Starbulletin.com

Kauakukalahale

Kapä'anaokaläokeola Oliveira



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Ka ‘Äina
Kupaianaha
‘o Kina


Synopsis: With two of the eight Great Wonders of the World found in China, China is truly an extraordinary place.


(Ho'omau 'ia)

Eia hou, 'a'ole 'o ka pü'ali koa wale nö ka mea i kanu 'ia. Kanu 'ia ihola nä mea a pau e pono ai ka mö'ï ke ola hou 'o ia ala ma ka honua o nä känaka i hala. Wahi a ka lohe, ke pau ka 'eli 'ana a'e o nä pü'ali koa a pau a laila läkou e 'imi ai i nä mea 'ë a'e i kanu 'ia e la'a me ka lio, ka moku, ke külanakauhale a pëlä wale aku. He mau haneli makahiki paha ka 'eli 'ana!

Hele akula këia i ke kahawai 'o Yangze. He keu a ka nani ke kahawai a me ka 'äina i 'ike 'ia i këia mamo e holo ana ma luna o ka moku. Kaumaha palena 'ole nö na'e ka 'ike 'ana i nä kua'äina e halihali aku ana i ke one, ka pöhaku, ka lepo, a pëlä wale aku i uka. He kaumaha ho'i kau! Hana 'ia këia no ka mea mai këia mua aku, 'a'ole hele hou 'ia ia wahi. E pau ana nä wahi pili kahawai i ka wai. Kükulu 'ia a'e he mänowai nunui a e ho'opi'i 'ia ana ka wai a hiki aku i 175 mekele ma luna o ka mea ma'a mau. No këia kumu i kïpaku 'ia aku ai nä känaka e noho ana ma kahawai. Noho 'ia ua mau külanakauhale nei e nä kua'äina no 'elua kaukani makahiki a 'oi! A 'o nä mea a pau (nä hale, nä wahi la'a, ka 'äina) ma lalo o ka mäka he 175 mekele e pau ana nö i ka wai ke ho'opi'i 'ia. I mea aha këia hana nui o ka hüpö? I mea e loa'a wale mai ai ke kälä i ke aupuni!

E nä hoa heluhelu, he wahi la'a a hoihoi maoli nö 'o Kina ma nä 'ano a pau! Pömaika'i maoli nö këia i ka hele 'ana a i ku'u wahi mana'o e hele aku nö paha 'oukou i laila ke hiki. Ua 'ano like 'o Kina me Hawai'i nei no ko käkou aloha i ko käkou kuläiwi a me ka pilina o ke kua-'äina i ka 'äina. A 'o kekahi mea hou aku e pili ana nä lähui 'elua 'o ia nö ka 'ike maka 'ana kä i ke kalo e ulu ana ma ko läkou lepo!

[Mahalo nui iä 'oe e ke kaikamahine o Kahakuloa, no këia mo'olelo nei o kou mäka'i-ka'i 'ana aku nei i ka 'Äina Pua. Pömaika'i maoli mäkou me nä makamaka heluhelu i hele 'ole i laila. Ua poina na'e 'oe i kekahi mea i like ai 'o Hawai'i nei me Kina. A he mea nö ho'i ia i kau-lana a i 'ike 'ia ma nä 'äina a i 'elua, 'o ia ho'i, he pä nui ko Kina, a pëlä pü nö me Hawai'i nei, 'o ia ho'i 'o Ka pä nui o Kahakuloa. Me ke aloha nö. Eia mai kahi mo'olelo e hü ai ka 'aka, mai loko mai ia o ka nüpepa kahiko.]

POINA WALE.

Ua hele kekahi kanaka i ka ho'okelekele wa'apä; a 'o ua kanaka nei, he poina wale i käna mea e hana ai. Iä ia e ho'okele-kele ana, loa'a ka wa'apä i ke kïkïao makani a hulihia. Nalo-wale ua kanaka nei i loko o ka hohonu, li'uli'u iki, hö'ea a'ela kona po'o ma luna o ka 'ili wai, a pohö hou ihola, i këia pohö 'ana a li'uli'u iki, hö'ea hou a'ela nö; 'akahi nö ia a ho'omana'o a'e, ua 'ike nö ia i ka 'au. 'O nei kanaka kä ho'i ka 'oi o ka poina wale.

[Pëlä pü nö me këia luna ho'oponopono, auë, 'o ka haumaka'iole wale nö paha koe. Ke aloha nö. LH]




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ka ‘Āina
Kupaianaha
‘o Kina


Synopsis: With two of the eight Great Wonders of the World found in China, China is truly an extraordinary place.


(Ho'omau 'ia)

Eia hou, 'a'ole 'o ka pū'ali koa wale nō ka mea i kanu 'ia. Kanu 'ia ihola nā mea a pau e pono ai ka mō'ī ke ola hou 'o ia ala ma ka honua o nā kānaka i hala. Wahi a ka lohe, ke pau ka 'eli 'ana a'e o nā pū'ali koa a pau a laila lākou e 'imi ai i nā mea 'ē a'e i kanu 'ia e la'a me ka lio, ka moku, ke kūlanakauhale a pēlā wale aku. He mau haneli makahiki paha ka 'eli 'ana!

Hele akula kēia i ke kahawai 'o Yangze. He keu a ka nani ke kahawai a me ka 'āina i 'ike 'ia i kēia mamo e holo ana ma luna o ka moku. Kaumaha palena 'ole nō na'e ka 'ike 'ana i nā kua'āina e halihali aku ana i ke one, ka pōhaku, ka lepo, a pēlā wale aku i uka. He kaumaha ho'i kau! Hana 'ia kēia no ka mea mai kēia mua aku, 'a'ole hele hou 'ia ia wahi. E pau ana nā wahi pili kahawai i ka wai. Kūkulu 'ia a'e he mānowai nunui a e ho'opi'i 'ia ana ka wai a hiki aku i 175 mekele ma luna o ka mea ma'a mau. No kēia kumu i kīpaku 'ia aku ai nā kānaka e noho ana ma kahawai. Noho 'ia ua mau kūlanakauhale nei e nā kua'āina no 'elua kaukani makahiki a 'oi! A 'o nā mea a pau (nā hale, nā wahi la'a, ka 'āina) ma lalo o ka māka he 175 mekele e pau ana nō i ka wai ke ho'opi'i 'ia. I mea aha kēia hana nui o ka hūpō? I mea e loa'a wale mai ai ke kālā i ke aupuni!

E nā hoa heluhelu, he wahi la'a a hoihoi maoli nō 'o Kina ma nā 'ano a pau! Pōmaika'i maoli nō kēia i ka hele 'ana a i ku'u wahi mana'o e hele aku nō paha 'oukou i laila ke hiki. Ua 'ano like 'o Kina me Hawai'i nei no ko kākou aloha i ko kākou kulāiwi a me ka pilina o ke kua-'āina i ka 'āina. A 'o kekahi mea hou aku e pili ana nā lāhui 'elua 'o ia nō ka 'ike maka 'ana kā i ke kalo e ulu ana ma ko lākou lepo!

[Mahalo nui iā 'oe e ke kaikamahine o Kahakuloa, no kēia mo'olelo nei o kou māka'i-ka'i 'ana aku nei i ka 'Āina Pua. Pōmaika'i maoli mākou me nā makamaka heluhelu i hele 'ole i laila. Ua poina na'e 'oe i kekahi mea i like ai 'o Hawai'i nei me Kina. A he mea nō ho'i ia i kau-lana a i 'ike 'ia ma nā 'āina a i 'elua, 'o ia ho'i, he pā nui ko Kina, a pēlā pū nō me Hawai'i nei, 'o ia ho'i 'o Ka pā nui o Kahakuloa. Me ke aloha nō. Eia mai kahi mo'olelo e hū ai ka 'aka, mai loko mai ia o ka nūpepa kahiko.]

POINA WALE.

Ua hele kekahi kanaka i ka ho'okelekele wa'apā; a 'o ua kanaka nei, he poina wale i kāna mea e hana ai. Iā ia e ho'okele-kele ana, loa'a ka wa'apā i ke kīkīao makani a hulihia. Nalo-wale ua kanaka nei i loko o ka hohonu, li'uli'u iki, hō'ea a'ela kona po'o ma luna o ka 'ili wai, a pohō hou ihola, i kēia pohō 'ana a li'uli'u iki, hō'ea hou a'ela nō; 'akahi nō ia a ho'omana'o a'e, ua 'ike nō ia i ka 'au. 'O nei kanaka kā ho'i ka 'oi o ka poina wale.

[Pēlā pū nō me kēia luna ho'oponopono, auē, 'o ka haumaka'iole wale nō paha koe. Ke aloha nō. LH]




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

--Advertisements--
--Advertisements--


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- https://archives.starbulletin.com


-Advertisement-