Starbulletin.com

Kauakukalahale

Küpopou

Sunday, February 1, 2004



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Ainsley Halemanu


Synopsis: A brief introduction to Ainsley Halemanu, who will be performing at Ho'okani this Friday held at Mänoa Gardens at the University of Hawai'i at Mänoa from 6- 8:30 p.m.


Aloha mai käkou e nä hoa makamaka mai ka hikina a ka lä i Ha'eha'e a i kona welona 'ana ma Lehua. 'Auhea 'oukou e nä hoa puni i nä mele Hawai'i o ke au kahiko, e naue aku i Mänoa Gardens ma ke Kulanui o Hawai'i ma Mänoa i ke ahiahi o këia Pö'ali-ma, 'oiai, ma laila ana nö e hoehoene ai kahi pu'ukani kaulana o ka 'äina i ia ahiahi. 'O ka inoa o ua pu'ukani kaulana nei, 'o ia ho'i 'o Ainsley Halemanu, no Papa-kölea.

Ua kaulana kona leo nahenahe ma Hawai'i a puni, a ua ku'i nö ho'i kona kaulana ma Iäpana. Ma nä Läpule a pau, ho'okani 'o 'Anakala Ainsley ma ka Halekoa no ka 'aina kakahiaka. Ma laila e honehone ana kona leo no nä makahiki he 23. A no laila, inä 'a'ole e hiki iä 'oe ke hele aku i Mänoa Gardens i këia Pö'alima, e hele i ka Halekoa ma ka Läpule, a ma laila e nanea ai ka pepeiao i nä mele Hawai'i nani loa.

'O këia kanaka kekahi o ka hui "Aloha Pumehana Serenaders", pëlä pü me Daryl Lupenui, Lanakila Manini a me Wendell Silva. A ma hope mai, he hui hïmeni hou, 'o ia ho'i 'o "Hawaiian Isle Serenaders", 'o ia nei me Kekoa Fernandez, Lei Mendez, a me Violet Pahu Lilikoi.

He mea hïmeni nö ho'i 'o 'Anakala Ainsley no ke Kamäli'iwahine Abigail Kawananakoa, ke ho'i mai ua Kamäli'iwahine lä mai 'Amelika mai no ke kipa 'ana mai i kona 'äina hänau a me ka ho'onanea hou 'ana i nä mele kahiko o Hawai'i nei.

A he kanaka këia i akamai ma nä 'ano hana like 'ole. He kumu hula 'o 'Anakala Ainsley no nä makahiki he 17. 'O "Hula Halau O Ka Liko O Ka Palai" ka inoa o kona hälau hula, a aia nö ia ma ka 'äina ho'opulapula o Kewalo.

'O kekahi hana akamai a ia nei, 'o ia ka hana 'ana i nä lei like 'ole, 'o ka lei püpü Ni'ihau kekahi, a 'o ia nei nö ka 'oi o Honolulu ma ka hana 'ana i ka lei hala, 'a'ohe lua.

A no laila i këia Pö'alima, e naue aku i Mänoa Gardens a e ho'onanea like käkou i ka ho'olohe 'ana i ke kähuli leo le'a o ka nahele o Papakölea.


BACK TO TOP
|

Massie/Kahahawai


Synopsis: Dennis Carroll's new drama, "Massie/Kahahawai," is now playing at Kumu Kahua Theatre. However, all performances are sold out. Hopefully, a few more performances will be added.


'O këia hana keaka 'o Massie Kahahawai, aia nö ke mälama 'ia nei ma ka hale hana keaka 'o Kumu Kahua ma ke alanui Kälepa (Merchant). Ma mua, 'o ka lä 8 o Pepeluali ka lä hope loa o ia hana keaka, eia na'e, ma muli o ka ulu nui 'ana o ka hoi, ua ho'omau 'ia he ho'okahi pule hou. 'O ka mea minamina na'e, ua pau koke nä kikiki a pau i ke kü'ai 'ia.

Akä, ke kükäkükä 'ia nei ka mälama 'ia 'ana o kekahi mau hö'ike hou o nei hana keaka, a no laila, e kelepona aku i ke ke'ena kü'ai kikiki ma ka helu 536-4441 i ka lä 'apöpö.




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ainsley Halemanu


Synopsis: A brief introduction to Ainsley Halemanu, who will be performing at Ho'okani this Friday held at Mānoa Gardens at the University of Hawai'i at Mānoa from 6- 8:30 p.m.


Aloha mai kākou e nā hoa makamaka mai ka hikina a ka lā i Ha'eha'e a i kona welona 'ana ma Lehua. 'Auhea 'oukou e nā hoa puni i nā mele Hawai'i o ke au kahiko, e naue aku i Mānoa Gardens ma ke Kulanui o Hawai'i ma Mānoa i ke ahiahi o kēia Pō'ali-ma, 'oiai, ma laila ana nō e hoehoene ai kahi pu'ukani kaulana o ka 'āina i ia ahiahi. 'O ka inoa o ua pu'ukani kaulana nei, 'o ia ho'i 'o Ainsley Halemanu, no Papa-kōlea.

Ua kaulana kona leo nahenahe ma Hawai'i a puni, a ua ku'i nō ho'i kona kaulana ma Iāpana. Ma nā Lāpule a pau, ho'okani 'o 'Anakala Ainsley ma ka Halekoa no ka 'aina kakahiaka. Ma laila e honehone ana kona leo no nā makahiki he 23. A no laila, inā 'a'ole e hiki iā 'oe ke hele aku i Mānoa Gardens i kēia Pō'alima, e hele i ka Halekoa ma ka Lāpule, a ma laila e nanea ai ka pepeiao i nā mele Hawai'i nani loa.

'O kēia kanaka kekahi o ka hui "Aloha Pumehana Serenaders", pēlā pū me Daryl Lupenui, Lanakila Manini a me Wendell Silva. A ma hope mai, he hui hīmeni hou, 'o ia ho'i 'o "Hawaiian Isle Serenaders", 'o ia nei me Kekoa Fernandez, Lei Mendez, a me Violet Pahu Lilikoi.

He mea hīmeni nō ho'i 'o 'Anakala Ainsley no ke Kamāli'iwahine Abigail Kawananakoa, ke ho'i mai ua Kamāli'iwahine lā mai 'Amelika mai no ke kipa 'ana mai i kona 'āina hānau a me ka ho'onanea hou 'ana i nā mele kahiko o Hawai'i nei.

A he kanaka kēia i akamai ma nā 'ano hana like 'ole. He kumu hula 'o 'Anakala Ainsley no nā makahiki he 17. 'O "Hula Halau O Ka Liko O Ka Palai" ka inoa o kona hālau hula, a aia nō ia ma ka 'āina ho'opulapula o Kewalo.

'O kekahi hana akamai a ia nei, 'o ia ka hana 'ana i nā lei like 'ole, 'o ka lei pūpū Ni'ihau kekahi, a 'o ia nei nō ka 'oi o Honolulu ma ka hana 'ana i ka lei hala, 'a'ohe lua.

A no laila i kēia Pō'alima, e naue aku i Mānoa Gardens a e ho'onanea like kākou i ka ho'olohe 'ana i ke kāhuli leo le'a o ka nahele o Papakōlea.


BACK TO TOP
|

Massie/Kahahawai


Synopsis: Dennis Carroll's new drama, "Massie/Kahahawai," is now playing at Kumu Kahua Theatre. However, all performances are sold out. Hopefully, a few more performances will be added.


'O kēia hana keaka 'o Massie Kahahawai, aia nō ke mālama 'ia nei ma ka hale hana keaka 'o Kumu Kahua ma ke alanui Kālepa (Merchant). Ma mua, 'o ka lā 8 o Pepeluali ka lā hope loa o ia hana keaka, eia na'e, ma muli o ka ulu nui 'ana o ka hoi, ua ho'omau 'ia he ho'okahi pule hou. 'O ka mea minamina na'e, ua pau koke nā kikiki a pau i ke kū'ai 'ia.

Akā, ke kūkākūkā 'ia nei ka mālama 'ia 'ana o kekahi mau hō'ike hou o nei hana keaka, a no laila, e kelepona aku i ke ke'ena kū'ai kikiki ma ka helu 536-4441 i ka lā 'apōpō.




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

--Advertisements--
--Advertisements--


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2004 Honolulu Star-Bulletin -- http://archives.starbulletin.com


-Advertisement-