— ADVERTISEMENT —
Starbulletin.com

Kauakukalahale
Sunday, October 10, 2004



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.



Nühou



Synopsis: News bits of the past week: Remains uncovered at Waikïkï; substitute teachers sue the state; hit and run suspect cited several times; pilot rescued again.


Loa'a mai nei nä iwi kupapa'u ma Waikïkï i ka Pö'akolu nei ma ke ana 'ana i ka 'äina. Ua ana 'ia kahi 'äpana 'äina ma ke alanui Ala Wai a me Tusitala no ka mea, e kükulu 'ia ana kahi hale papa'i ma laila no ka po'e 'elemäkule. I këia manawa, e nänä 'ia ana ia mau iwi kupapa'u, i mea e 'ike ai i ke 'ano, he mau iwi kahiko paha ia, a he mau iwi kupapa'u paha no ke Kanaka Maoli.

E ho'opi'i ana nä kumu pani hakahaka i ka moku'äina 'o Hawai'i no ke kälä he 25 miliona. Wahi a läkou, ua holo kahi känäwai i ka makahiki 1996, e 'ölelo ana, e uku 'ia nä kumu pani hakahaka e like me nä kumu kula i hele kula nui no nä makahiki 4. Akä wahi a nä loio o ka moku'äina, ke uku 'ia nei läkou i ka uku küpono i këia manawa.

He kanaka ho'opa'i pinepine 'ia ka mea näna i mana'o 'ia näna i ho'oku'i i ka luna mäka'i ma mua, iä Michael Nakamura, i kona manawa e holo ana ma kona noho huila ma Mililani. 'O Anthony Pearce II ka inoa o ua kanaka lä, a ua ho'opa'i 'ia 'o ia e ka mäka'i, he 3 manawa i loko o nä mahina he 19 i hala, no ke kalaiwa 'ana me ka loa'a 'ole o kahi laikini, a hö'ähewa 'ia 2 manawa, a ma ka lä 26 o këia mahina, e hele hou ana 'o ia i mua o ka 'aha ho'okolokolo. Ua hakihaki nä wäwae 'elua o Nakamura. A aia 'o ia ke waiho akula ma ke külana küo'o ma ka haukapila.

He keu 'o Raymond Clamback o ka pailaka pömaika'i. I ka Pö'akahi nei i hala, ua ho'opakele 'ia 'o ia e ke kia'i kai ma ke kai hohonu. E kü'au'au ana 'o Clamback no nä hola he 7, a loa'a akula i ke kia'i kai. E ho'okele ana 'o ia ala i kahi mokulele i Pagopago, akä ua pilikia ihola ka mokulele, no laila, lele ihola 'o ia i loko o ke kai. 'O ka lua këia o ka manawa ona i ho'opakele 'ia ai ma ke kai hohonu. I ka makahiki 1999 ka manawa mua.


Ho'okani Mänoa


Synopsis: Pa'ahana will be performing this Friday at Ho'okani Mänoa. Held at the University of Hawai'i at Mänoa from 7 to 9:30 pm. The concert is free.

Ke hiki hou mai nei 'o Ho'okani Mänoa. A no laila, mai poina, e naue aku i Mänoa Gardens i ke kulanui o Hawai'i ma Mänoa i këia Pö'alima, ka lä 15 o 'Okakopa. A ma laila ana e nanea ai ka pepeiao i nä leo nahenahe o Pa'ahana. He hui hïmeni hou nö këia, akä ke lohe 'ia ko läkou leo, kau mai ka hali'a aloha i ka wä i hala. Kü like ko läkou leo me ka leo o ka hui kaulana 'o ke Kahauanu Lake Trio.

Ho'omaka i ka hola 7:00 o ke ahiahi, a pau i ka hola 9:30. He manuahi ka hele 'ana. Eia mai ka papa o nä pu'ukani o ka hopena o këia kau.

Nowemapa 5 - Pua Melia Trio

Nowemapa 19 - Kealoha Kalama

Këkëmapa 3 - Noelani Mahoe a me nä Leo Nahenahe Singers

[E huikala mai, e 'Anakala Kawika, kona hui, a me nä känaka i hele i Mänoa Gardens i këlä Pö'alima aku nei a i ia Pö'alima aku no Ho'okani Mänoa.]





E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Nūhou



Synopsis: News bits of the past week: Remains uncovered at Waikīkī; substitute teachers sue the state; hit and run suspect cited several times; pilot rescued again.


Loa'a mai nei nā iwi kupapa'u ma Waikīkī i ka Pō'akolu nei ma ke ana 'ana i ka 'āina. Ua ana 'ia kahi 'āpana 'āina ma ke alanui Ala Wai a me Tusitala no ka mea, e kūkulu 'ia ana kahi hale papa'i ma laila no ka po'e 'elemākule. I kēia manawa, e nānā 'ia ana ia mau iwi kupapa'u, i mea e 'ike ai i ke 'ano, he mau iwi kahiko paha ia, a he mau iwi kupapa'u paha no ke Kanaka Maoli.

E ho'opi'i ana nā kumu pani hakahaka i ka moku'āina 'o Hawai'i no ke kālā he 25 miliona. Wahi a lākou, ua holo kahi kānāwai i ka makahiki 1996, e 'ōlelo ana, e uku 'ia nā kumu pani hakahaka e like me nā kumu kula i hele kula nui no nā makahiki 4. Akā wahi a nā loio o ka moku'āina, ke uku 'ia nei lākou i ka uku kūpono i kēia manawa.

He kanaka ho'opa'i pinepine 'ia ka mea nāna i mana'o 'ia nāna i ho'oku'i i ka luna māka'i ma mua, iā Michael Nakamura, i kona manawa e holo ana ma kona noho huila ma Mililani. 'O Anthony Pearce II ka inoa o ua kanaka lā, a ua ho'opa'i 'ia 'o ia e ka māka'i, he 3 manawa i loko o nā mahina he 19 i hala, no ke kalaiwa 'ana me ka loa'a 'ole o kahi laikini, a hō'āhewa 'ia 2 manawa, a ma ka lā 26 o kēia mahina, e hele hou ana 'o ia i mua o ka 'aha ho'okolokolo. Ua hakihaki nā wāwae 'elua o Nakamura. A aia 'o ia ke waiho akula ma ke kūlana kūo'o ma ka haukapila.

He keu 'o Raymond Clamback o ka pailaka pōmaika'i. I ka Pō'akahi nei i hala, ua ho'opakele 'ia 'o ia e ke kia'i kai ma ke kai hohonu. E kū'au'au ana 'o Clamback no nā hola he 7, a loa'a akula i ke kia'i kai. E ho'okele ana 'o ia ala i kahi mokulele i Pagopago, akā ua pilikia ihola ka mokulele, no laila, lele ihola 'o ia i loko o ke kai. 'O ka lua kēia o ka manawa ona i ho'opakele 'ia ai ma ke kai hohonu. I ka makahiki 1999 ka manawa mua.


Ho'okani Mānoa


Synopsis: Pa'ahana will be performing this Friday at Ho'okani Mānoa. Held at the University of Hawai'i at Mānoa from 7 to 9:30 pm. The concert is free.

Ke hiki hou mai nei 'o Ho'okani Mānoa. A no laila, mai poina, e naue aku i Mānoa Gardens i ke kulanui o Hawai'i ma Mānoa i kēia Pō'alima, ka lā 15 o 'Okakopa. A ma laila ana e nanea ai ka pepeiao i nā leo nahenahe o Pa'ahana. He hui hīmeni hou nō kēia, akā ke lohe 'ia ko lākou leo, kau mai ka hali'a aloha i ka wā i hala. Kū like ko lākou leo me ka leo o ka hui kaulana 'o ke Kahauanu Lake Trio.

Ho'omaka i ka hola 7:00 o ke ahiahi, a pau i ka hola 9:30. He manuahi ka hele 'ana. Eia mai ka papa o nā pu'ukani o ka hopena o kēia kau.

Nowemapa 5 - Pua Melia Trio

Nowemapa 19 - Kealoha Kalama

Kēkēmapa 3 - Noelani Mahoe a me nā Leo Nahenahe Singers

[E huikala mai, e 'Anakala Kawika, kona hui, a me nā kānaka i hele i Mānoa Gardens i kēlā Pō'alima aku nei a i ia Pō'alima aku no Ho'okani Mānoa.]





E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

— ADVERTISEMENTS —


— ADVERTISEMENTS —


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2004 Honolulu Star-Bulletin -- http://archives.starbulletin.com


-Advertisement-
[an error occurred while processing this directive]