Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.

Reference:
Ulukau.org
Hawaiian-English Dictionary

By Keawe Lopes

No Nämaka He Inoa

Synopsis: Recollection of Aunty Pat Nämaka Bacon's birthday party.

Auhea wale oe e ke onaona
Ku'u pua 'a'ala o ke ahiahi

Hia'ai ka mana'o ke 'ike aku
I kö 'ala kamaha'o e moani nei

Ka moani nö ia a ka paia lani
'O ka pua hinano kou hoa like

'O ka hoa ia la e la'i ai
Puïa ke 'ala i ka uka

Ha'ina ka puana i lohe 'ia
No Nämaka nö he inoa

'O ia ihola ka puana i mele 'ia no ka wahine hanohano e lei ana i ke a'ali'i kü makani o Ka'ü, 'o ia ho'i 'o 'Anakë Patience Nämaka Bacon. A pëlä nö ho'i ke 'ano o nei mamo i aloha nui 'ia e ka nui lehulehu mai 'ö a 'ö o nä kai 'ewalu, 'a'ohe wahi makani i 'ike 'ia, näna i kula'i i kona külana nani, aia mau nö me kona 'ano küpa'a i ka ho'omau 'ana i ka na'auao o kahiko i a'o 'ia iä ia mai kona wä 'u'uku mai.

I ka Pö'aono nei i mälama 'ia ai he pä'ina lä hänau no ua Nämaka nei, ua piha maila nä makahiki he 85 iä ia. Ua hiki maila nä känaka he nui o nä külana ki'eki'e like 'ole i ia pä'ina e mahalo aku ai i nä lani no nei kupa a me käna mau hana poina 'ole 'ia e käkou a pau. 'O 'Anakë Malia Craver ka i kauleo i ka lani e pähola mai i kona lokomaika'i ma luna mai o 'Anakë Nämaka a me ka pä'ina i ho'omäkaukau 'ia nona. A laila i komo mai ai 'o 'Anakala Ka'upena Wong me ke oli 'ana i 'elua mele oli, 'o Ka Haku I Ka Moana kekahi a 'o Aia e Ka Nani Puaka'ilima kekahi.

Ua hiki pü maila nä pu'ukani helu 'ekahi o ka hïmeni, e la'a me, Mahi Beamer, Eddie Kamae, Randy Fong a me Bill Ka'iwa, a i ia pä'ina nö i hïmeni 'ia ai nä mele e lana ai ka pu'uwai o ua Nämaka nei. Pëlä pü nö ho'i me nä mea hula kaulana 'o ia ho'i 'o Ke Kai o Kahiki ma lalo o kä läkou kumu hula 'o O'Brian Eselu, Hula Hälau o Kamuela me kä läkou kumu hula 'o Kau'i Kamana'o, 'Anakë Momi Kepelino, Leimomi Kon, kumu hula Cy Bridges, a me nä Miss Aloha Hula 'elua 'o ia ho'i 'o Malia Peterson a me Tracie Ka'önohilani Farias Lopes.

Na ka Pua Melia Trio i ho'omaka i ka ho'okani 'ana, 'oiai e komo mai ana nä känaka i ka pä'ina a laila, na O'Brian Eselu a me kona mau hoa käko'o, 'o ia ho'i 'o Kenneth Makuakane, Kai Artis a me Mitchell Sanchez i ho'okani no ke koena o ka pä'ina. Eia nö na'e ka mea nani loa ma ka pä'ina, 'oiai e hïmeni ana 'o 'Anakala Bill Ka'iwa, kono 'ia maila 'o 'Anakë Nämaka e hula mai i nei mele kaulana 'o Kipukai. He mele kama'äina nö ia, a i haku 'ia e ka makuahine o 'Anakë Nämaka 'o ia ho'i "Ka Waihona o Ka No'eau" 'o Mrs. Mary Kawena Pukui. 'A'ole o ka'e mai ka nani maika'i o ia mau lima hula o 'Anakë Nämaka.

Ua 'ike maka 'ia nö ia mea he aloha ma këia pä'ina 'ana. Ua nani maoli ia lä o ka pä'ina no nei wahine kau mai i ka hanohano.

Hau'oli Lä Hänau Iä 'Oe e 'Anakë Pat Nämaka Bacon.

Ulukau.org
Hawaiian-English Dictionary

E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

By Keawe Lopes

No Nāmaka He Inoa

Synopsis: Recollection of Aunty Pat Nāmaka Bacon's birthday party.

Auhea wale oe e ke onaona
Ku'u pua 'a'ala o ke ahiahi

Hia'ai ka mana'o ke 'ike aku
I kō 'ala kamaha'o e moani nei

Ka moani nō ia a ka paia lani
'O ka pua hinano kou hoa like

'O ka hoa ia la e la'i ai
Puīa ke 'ala i ka uka

Ha'ina ka puana i lohe 'ia
No Nāmaka nō he inoa

'O ia ihola ka puana i mele 'ia no ka wahine hanohano e lei ana i ke a'ali'i kū makani o Ka'ū, 'o ia ho'i 'o 'Anakē Patience Nāmaka Bacon. A pēlā nō ho'i ke 'ano o nei mamo i aloha nui 'ia e ka nui lehulehu mai 'ō a 'ō o nā kai 'ewalu, 'a'ohe wahi makani i 'ike 'ia, nāna i kula'i i kona kūlana nani, aia mau nō me kona 'ano kūpa'a i ka ho'omau 'ana i ka na'auao o kahiko i a'o 'ia iā ia mai kona wā 'u'uku mai.

I ka Pō'aono nei i mālama 'ia ai he pā'ina lā hānau no ua Nāmaka nei, ua piha maila nā makahiki he 85 iā ia. Ua hiki maila nā kānaka he nui o nā kūlana ki'eki'e like 'ole i ia pā'ina e mahalo aku ai i nā lani no nei kupa a me kāna mau hana poina 'ole 'ia e kākou a pau. 'O 'Anakē Malia Craver ka i kauleo i ka lani e pāhola mai i kona lokomaika'i ma luna mai o 'Anakē Nāmaka a me ka pā'ina i ho'omākaukau 'ia nona. A laila i komo mai ai 'o 'Anakala Ka'upena Wong me ke oli 'ana i 'elua mele oli, 'o Ka Haku I Ka Moana kekahi a 'o Aia e Ka Nani Puaka'ilima kekahi.

Ua hiki pū maila nā pu'ukani helu 'ekahi o ka hīmeni, e la'a me, Mahi Beamer, Eddie Kamae, Randy Fong a me Bill Ka'iwa, a i ia pā'ina nō i hīmeni 'ia ai nā mele e lana ai ka pu'uwai o ua Nāmaka nei. Pēlā pū nō ho'i me nā mea hula kaulana 'o ia ho'i 'o Ke Kai o Kahiki ma lalo o kā lākou kumu hula 'o O'Brian Eselu, Hula Hālau o Kamuela me kā lākou kumu hula 'o Kau'i Kamana'o, 'Anakē Momi Kepelino, Leimomi Kon, kumu hula Cy Bridges, a me nā Miss Aloha Hula 'elua 'o ia ho'i 'o Malia Peterson a me Tracie Ka'ōnohilani Farias Lopes.

Na ka Pua Melia Trio i ho'omaka i ka ho'okani 'ana, 'oiai e komo mai ana nā kānaka i ka pā'ina a laila, na O'Brian Eselu a me kona mau hoa kāko'o, 'o ia ho'i 'o Kenneth Makuakane, Kai Artis a me Mitchell Sanchez i ho'okani no ke koena o ka pā'ina. Eia nō na'e ka mea nani loa ma ka pā'ina, 'oiai e hīmeni ana 'o 'Anakala Bill Ka'iwa, kono 'ia maila 'o 'Anakē Nāmaka e hula mai i nei mele kaulana 'o Kipukai. He mele kama'āina nō ia, a i haku 'ia e ka makuahine o 'Anakē Nāmaka 'o ia ho'i "Ka Waihona o Ka No'eau" 'o Mrs. Mary Kawena Pukui. 'A'ole o ka'e mai ka nani maika'i o ia mau lima hula o 'Anakē Nāmaka.

Ua 'ike maka 'ia nō ia mea he aloha ma kēia pā'ina 'ana. Ua nani maoli ia lā o ka pā'ina no nei wahine kau mai i ka hanohano.

Hau'oli Lā Hānau Iā 'Oe e 'Anakē Pat Nāmaka Bacon.

Ulukau.org
Hawaiian-English Dictionary

E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.