|
Ho‘okani Mänoa
Synopsis: Ho'okani Mänoa will be held every first and third Friday of the month at the old Mänoa Gardens at the University of Hawai'i at Mänoa from 7:00 - 9:30 in the evening.
Aloha mai e nä makamaka heluhelu o Kauakükalahale. Eia nö mäua ke ho'olaha hou aku nei i ka 'ahamele 'o Ho'okani Mänoa, 'oiai, e honehone ana nä leo nahenahe o nä känaka i kaulana i ka hïmeni i nä mele Hawai'i o ke au i hala. A 'o kahi, i këia kau, e mälama 'ia ana 'o Ho'okani Mänoa, he 'elua manawa o ka mahina, 'o ia ho'i, i këlä me këia Pö'alima mua, a me këlä me këia Pö'alima 'ekolu o ka mahina. Eia mai nä inoa o nä hui e hïmeni ana ma Ho'okani Mänoa a me nä lä e hïmeni ana:
Kepakemapa 3 - Ainsley HalemanuE mälama 'ia ana nö ho'i ka Ho'okani Mänoa i këia Pö'alima, ka lä 27 o këia mahina nei, 'a'ole na'e i pa'a maila ka mea hïmeni, akä, he kähuli leo le'a ana ia no ka nahele. A no laila, e naue aku i laila.
Kepakemapa 17 - Lei Hulu
'Okakopa 1 - Kawika Trask
'Okakopa 15 - Pa'ahana
Nowemapa 5 - Pua Melia
Nowemapa 19 - Kealoha Kalama
Këkëmapa 3 - Noelani Mahoe
He Mo‘olelo Kupua No
Kaumana I Lilo I Pöhaku
Synopsis: A continuation of the story about Kaumana.
[Ua 'ano 'ë paha ka no'ono'o i ka heluhelu 'ana i ka hopena o ka mo'olelo o këlä Läpule aku nei, ka lä 15 ho'i o 'Aukake, a 'o ke kumu, 'a'ole i pau ia mo'olelo, akä, ua poina ihola i ka luna ho'oponopono ke käkau 'ana ma ka hopena o ia mo'olelo. A no laila, eia mai kahi hapa o ka mo'olelo o Kaumana, ke ho'omau 'ia nei.] LH(Ho'omau 'ia)
He 'aihue ka hana nui a Kaumana a me kona po'e känaka, i ka 'ai a nä känaka e ulu ana, ma nä 'äina e pili kokoke mai ana, he hana kaulana loa ka 'aihue, ke lawelawe 'ia ma ke akamai, ua lilo na'e këlä hana 'aihue a me ka halihali i kona papa he'enalu i mea uluhua näna, no laila ho'oholo ihola 'o ia e holo mäka'ika'i ho'okahi no Kaua'i. Ma Kaua'i i hui ai 'o ia me kekahi kahuna 'o Kaluhea ka inoa, na këia kahuna i 'ölelo mai iä ia, inä e möhai ana 'o ia i käna keiki muli loa iä Maunalua, a laila e ho'opökole 'ia mai ana ke alanui e hö'ea aku ai no kona home.
Ha'alele akula 'o ia iä Kaua'i, a huli ho'i hou maila no O'ahu nei, me ka pae 'ana a'e i Wai'anae, i laila i loa'a mai ai iä ia he pua'a hiwapa'a, he i'a 'ula he kümü a me ka moa ua kea, he mau mea möhai këia i ke Akua. 'O këia mau mea a pau, ua kau a'ela ma hope o kona kua, a huli ho'i loa maila nö ma uka o ka 'äina.
I ka hö'ea 'ana ma Kähala, ma kahakai kona wahi i hele aku ai a hö'ea no Wai'alae, me ka hele 'ana e lawai'a a loa'a he kümü hou. Mai laila aku a hö'ea i Niu, i laila i lawe mai ai he niu, a ho'i akula a hö'ea i Kuli'ou'ou, no ka huli 'ana i makoloa, i mea hana moena, 'o ia ka moena i kapa 'ia, ka moena makoloa.
('A'ole i pau)
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
|
Ho‘okani Mānoa
Synopsis: Ho'okani Mānoa will be held every first and third Friday of the month at the old Mānoa Gardens at the University of Hawai'i at Mānoa from 7:00 - 9:30 in the evening.
Aloha mai e nā makamaka heluhelu o Kauakūkalahale. Eia nō māua ke ho'olaha hou aku nei i ka 'ahamele 'o Ho'okani Mānoa, 'oiai, e honehone ana nā leo nahenahe o nā kānaka i kaulana i ka hīmeni i nā mele Hawai'i o ke au i hala. A 'o kahi, i kēia kau, e mālama 'ia ana 'o Ho'okani Mānoa, he 'elua manawa o ka mahina, 'o ia ho'i, i kēlā me kēia Pō'alima mua, a me kēlā me kēia Pō'alima 'ekolu o ka mahina. Eia mai nā inoa o nā hui e hīmeni ana ma Ho'okani Mānoa a me nā lā e hīmeni ana:
Kepakemapa 3 - Ainsley HalemanuE mālama 'ia ana nō ho'i ka Ho'okani Mānoa i kēia Pō'alima, ka lā 27 o kēia mahina nei, 'a'ole na'e i pa'a maila ka mea hīmeni, akā, he kāhuli leo le'a ana ia no ka nahele. A no laila, e naue aku i laila.
Kepakemapa 17 - Lei Hulu
'Okakopa 1 - Kawika Trask
'Okakopa 15 - Pa'ahana
Nowemapa 5 - Pua Melia
Nowemapa 19 - Kealoha Kalama
Kēkēmapa 3 - Noelani Mahoe
He Mo‘olelo Kupua No
Kaumana I Lilo I Pōhaku
Synopsis: A continuation of the story about Kaumana.
[Ua 'ano 'ē paha ka no'ono'o i ka heluhelu 'ana i ka hopena o ka mo'olelo o kēlā Lāpule aku nei, ka lā 15 ho'i o 'Aukake, a 'o ke kumu, 'a'ole i pau ia mo'olelo, akā, ua poina ihola i ka luna ho'oponopono ke kākau 'ana ma ka hopena o ia mo'olelo. A no laila, eia mai kahi hapa o ka mo'olelo o Kaumana, ke ho'omau 'ia nei.] LH(Ho'omau 'ia)
He 'aihue ka hana nui a Kaumana a me kona po'e kānaka, i ka 'ai a nā kānaka e ulu ana, ma nā 'āina e pili kokoke mai ana, he hana kaulana loa ka 'aihue, ke lawelawe 'ia ma ke akamai, ua lilo na'e kēlā hana 'aihue a me ka halihali i kona papa he'enalu i mea uluhua nāna, no laila ho'oholo ihola 'o ia e holo māka'ika'i ho'okahi no Kaua'i. Ma Kaua'i i hui ai 'o ia me kekahi kahuna 'o Kaluhea ka inoa, na kēia kahuna i 'ōlelo mai iā ia, inā e mōhai ana 'o ia i kāna keiki muli loa iā Maunalua, a laila e ho'opōkole 'ia mai ana ke alanui e hō'ea aku ai no kona home.
Ha'alele akula 'o ia iā Kaua'i, a huli ho'i hou maila no O'ahu nei, me ka pae 'ana a'e i Wai'anae, i laila i loa'a mai ai iā ia he pua'a hiwapa'a, he i'a 'ula he kūmū a me ka moa ua kea, he mau mea mōhai kēia i ke Akua. 'O kēia mau mea a pau, ua kau a'ela ma hope o kona kua, a huli ho'i loa maila nō ma uka o ka 'āina.
I ka hō'ea 'ana ma Kāhala, ma kahakai kona wahi i hele aku ai a hō'ea no Wai'alae, me ka hele 'ana e lawai'a a loa'a he kūmū hou. Mai laila aku a hō'ea i Niu, i laila i lawe mai ai he niu, a ho'i akula a hō'ea i Kuli'ou'ou, no ka huli 'ana i makoloa, i mea hana moena, 'o ia ka moena i kapa 'ia, ka moena makoloa.
('A'ole i pau)
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.