— ADVERTISEMENT —
Starbulletin.com

Kauakukalahale



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.



He Mo‘olelo
Kupua No Kaumana
I Lilo I Pōhaku


Synopsis: A continuation of the story about Kaumana.


(Ho'omau 'ia)

I ka hō'ea 'ana aku o ka makuakāne ma ka loko e kokoke ana i kona home, ua 'ike maila kāna mau keiki iā ia, a ho'omaka maila e 'au, no ka hālāwai pū 'ana me ko lākou makuakāne, akā na'e, ua huli hou aku nā keiki a pau i hope, a koe ke keiki muli loa.

Ua huli ho'i hou ka nui o nā keiki i hope, ma muli o ko lākou 'ike 'ana mai i ka mea a ko lākou makuakāne i hana aku ai ma luna o ko lākou muli loa. I ka wā i pae aku ai 'o ke keiki muli ma kapa o ka loko, kahi a ka makuakāne e kū mai ana, ua hopu maila 'o ia i ke keiki, nāki'iki'i ihola i ke kaula, a kiola akula i loko o ka loko, me nā mōhai 'ē a'e i mākaukau mua iā ia.

Ua 'oi aku ke aloha o Kaumana, i kāna keiki muli loa, ma mua o nā mea 'ē a'e a pau, no laila, ho'omaka akula 'o ia e 'au, no kēlā kapa o ka loko, no ka ho'ākāka 'ana aku i kāna wahine, i ka mea āna i hana ai, me ke kūmākena 'ana no kāna keiki.

Ma ka pō 'ana iho, ua pā maila kekahi makani ikaika, kaiko'o maila nō ho'i ka moana, a i ke ao 'ana a'e ma kekahi lā mai, aia ho'i, 'a'ole ka loko ma kona wahi i waiho ai, akā he one ke waiho mai ana, a lilo i alanui maika'i e hele ai.

'A'ole na'e kēia i lilo i mea e ho'ohau'oli 'ia aku ai ko Kaumana mana'o, akā ua 'oi loa a'e kona minamina no kāna keiki, no laila ho'omaka akula 'o ia e pepehi i kona po'e kānaka, i hele mai ai mai Lahaina mai, me ka pepehi pū 'ana i kāna wahine, a me kona mau mākua, a koe kāna mau kauā 'elima, no lākou kēia mau inoa: Ka Ua Waahila, Ka Ua Polihala, Ka Ua Makaiwi, Ka Ua Kuahine a me Ka Ua Lililehua, a lawe pū akula iā lākou e noho me ia ma ke kualapa ma waena o Pālolo a me Mānoa.

('A'ole i pau)


BACK TO TOP
|

Ho‘okani Mānoa


Synopsis: A reminder about Ho'okani Mānoa, a free Hawaiian music concert held at Mānoa Gardens at the University of Hawai'i at Mānoa on the first and third Fridays of the month from 7:00-9:30 in the evening.


'Auhea 'oukou e nā hoa puni mele Hawai'i, mai nō a poina 'o Ho'okani Mānoa. A he mea pōmaika'i ho'i ia, 'oiai, i kēia kau, e mālama 'ia ana 'o Ho'okani Mānoa he 'elua manawa o ka mahina, ma ka Pō'alima mua kekahi, a ma ka Pō'alima 'ekolu kekahi.

A i kēia Pō'alima, e nanea ana ka pepeiao i ka leo nahenahe o Ainsley Halemanu.

Eia mai ka papa inoa o nā pu'ukani a me nā lā a lākou e hīmeni ana ma Ho'okani Mānoa:

Kepakemapa 17 - Lei Hulu
'Okakopa 1 - Kawika Trask
'Okakopa 15 - Pa'ahana
Nowemapa 5 - Pua Melia
Nowemapa 19 - Kealoha

Kalama

Kēkēmapa 3 - Noelani Mahoe

A no laila, e naue aku i ke kulanui o Hawai'i ma Mānoa i kēia Pō'alima no ka ho'onanea 'ana i ka leo hone o Ainsley Halemanu, a pēlā pū me nā Pō'alima 'ē a'e e mālama 'ia ai 'o Ho'okani Mānoa.





E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.





E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

— ADVERTISEMENTS —

— ADVERTISEMENTS —


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2004 Honolulu Star-Bulletin -- https://archives.starbulletin.com


-Advertisement-