ana o nā kānaka kūkulu 'āina a me ka hui kūkulu 'āina paha, ke kūkulu 'ia kahi hōkele, a me kahi kahua kolepa paha, he pono ke kūkulu pū 'ia kahi hale papa'i no nā kānaka home 'ole e noho ai ma ia 'āina ho'okahi nō, a ma kahi kokoke nō paha. A he emi mai ka uku o ka noho 'ana ma ia wahi hale papa'i no ia mau kānaka li'ili'i o ke kālā. A 'o kahi, he hiki paha i nā hui nona ka hōkele a kahua kolepa ke hai aku i ua mau kānaka home 'ole lā. A e makemake ana paha nā 'ao'ao a 'elua ke mālama pono i ka hale papa'i.

'O ke aloha nō paha kēia i nā makamaka heluhelu a pēlā pū me nā keiki 'ōniu ho'olele hua kēpau o ka Hōkū Buletina e pa'u nei i ka hana. Mahalo iā 'oukou no ke kāko'o 'ana i kēia kōlamu 'ōlelo Hawai'i nei. Eia ko Nu'uanu keiki ke ho'i akula, ua ahiahi.

---

Hali'a Hawai'i

Aloha mai e nā hoa puni mele Hawai'i, e naue aku i kēia Pō'alima, ka lā 11 o Malaki, i ka Hālau o Haumea ma Kamakakūokalani Hālau 'Ike Hawai'i ma ke Kulanui o Hawai'i ma Mānoa, no ka 'ahamele i kapa 'ia 'o Hali'a Hawai'i. 'O ka lua kēia o ka 'ahamele, a 'o nā pu'ukani 'elua o ia ahiahi, 'o ia ana 'o Martin a me Cyril Pahinui. E nanea maoli ana ka pepeiao, ke hele aku i laila. Ho'omaka i ka hola 7 o ke ahiahi a pau i ka hola 8:15. A he manuahi ke komo 'ana.

---

---

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.