Starbulletin.com

Kauakukalahale

Küpopou

Sunday, November 30, 2003



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Ka Pä‘ani
Kinipöpö Pakä


Synopsis: This article is about the new exciting sport Slamball that made its debut last summer.



Aloha mai e nä makamaka heluhelu o Kauakükalahale. Mahalo no ka heluhelu mau 'ana mai i këia kolamu nei.

He mea hou ko ke ao nei, 'a'ole paha ia i laha loa a puni ka honua. 'Akahi nö a 'ike kou mea käkau i ia mea hou i këlä mahina aku nei ma luna o ke kïwï. 'O kekahi o 'oukou, 'a'ole paha i 'ike iki. Akä, ua 'ane'ane e piha ka lua o kona makahiki e ola ana.

Ua 'ike anei 'oukou i këia mea hou o ke ao nei a kou mea käkau e 'ölelo nei? He pä'ani hou ia i kapa 'ia 'o ka pä'ani kinipöpö pakä. He pä'ani ia e pïhoihoi ai ka na'au i ka nänä 'ana aku. Inä he kanaka puni 'oe i ka nänä 'ana i ka ho'okükü pakä, a me ka lele pakä 'ana a Michael Jordan mai ka laina kï noa aku, ka pakä wili makani a me ia pakä ikaika aku, ia pakä ikaika aku, e lilo këia pä'ani hou i pä'ani punahele näu. Ke nänä aku i ka pä'ani kinipöpö pakä, kohu pä'ani kinipöpö hïna'i, ua pä'umi na'e ka le'ale'a, 'oiai, he mau 'ano pä'ani hou aku i hui pü 'ia, 'o ia ho'i ka pä'ani kinipöpö pekupeku, a me kekahi mau pä'ani 'ë a'e. A no laila 'o ka pä'ani kinipöpö pakä, no nä kä'e'a'e'a nö ia a me nä 'ahi kana-nä o ke ao nei. 'O ka nui pümai'a, 'a'ole e komo ma loko o këia pä'ani, o kani auane'i ka leo uë.

'O ke kahua pä'ani, he 94 kapua'i ka lö'ihi a he 55 kapua'i ke äkea a ua puni ke kahua i ka pä, he 'ewalu kapua'i ke ki'eki'e. Ua 'ane like këia kahua me ke kahua kinipöpö hïna'i, eia na'e, ma kahi o nä hïna'i 'elua, he 'ehä kapolena lele. I mea ia mau kapolena lele e ki'eki'e ai a e ikaika ai paha ka lele a me ka pakä 'ana o nä mea pä'ani. Ke komohia ka hïna'i ma ka pakä 'ana, 'ekolu 'ai, a ke komohia ma ke kï wale 'ana nö, 'elua 'ai.

I këia manawa, he 'ewalu mau hui kinipöpö pakä. A 'ewalu mau känaka o ka hui päkahi, akä ke ulele ka pä'ani, kahi e kü'ë ai kekahi hui i kekahi, 'ehä wale nö mea pä'ani o këlä 'ao'ao, këia 'ao'ao. He 'ekolu külana manawa. 'O ke külana mua, 'o ia ka mälama kinipöpö. 'O ka lua o ke külana, 'o ia ke kï kinipöpö. A 'o ke külana hope, 'o ia ke kahu hïna'i. 'O ke kuleana o ke kahu hïna'i, 'o ia ka ho'omalu 'ana i ka hïna'i, i 'ole e komohia.

Mahalo 'ia ho'i ka mea näna i haku i këia pä'ani. 'O Mason Gordon ka inoa o ua kanaka lä. Wahi äna, ua nui käna mau makahiki o ka no'ono'o 'ana i këia pä'ani. A 'o ia nö kekahi o nä känaka mua 'eono i pä'ani i ke kinipöpö pakä. A na läkou nö i ho'omöhala i ia pä'ani.


BACK TO TOP
|

Ho‘okani

Synopsis: Noelani Mahoe and the Leo Nahenahe Singers will be in concert at Mänoa Gardens at the University of Hawai'i at Mänoa on Friday, December 5th.

'Auhea 'oukou e nä hoa puni mele Hawai'i. I këia Pö'alima, ka lä 5 ho'i o Këkëmapa, e naue aku i Mänoa Gardens ma ke kula nui o Hawa'i ma Mänoa, a ma laila ana e nanea ai ka pepeiao i nä kähuli leo le'a o ka nahele, 'o ia ho'i 'o Noelani Mahoe a me nä Leo Nahenahe Singers. 'O ka mea pömaika'i, he manuahi këia 'ahamele. Ho'omaka i ka hola 6:00 o ke ahiahi, a pau i ka hola 8:30.




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ka Pā‘ani
Kinipōpō Pakā


Synopsis: This article is about the new exciting sport Slamball that made its debut last summer.



Aloha mai e nā makamaka heluhelu o Kauakūkalahale. Mahalo no ka heluhelu mau 'ana mai i kēia kolamu nei.

He mea hou ko ke ao nei, 'a'ole paha ia i laha loa a puni ka honua. 'Akahi nō a 'ike kou mea kākau i ia mea hou i kēlā mahina aku nei ma luna o ke kīwī. 'O kekahi o 'oukou, 'a'ole paha i 'ike iki. Akā, ua 'ane'ane e piha ka lua o kona makahiki e ola ana.

Ua 'ike anei 'oukou i kēia mea hou o ke ao nei a kou mea kākau e 'ōlelo nei? He pā'ani hou ia i kapa 'ia 'o ka pā'ani kinipōpō pakā. He pā'ani ia e pīhoihoi ai ka na'au i ka nānā 'ana aku. Inā he kanaka puni 'oe i ka nānā 'ana i ka ho'okūkū pakā, a me ka lele pakā 'ana a Michael Jordan mai ka laina kī noa aku, ka pakā wili makani a me ia pakā ikaika aku, ia pakā ikaika aku, e lilo kēia pā'ani hou i pā'ani punahele nāu. Ke nānā aku i ka pā'ani kinipōpō pakā, kohu pā'ani kinipōpō hīna'i, ua pā'umi na'e ka le'ale'a, 'oiai, he mau 'ano pā'ani hou aku i hui pū 'ia, 'o ia ho'i ka pā'ani kinipōpō pekupeku, a me kekahi mau pā'ani 'ē a'e. A no laila 'o ka pā'ani kinipōpō pakā, no nā kā'e'a'e'a nō ia a me nā 'ahi kana-nā o ke ao nei. 'O ka nui pūmai'a, 'a'ole e komo ma loko o kēia pā'ani, o kani auane'i ka leo uē.

'O ke kahua pā'ani, he 94 kapua'i ka lō'ihi a he 55 kapua'i ke ākea a ua puni ke kahua i ka pā, he 'ewalu kapua'i ke ki'eki'e. Ua 'ane like kēia kahua me ke kahua kinipōpō hīna'i, eia na'e, ma kahi o nā hīna'i 'elua, he 'ehā kapolena lele. I mea ia mau kapolena lele e ki'eki'e ai a e ikaika ai paha ka lele a me ka pakā 'ana o nā mea pā'ani. Ke komohia ka hīna'i ma ka pakā 'ana, 'ekolu 'ai, a ke komohia ma ke kī wale 'ana nō, 'elua 'ai.

I kēia manawa, he 'ewalu mau hui kinipōpō pakā. A 'ewalu mau kānaka o ka hui pākahi, akā ke ulele ka pā'ani, kahi e kū'ē ai kekahi hui i kekahi, 'ehā wale nō mea pā'ani o kēlā 'ao'ao, kēia 'ao'ao. He 'ekolu kūlana manawa. 'O ke kūlana mua, 'o ia ka mālama kinipōpō. 'O ka lua o ke kūlana, 'o ia ke kī kinipōpō. A 'o ke kūlana hope, 'o ia ke kahu hīna'i. 'O ke kuleana o ke kahu hīna'i, 'o ia ka ho'omalu 'ana i ka hīna'i, i 'ole e komohia.

Mahalo 'ia ho'i ka mea nāna i haku i kēia pā'ani. 'O Mason Gordon ka inoa o ua kanaka lā. Wahi āna, ua nui kāna mau makahiki o ka no'ono'o 'ana i kēia pā'ani. A 'o ia nō kekahi o nā kānaka mua 'eono i pā'ani i ke kinipōpō pakā. A na lākou nō i ho'omōhala i ia pā'ani.


BACK TO TOP
|

Ho‘okani

Synopsis: Noelani Mahoe and the Leo Nahenahe Singers will be in concert at Mānoa Gardens at the University of Hawai'i at Mānoa on Friday, December 5th.

'Auhea 'oukou e nā hoa puni mele Hawai'i. I kēia Pō'alima, ka lā 5 ho'i o Kēkēmapa, e naue aku i Mānoa Gardens ma ke kula nui o Hawa'i ma Mānoa, a ma laila ana e nanea ai ka pepeiao i nā kāhuli leo le'a o ka nahele, 'o ia ho'i 'o Noelani Mahoe a me nā Leo Nahenahe Singers. 'O ka mea pōmaika'i, he manuahi kēia 'ahamele. Ho'omaka i ka hola 6:00 o ke ahiahi, a pau i ka hola 8:30.




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

--Advertisements--
--Advertisements--


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- http://archives.starbulletin.com


-Advertisement-