Starbulletin.com

Kauakukalahale

Küpopou

Sunday, August 24, 2003



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


‘Ino! Ke Po‘i
Mai Nei Ka Nalu


Synopsis: An article in 1916 in Ka Puuhonua addresses similar issues involving Kamehameha Schools.


Aloha mai e nä makamaka heluhelu o Kauakükalahale, eia nö käkou ke 'ike hou aku nei i "ka hana ma'alea o ka pu'uwai 'ele'ele e kipi mai nei iä käkou e Hawai'i." A he pö'alo maka kä ia. Mai noho 'oukou a kuhihewa, 'akahi nö a 'ö'ili mai këia hana 'ino. Eia mai nö kahi mo'olelo nüpepa ke pane'e 'ia aku nei i mua o 'oukou e hö'ike mai ana, ua ho'ä'o 'ia e pöä 'ia ka waiwai o ka Lähui Hawai'i, a he hana ia i 'ike 'ia e ko käkou mau küpuna o ke au i hala. Ma ka makahiki 1916 i käkau 'ia ai këia mo'olelo, a ma ka lä 8 o Kepakemapa o ia makahiki i pa'i 'ia ai ma "Ka Puuhonua." E kala mai no ka hö'ano 'ë 'ana i nei mo'olelo. I ka wä i pa'i 'ia ai ma "Ka Puuhonua," 'a'ohe 'okina, 'a'ohe kahakö. Eia mai ka mo'olelo "Ino! Ke Poi Mai Nei Ka Nalu" i pa'i 'ia ma ka lä 8 o Kepakemapa, 1916.

He aha ana lä ka hopena o ke Kula Kamehameha?

I këia pule i puka maila ka ho'olaha a ke po'okumu o ke kula e pili ana no nä hana o këia makahiki iho. Ma ka paukü hope loa o ua ho'olaha ala, ua 'ölelo 'ia: "Inä 'a'ole e piha ana ke kula me nä keiki Hawai'i, a laila, e ho'okomo 'ia mai ana nä keiki o ka lähui 'ë."

'O këia paukü ka mea näna i hö'ä a'e, a i ho'onui a'e i ko mäkou inaina, no ka mea, 'o këia hana, ua like me ka pöä. 'O ke Kula 'o Kamehameha, 'o ia ka päpü ho'opakele hope loa o ka Lähui Hawai'i. 'O ka waiwai o ke Ali'iwahine Pauahi, ua ho'ola'a 'ia no nä keiki 'ilihune o nä Hawai'i a puni këia Pae'äina. 'O ka makemake o ke Ali'i, e loa'a ka mäkaukau i nä keiki Hawai'i, ma o këia mau kula ala e paio aku ai no ko läkou pono no këia mua aku.

Eia nö na'e, komo mai nei ke kölea palaualelo o ka 'äina 'ë, a, ke ho'ä'o mai nei e pö'alo i ka maka o ka Hawai'i a e lawe aku i kona pono hope loa a hä'awi aku i ko nä 'äina 'ë. 'O këia hana, ke kü'ë loa nei i ka makemake o ke Ali'i, a, ke hö'ike mai nei i ka hana ma'alea o ka pu'uwai 'ele'ele e kipi mai nei iä käkou e Hawai'i.

He aha ka mea e piha 'ole nei 'o ke Kula Kamehameha i nä keiki Hawai'i?

Eia ke kumu. Ua ha'aha'a loa ke külana 'ike o ke kula i këia wä, a he ho'opau manawa ka hele 'ana ma laila. Ua 'oi aku ke Kula Ki'eki'e Makinilë iä Kamehameha i këia lä. Ke makemake nei paha nä lälä o ka papa e ho'omalu nei i këia kula e ho'ohüpö mau aku i nä keiki Hawai'i, a, 'o këia mana'o, ua maopopo loa i nä Hawai'i na'auao o këia Teritori. 'O wai ka Hawai'i e ho'ohüpö ana iä ia iho ma o ka ho'ouna 'ana ala i käna keiki ma kahi e ho'ohüpö mau ana iä ia? I këia lä, 'a'ole i lawa ka 'ike o Kamehameha e ho'omäkaukau i nä keiki Hawai'i no ko läkou pono.

He aha ke kumu o këia ho'oha'aha'a mau 'ia o ke külana o ke Kula 'o Kamehameha?

He aha ka mea o ka Papa Kahuwaiwai e ho'olohe 'ole nei i ke a'o a nä keiki na'auao o Hawai'i nei no ka ho'oholomua 'ana aku i ke Kula? A hiki i këia lä, 'a'ole i maopopo iä mäkou.

Ma ke koho aku, eia nö nä kumu:

('A'ole i pau.)




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

‘Ino! Ke Po‘i
Mai Nei Ka Nalu


Synopsis: An article in 1916 in Ka Puuhonua addresses similar issues involving Kamehameha Schools.


Aloha mai e nā makamaka heluhelu o Kauakūkalahale, eia nō kākou ke 'ike hou aku nei i "ka hana ma'alea o ka pu'uwai 'ele'ele e kipi mai nei iā kākou e Hawai'i." A he pō'alo maka kā ia. Mai noho 'oukou a kuhihewa, 'akahi nō a 'ō'ili mai kēia hana 'ino. Eia mai nō kahi mo'olelo nūpepa ke pane'e 'ia aku nei i mua o 'oukou e hō'ike mai ana, ua ho'ā'o 'ia e pōā 'ia ka waiwai o ka Lāhui Hawai'i, a he hana ia i 'ike 'ia e ko kākou mau kūpuna o ke au i hala. Ma ka makahiki 1916 i kākau 'ia ai kēia mo'olelo, a ma ka lā 8 o Kepakemapa o ia makahiki i pa'i 'ia ai ma "Ka Puuhonua." E kala mai no ka hō'ano 'ē 'ana i nei mo'olelo. I ka wā i pa'i 'ia ai ma "Ka Puuhonua," 'a'ohe 'okina, 'a'ohe kahakō. Eia mai ka mo'olelo "Ino! Ke Poi Mai Nei Ka Nalu" i pa'i 'ia ma ka lā 8 o Kepakemapa, 1916.

He aha ana lā ka hopena o ke Kula Kamehameha?

I kēia pule i puka maila ka ho'olaha a ke po'okumu o ke kula e pili ana no nā hana o kēia makahiki iho. Ma ka paukū hope loa o ua ho'olaha ala, ua 'ōlelo 'ia: "Inā 'a'ole e piha ana ke kula me nā keiki Hawai'i, a laila, e ho'okomo 'ia mai ana nā keiki o ka lāhui 'ē."

'O kēia paukū ka mea nāna i hō'ā a'e, a i ho'onui a'e i ko mākou inaina, no ka mea, 'o kēia hana, ua like me ka pōā. 'O ke Kula 'o Kamehameha, 'o ia ka pāpū ho'opakele hope loa o ka Lāhui Hawai'i. 'O ka waiwai o ke Ali'iwahine Pauahi, ua ho'ola'a 'ia no nā keiki 'ilihune o nā Hawai'i a puni kēia Pae'āina. 'O ka makemake o ke Ali'i, e loa'a ka mākaukau i nā keiki Hawai'i, ma o kēia mau kula ala e paio aku ai no ko lākou pono no kēia mua aku.

Eia nō na'e, komo mai nei ke kōlea palaualelo o ka 'āina 'ē, a, ke ho'ā'o mai nei e pō'alo i ka maka o ka Hawai'i a e lawe aku i kona pono hope loa a hā'awi aku i ko nā 'āina 'ē. 'O kēia hana, ke kū'ē loa nei i ka makemake o ke Ali'i, a, ke hō'ike mai nei i ka hana ma'alea o ka pu'uwai 'ele'ele e kipi mai nei iā kākou e Hawai'i.

He aha ka mea e piha 'ole nei 'o ke Kula Kamehameha i nā keiki Hawai'i?

Eia ke kumu. Ua ha'aha'a loa ke kūlana 'ike o ke kula i kēia wā, a he ho'opau manawa ka hele 'ana ma laila. Ua 'oi aku ke Kula Ki'eki'e Makinilē iā Kamehameha i kēia lā. Ke makemake nei paha nā lālā o ka papa e ho'omalu nei i kēia kula e ho'ohūpō mau aku i nā keiki Hawai'i, a, 'o kēia mana'o, ua maopopo loa i nā Hawai'i na'auao o kēia Teritori. 'O wai ka Hawai'i e ho'ohūpō ana iā ia iho ma o ka ho'ouna 'ana ala i kāna keiki ma kahi e ho'ohūpō mau ana iā ia? I kēia lā, 'a'ole i lawa ka 'ike o Kamehameha e ho'omākaukau i nā keiki Hawai'i no ko lākou pono.

He aha ke kumu o kēia ho'oha'aha'a mau 'ia o ke kūlana o ke Kula 'o Kamehameha?

He aha ka mea o ka Papa Kahuwaiwai e ho'olohe 'ole nei i ke a'o a nā keiki na'auao o Hawai'i nei no ka ho'oholomua 'ana aku i ke Kula? A hiki i kēia lā, 'a'ole i maopopo iā mākou.

Ma ke koho aku, eia nō nā kumu:

('A'ole i pau.)




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

--Advertisements--
--Advertisements--


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- http://archives.starbulletin.com


-Advertisement-