Starbulletin.com

Kauakukalahale

Keoni Kuoha

Sunday, August 17, 2003



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


He Kanikau
no Tutu Hale


Synopsis: A chant of lamentation for Lilia Wahinemaika'i Hale, a renowned kupuna who died earlier this summer.


Auë! Auë e ku'u tütü ë!

Ua hä'ule ka pouhana e ku'u tütü ë

Ua nele kaupoku i ka ua mälokuloku

Lo'ohia i ke kaumaha o ka ua nui pü'uki'uki

'Ele'ele Pu'u-o-Kona, panopano i ka ua

Nui mäkena ke aloha nou e ku'u tütü ë

Auë! Ua hä'ule ë!

Auë ku'u tütü o ku'u wä kamali'i

Ku'u paepae pöhaku kamaha'o

Ke kumu o ke kau ho'opa'a mua

Ua mau ke ea o ka 'äina i ka pono

Aloha nö ia mau lä

Auë! Ua hala ë!

Auë ku'u tütü o ku'u wä 'öpio

Hehe'e akula nä one o Pu'u-o-Molokai

Ua pio ma kai lä o Kukui

E tütü o ka hana ulana, o ka puke hämama

I hänai me ka hua manakö

Auë! Ua hä'ule ë!

Auë ku'u tütü o ku'u wä o'o

Kulukulu Paliuli i ka 'eleua

E ku'u hoa hele i ka nani o Kaupö

Öpü maila Makapu'u i ke kai küpikipiki'ö

A 'o kö maka, nänä i ke 'alohi, ke 'aka

Aia i ka hikina ka 'aho pi'o kuahui, ua lele

Auë ke aloha nui mäkena e ku'u tütü ë

Auë ke aloha ë! Auë ke aloha nö ë!


(Aloha mai nö e nä makamaka heluhelu o Kauakükalahale, nui nö ke aloha i nä küpuna o käkou a no laila, inä he kanikau paha koe, a he ho'älohaloha paha no kahi kupuna i ho'i aku nei i ka moe kapu o Niolopua, e ho'ouna 'ia mai. A he nui ho'i ke aloha i nä küpuna e 'oni nei ka moku, a no laila inä he mo'olelo kahi e pili ana i kekahi kupuna e ola nei, e ho'ouna mai nö. LH)


Ka 'Aha Kükä
Haumäna Ho'okä'oi
Hawai'i 'Öiwi



Synopsis: A reminder about this week's Native Hawaiian graduate student conference being held at Kamakaküokalani Center for Hawaiian Studies at the University of Hawai'i at Mänoa.



Mai noho 'oukou a ho'opoina i ka 'aha kükä haumäna ho'okä'oi Hawai'i 'Öiwi e mälama 'ia ana ma Kamaka-küokalani, Hälau 'Ike Hawai'i o ke Kulanui o Hawai'i ma Mänoa. I këia pule ana nö e mälama 'ia ai, he 'ekolu lä, mai ka Pö'akolu (lä 20) a i ka Pö'alima (lä 22). 'O ka inoa o ua 'aha kükä nei, 'o ia 'o "Ka Li'u O Ka Pa'akai." A ma laila nö e 'ike 'ia ai ka li'u o ka pa'akai i nä haumäna Hawai'i 'Öiwi. Nui nä kumumana'o e kükäkükä 'ia ana, 'o ke kälai no'ono'o (psychology), ka ho'ona'auao (education), ka archaeology, ka mo'olelo (literature), a he mau mea hou aku.

Inä he nïnau paha käu e pili ana i këia 'aha kükä, e kelepona iä Mehanaokalä Hind ma ka helu 973-0979, a i 'ole ia e leka uila iä ia ma nhind@hawaii.edu.




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

He Kanikau
no Tutu Hale


Synopsis: A chant of lamentation for Lilia Wahinemaika'i Hale, a renowned kupuna who died earlier this summer.


Auē! Auē e ku'u tūtū ē!

Ua hā'ule ka pouhana e ku'u tūtū ē

Ua nele kaupoku i ka ua mālokuloku

Lo'ohia i ke kaumaha o ka ua nui pū'uki'uki

'Ele'ele Pu'u-o-Kona, panopano i ka ua

Nui mākena ke aloha nou e ku'u tūtū ē

Auē! Ua hā'ule ē!

Auē ku'u tūtū o ku'u wā kamali'i

Ku'u paepae pōhaku kamaha'o

Ke kumu o ke kau ho'opa'a mua

Ua mau ke ea o ka 'āina i ka pono

Aloha nō ia mau lā

Auē! Ua hala ē!

Auē ku'u tūtū o ku'u wā 'ōpio

Hehe'e akula nā one o Pu'u-o-Molokai

Ua pio ma kai lā o Kukui

E tūtū o ka hana ulana, o ka puke hāmama

I hānai me ka hua manakō

Auē! Ua hā'ule ē!

Auē ku'u tūtū o ku'u wā o'o

Kulukulu Paliuli i ka 'eleua

E ku'u hoa hele i ka nani o Kaupō

Ōpū maila Makapu'u i ke kai kūpikipiki'ō

A 'o kō maka, nānā i ke 'alohi, ke 'aka

Aia i ka hikina ka 'aho pi'o kuahui, ua lele

Auē ke aloha nui mākena e ku'u tūtū ē

Auē ke aloha ē! Auē ke aloha nō ē!


(Aloha mai nō e nā makamaka heluhelu o Kauakūkalahale, nui nō ke aloha i nā kūpuna o kākou a no laila, inā he kanikau paha koe, a he ho'ālohaloha paha no kahi kupuna i ho'i aku nei i ka moe kapu o Niolopua, e ho'ouna 'ia mai. A he nui ho'i ke aloha i nā kūpuna e 'oni nei ka moku, a no laila inā he mo'olelo kahi e pili ana i kekahi kupuna e ola nei, e ho'ouna mai nō. LH)


Ka 'Aha Kūkā
Haumāna Ho'okā'oi
Hawai'i 'Ōiwi



Synopsis: A reminder about this week's Native Hawaiian graduate student conference being held at Kamakakūokalani Center for Hawaiian Studies at the University of Hawai'i at Mānoa.



Mai noho 'oukou a ho'opoina i ka 'aha kūkā haumāna ho'okā'oi Hawai'i 'Ōiwi e mālama 'ia ana ma Kamaka-kūokalani, Hālau 'Ike Hawai'i o ke Kulanui o Hawai'i ma Mānoa. I kēia pule ana nō e mālama 'ia ai, he 'ekolu lā, mai ka Pō'akolu (lā 20) a i ka Pō'alima (lā 22). 'O ka inoa o ua 'aha kūkā nei, 'o ia 'o "Ka Li'u O Ka Pa'akai." A ma laila nō e 'ike 'ia ai ka li'u o ka pa'akai i nā haumāna Hawai'i 'Ōiwi. Nui nā kumumana'o e kūkākūkā 'ia ana, 'o ke kālai no'ono'o (psychology), ka ho'ona'auao (education), ka archaeology, ka mo'olelo (literature), a he mau mea hou aku.

Inā he nīnau paha kāu e pili ana i kēia 'aha kūkā, e kelepona iā Mehanaokalā Hind ma ka helu 973-0979, a i 'ole ia e leka uila iā ia ma nhind@hawaii.edu.




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

--Advertisements--
--Advertisements--


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- http://archives.starbulletin.com


-Advertisement-